English | عربی | Kurdî دواهەواڵ
ڕاستەوخۆ  
 
سوودەکانی کوزەڵە
2018-12-18 [01:35 AM]

هەولێر _ ZNA


 

 


کوزەڵە دەوڵەمەندە بە کۆمەڵیک ڤیتامین و ماددەی تری وەک لووتین، کە هۆکاری زۆر گرنگن لە پاراستنی تەندروستیی مرۆڤدا.

ماڵپەڕی بۆڵدسکای لە بابەتێکی تەندروستیدا ئاماژە بە چەند سوودێکی گرنگی خواردنی کوزەڵە دەکات و پێکهاتە ناوازەکەی دەخاتەڕوو.

- دابەزاندنی پەستانی خوێن

کوزەڵە بڕێکی زۆر لە ماددەی لووتین و زیکسانسینی تێدایە کە ئەم ماددانە ڕێگری لە پیسبوونی دەمارەکانی خوێن دەکەن و ڕێڕەوی خوێن ئاسان دەکەن، بەم شێوەیەش پەستانی خوێن جێگیری خۆی لەدەستنادات و نزم دەبێت.

- یارمەتی بەهێزبوونی ئێسکەکان دەدات

کوزەڵە بڕێکی زۆر لە ماددەی ڤیتامین کەی لەخۆدەگرێت، بوونی ڤیتامین کەی لە جەستەدا هۆکارە بۆ پاراستنی ئێسکەکان، نەبوونیشی هۆکارە بۆ داخورانی ئێسکەکان و ڕزانیان.

- ڕێگری لە شێرپەنجە دەکات

کوزەڵە جۆرە ماددەیەکی دژە شێرپەنجە لەخۆدەگرێت کە ئەگەرەکانی شێرپەنجە کەمدەکاتەوە، هەروەها ماددەی دیدۆلیلسینی تێدایە کە ڕێگری لە شێرپەنجەی مەمک دەکات.

- بەرگری لەش زیادەکات

بڕێکی زۆر لە ڤیتامین سی لە کوزەڵەدایە کە جەستەی مرۆڤ لە بەکتریا زیانبەخشەکان دەپارێزێت و بەمەش بەرگری لەش بەهێزدەبێت.

- هۆکارێکە بۆ تەندروستبوونی دڵ

ماددەی دژە ئۆکسانی لوتین لە کوزەڵەدا هەیە کە هۆکارێکە بۆ پاراستنی دڵ لە نەخۆشییەکان و جەڵتەی دڵ.

- ڕێگە لە جەڵتەی مێشک دەگرێت

کوزەڵە بڕێکی زۆر لە ماددەی فۆڵەیتی تێدایە کە هۆکارە بۆ پاراستنی مێشک لە توشبوون بە جەڵتە.

- بینین بەهێز دەکات

بوونی بڕێکی زۆری ڤیتامین سی لە کوزەڵەدا وای لێ دەکات کە هۆکارێکی زۆر گرنگ بێت بۆ بەهێزکردنی توانای بینین.





ئەم هەواڵە 2668جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad