English | عربی | Kurdî دواهەواڵ
ڕاستەوخۆ  
 
به‌یاننامه‌ی یه‌كێتی قوتابیانی كوردستان، به‌بۆنه‌ی (73)هه‌ مین ساڵڕۆژی هه‌ڵکردنی ئاڵای کوردستان
2018-12-16 [02:33 AM]

ZNA - هه‌ولێر


 

سڵاوی زانست و خه‌بات ....

 

لە رۆژێکی وەک ئەمرۆ  لە (17ی كانوونی یەكەمی 1945) لە رۆژهەڵاتی کوردستان و لە رێورەسمێکی شکۆداردا، به‌ به‌شداری پێشه‌وا قازی محه‌مه‌د و خه‌باتگێڕانی کورد له‌ پارچه‌کانی دیکه‌ی کوردستان، ئاڵای كوردستانيان له‌ شاری مەهاباد هه‌ڵکرد.

بە درێژایی مێژووی خەباتی رزگاریخوازی نەتەوەکەمان، قوتابیان رۆڵی بەرچاویان ھەبووە لە خەباتدا لە پێناوی ئاڵا و نیشتمان هەمیشە پێشڕە بوون، لە رێگەی خوێندن و زانستیشدا کە خەباتێکی مەدەنی چارەنووسساز بووە، بۆیە ئامادەیی لە کۆڕی خەباتدا بەرز نرخێنراوە.

 

قوتابیانی سەرە رم...

 پێشەوا (قازی محەمەد) ئاڵای کوردستانی سپاردە باوکی ڕۆحی نەتەوەی کورد (بارزانی نەمر)، ئەویش بۆ ئەو ئاڵایە و لە ژێر ئەو ئاڵایەدا چەندان داستانی قارەمانیەتیی بۆ نەتەوەی کورد تۆمار کرد، کە شۆڕشە مەزنەکەی ئەیلوول و گوڵانی پێشکەوتن خواز بوو، کە لە سایەیاندا پەرلەمان و حکومەتی هەرێمی کوردستانی لێ بەرهەم هات.

 

هەر بەم بۆنەیەوە لە ساڵی 2009 لە پەرلەمانی کوردستان بڕیاردرا،کە ڕۆژی 17ی کانوونی یەکەمی هەموو ساڵێک بکرێتە ڕۆژی ئاڵا.

 

قوتابیانی خۆشەویست ....

لەم یادە پیرۆزەدا، داوا له‌ سەرجەم قوتابيان و كوردستانییە نیشتیمان پەروەرەکان دەکەین، بە هەموو پێكهاتەكانیەوە، له‌ هه‌ر کوێیه‌کن‌، به‌ هه‌ر شێوه‌یه‌ک بۆیان ده‌کرێ، رێز له‌ رۆژی هه‌ڵکردنی ئاڵای کوردستان بگرن، ئه‌م بۆنه‌یه‌ وه‌ک رۆژێکی ئاسایی تێپه‌ڕ نه‌که‌ن و بایه‌خی شیاوی خۆی پێبده‌ن، ئاڵاکەمان، بەمانای پێناسەی نەتەوە و خاکی کوردستان دەگەیەنێت.

 

له‌ كۆتایدا دەڵێین نه‌مری بۆ شه‌هیدان و سه‌ربه‌رزی و خۆراگری بۆ برا پێشمه‌رگه‌ قاره‌مانه‌كانمان، به‌رز و شه‌کاوه‌ بێ ئاڵای پیرۆزی کوردستان.

 

یه‌كێتی قوتابیانی كوردستان

مەكتەبی سكرتاریەت

2018.12.16





ئەم هەواڵە 4048جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad