English | عربی | Kurdî دواهەواڵ
ڕاستەوخۆ  
 
وەزارەتی پەروەردە: هەموو دەرماڵەكانی مامۆستایان خەرج دەكرێت
2018-12-18 [05:51 AM]


ZNA – هەولێر

بەرپرسێكی وەزارەتی پەروەردە لە بارەی دەرماڵەكانی مامۆستایان ئاشكرای دەكات، هەموو دەرماڵەكان خەرج دەكرێن و ئەو دەرماڵەیشی بڕدرابوو دووبارە دەست بە خەرجكردنەوەی كراوە.

بەرێوەبەری گشتی دیوان لە وەزارەتی پەروەردەی حكوومەتی هەرێمی كوردستان، مەریوان بەگۆ  بە باسی راگەیاند: دەرماڵەكانی مامۆستایانی وەزارەتی پەروەردە بەردەوام دەبێت، هیچ بڕیارێك لە ئەنجومەنی وەزیران و وەزارەتی دارایی نیە بۆ ئەوەی دەست لە دەرماڵەكانی مامۆستایان بدرێت.

ئەو دەشڵێت " دەسەڵاتی وەزارەتی پەروەردە نیە پێداچوونەوە بە دەرماڵەكاندا بكات بەڵكو ئەوانە هەمووی بە پێی رێنمایی دارایی خەرج دەكرێت و هیچ رێنماییەك نیە تاوەكو دەرماڵەی مامۆستایان دەستكاری بكرێت".

مەریوان بەگۆ جەختیشی كردەوە، بۆ ساڵی داهاتووش فەرمانی خەرجكردنی دەرماڵەكان تازە دەكرێنەوە، ئەو 150 هەزارەی دەدرێتە هەموو مامۆستایان و وەزارەتی پەروەردە جێگیرە و دەرماڵەیەكی بڕاوەیە و كاتی خۆی لە ئەنجومەنی بڕیاری پێ دەرچووە.

روونیشی كردەوە لەگەڵ مووچەی ئەو مانگە و مانگەكانی تر دەرماڵەی هاتووچۆ خەرج دەكرێت، " دەرماڵەی هاتووچۆ لە وەرزی كۆتایی خوێندن دەوەستێت، لەگەڵ مووچەی ئەو مانگە و مانگەكانی تر دووبارە دەست كراوەی بە خەرجكردنەوەی، تەنها بۆ ئەوانە خەرج ناكرێت كە پاسیان بۆ گیراوە بۆ هاتووچۆكردنیان، بەڵكو ئەوانەی بۆ خۆیان هاتووچۆ دەكەن بۆیان خەرج دەكرێت".

دەرماڵەی جوگرافی و هاتووچۆی مامۆستایان لە سەنتەری شارەکان 30 هەزار دینار و لە سەنتەری قەزا و ناحییەکان 40 هەزار و لە گوندەکانیش 50 هەزاردینارە.

بەرپرسەكەی وەزارەتی پەروەردە گوتیشی" بۆ باشتركردنی گوزەران و مووچەی مامۆستایان هەرچیەك لە دەستمان بێت دەیكەین، وەزارەتی داراییش هەموو ئامادەییەكیان پیشانداوە بۆ هاوكاریكردنی وەزارەتی پەروەردە.

 





ئەم هەواڵە 7555جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad