English | عربی | Kurdî دواهەواڵ
ڕاستەوخۆ  
 
ئەنجومەنی وەزیران رۆژی ئاڵای بەرز ڕاگرت
2018-12-17 [07:27 AM]

ZNA-هەولێر


 

ئەنجومەنی وەزیرانی هەرێمی كوردستان، لە ڕێوڕەسمێكدا ئه‌مڕۆ دووشه‌ممه رۆژی ئاڵای كوردستانی بەرز راگرت.

لەم ڕێوڕەسمەدا كە ژمارەیەك لە وەزیرانی حكومەتی هەرێمی كوردستان وكارمەند وفەرمانبەرانی دام ودەزگاكانی حكومەت ئامادەی بوون، دوای پێشكەشكردنی سروودی ئەی ڕەقیب، ئاڵای كوردستان لەلایەن پێشمەرگە رێناس فەرزندە نەزەت، كە لە شەڕی دژی تیرۆریستانی داعش بریندار ببوو، بەیاوەری بەڕێز كەریم سنجاری وەزیری ناوخۆ و وەزیری پێشمەرگە بە وەكالەت بەرزكرایەوە .

دواتر بەڕێز كەریم سنجاری بە ناوی حكومەتی هەرێمی كوردستانەوە وتارێكی پێشكەش كرد تیایدا وێڕای پیرۆزبایی بەبۆنەی ئەم رۆژەوە جەختی لەسەر ئەوە كردەوە حكومەت هەمیشە گرنگی بە یادكردنەوەی رۆژانی سەروەری ورۆژانی سەخت ودژواری گەلی كوردستان داوە وئەمەش وای كرد پەرلەمانی كوردستان لە ساڵی 2009 دا بڕیاری دا ئەم رۆژە وەكو رۆژی ئاڵا بناسێنێت كە هاوكاتە لەگەڵ هەڵكردنی ئەم ئاڵایە لە شاری مهابادی پایتەختی كۆماری كوردستان.

وەزیری ناوخۆ ئەوەی خستەڕوو هەرێمی كوردستان بە چوار ساڵی زۆر هەستیاردا تێپەڕی وخۆی لە چەندین بەربەست وقەیران دەرباز كرد ودووپاتیكردەوە بە هەوڵی پێشمەرگە قارەمانەكانی وەكو ڕێناس فەرزندە وهێزەكانی ئاسایش وناوخۆ وكارمەندانی حكومەت هەرێمی كوردستان بە پارێزراوی مایەوە وگەلی كوردستان سەلماندی یەك دەنگ ویەك هەڵوێستە بەرامبەر هەموو ئەم بەربەستانە وئاسۆیەكی گەش چاوەڕێی گەلی كوردستان وهەرێمی كوردستان دەكات.

شایانی باسە پەرلەمانی كوردستان كە لە ساڵی 2009 بڕیاری دیاریكردنی رۆژی 17ی دیسەمبەری بە رۆژی ئاڵا دابوو، هاوكات لە ساڵی 1999 ، پەرلەمان بە فەرمی ئەو ئاڵایەی بەو شێوەیەی ئێستای وەكو ئاڵای فەرمی هەرێمی كوردستان ناساند.





ئەم هەواڵە 3901جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad