English | عربی | Kurdî دواهەواڵ
ڕاستەوخۆ  
 
خه‌باتى پارتى، بارزانیی هه‌مووكات له‌ پێناو كوردستانێكى به‌هێز بووه‌
2018-12-19 [01:02 AM]

نوسینی : رێبوار حه‌مه‌لاو شوانی


له‌و كاته‌وه‌ی مسته‌فا بارزانی شۆڕشی له‌سه‌ر بنه‌مای پێناسه‌كردنه‌وه‌ی بیری نه‌ته‌وه‌یی، ره‌تكردنه‌وه‌ی ناوچه‌گه‌ری و جیاوازی بیروبۆچوونی سیاسی به‌ كۆڵه‌گه‌ی یه‌كه‌می شۆڕشی سه‌رتاسه‌ری كوردستان ده‌ستنیشان كردووه‌، كوردایه‌تی هه‌وێنی شۆڕشه‌كانی كوردستان بووه‌، ئه‌وجا ئه‌و شۆڕشه‌ شۆڕشی دووه‌می بارزان بووبێت، یان به‌شداریی مسته‌فا بارزانی و پێشمه‌رگه‌كانی بووبێت له‌ پاراستنی كۆماری كوردستاندا، یاخود شۆڕشی مه‌زنی ئه‌یلوول بووبێت، كوردایه‌تی له‌ میتۆد و بیركردنه‌وه‌ی مسته‌فا بارزانی-دا، پێناسه‌كردنه‌وه‌ی ئه‌و چه‌وسانه‌وه‌و زوڵم و زۆر و غه‌دره‌ بووه‌ كه‌ داگیركارانی كوردستان هه‌وڵیانداوه‌ وه‌ك ئیراده‌یه‌كی ده‌ره‌كی، ئیراده‌ی خۆیان به‌سه‌ر ته‌واوی گه‌لی كوردستاندا به‌ جیاوازیی ئایین و نه‌ته‌وه‌ و چینایه‌تییه‌وه‌ بسه‌پێنن و هه‌موو تاكه‌كانی كوردستان ملكه‌چ و بێ ئیراده‌ بكه‌ن، ئه‌مه‌ش به‌و مانایه‌ی هاووڵاتیانی كوردستان سه‌ر به‌هه‌ر نه‌ته‌وه‌یه‌ك، یان ئایینێك بووبن، یاخود هه‌ژار بن، یان ده‌وڵه‌مه‌ند، هه‌موویان وه‌ك یه‌ك له‌ژێر زه‌بری چه‌وسانه‌وه‌و ره‌فتاری داگیركاراندا وه‌كو یه‌ك چه‌وسێندراونه‌ته‌وه‌، بۆیه‌ قۆناخی خه‌بات و قوربانیدان بۆ رزگاری و سه‌رفرازیی یه‌كجاره‌كی، قۆناخی یه‌كڕیزی و ته‌بایی و یه‌كخستنی هه‌موو توانا و جیاوازییه‌كان بووه‌ بۆ ئه‌وه‌ی له‌ژێر ده‌ستی داگیركاران رزگاریان بێت و گه‌لی كوردستان كیان و ناسنامه‌یه‌كی تایبه‌ت بۆ خۆیان دروست بكه‌ن، له‌سه‌ر ئه‌م بنه‌مایه‌، گشت تێكۆشان و به‌رخۆدانه‌كان تا ئێستا به‌ هاوشێوه‌ی شۆڕشی بارزان و پاراستی كۆماری كوردستان و شۆڕشی ئه‌یلوول، سه‌رچاوه‌ی هێز و ئیراده‌ی گه‌لی كوردستانی له‌ پێكه‌وه‌ كۆكردنه‌وه‌ی جیاوازییه‌كان و پێكه‌وه‌ژیانی سه‌رجه‌م لایه‌نه‌ كوردستانییه‌كان سه‌یرده‌كرد، كه‌ زۆر جار ئه‌م به‌ره‌یه‌ فراوانتریش ده‌بوو، ئه‌و هێزه‌ عێراقییانه‌شی له‌ خۆی ده‌گرت كه‌ دژی رژێمی دیكتاتۆری له‌ كوردستانه‌وه‌ خه‌باتیان ده‌كرد، بۆیه‌، گشت تێكۆشانه‌ به‌رده‌وامه‌كان هه‌موو له‌ پێناو یه‌كرێزی گشت هێز ولاینه‌ سیاسییه‌كان و دواتر به‌ده‌ستهێنانی مافه‌ ره‌واكانی كوردستانه‌، به‌ درێژایی مێژووی خه‌باتی پر شانازی هه‌ر له‌ شۆرشه‌كانی كانی رابردوو تا  پارتی دیموكراتی كوردستان هه‌موو هه‌وڵ و ئامانجی بۆ ئه‌وه‌ بووه‌ كه‌ رایه‌ڵه‌یه‌ك دروست بكات بۆ ئه‌وه‌ی جیاوازییه‌كان پێكه‌وه‌ كۆبكاته‌وه‌ و فره‌یی و هاوخه‌باتی له‌نێوان حزبه‌كاندا به‌رده‌وامی هه‌بێت، هه‌ر بۆیه‌ ئه‌گه‌ر بگه‌ڕێینه‌وه‌ بۆ مێژووی شۆڕشی گوڵان، هیچ كاتێك پارتی دیموكراتی كوردستان به‌ ته‌نیا له‌به‌ره‌یه‌ك نه‌بووه‌و لایه‌نه‌كانی دیكه‌ له‌به‌ره‌یه‌كی دیكه‌دا بووبێت، به‌ڵكو به‌پێچه‌وانه‌وه‌ هه‌ر لایه‌نێكی سیاسی به‌ مه‌به‌ست و به‌ ئه‌نقه‌ست و له‌ پێناوی به‌رژه‌وه‌ندییه‌ حزبییه‌كانی خۆی هه‌وڵیدابێت، ململانێی شكۆ و نفوزی پارتی دیموكراتی كوردستان بكات، ئه‌وا ئه‌و لایه‌نه‌ به‌ته‌نیا له‌ به‌ره‌یه‌كدا بووه‌و پارتی دیموكراتی كوردستان و ته‌واوی حزبه‌ سیاسییه‌كانی دیكه‌ی كوردستان له‌به‌ره‌یه‌كی دیكه‌دا بوون، ئه‌م ئاماژه‌یه‌ بۆ هه‌ڵدانه‌وه‌ی لاپه‌ڕه‌ی ناسۆره‌كانی ناكۆكییه‌كانی سه‌رده‌می خه‌باتی چه‌كداری له‌ شاخ نییه‌، به‌ڵكو بۆ وه‌رگرتنی په‌ندو وانه‌ی ئه‌و مێژووه‌یه‌ كه‌ فێرمان ده‌كات، له‌ قۆناخی رزگاری نیشتمانی و پێش دروستبوونی ده‌وڵه‌تی كوردستان، فاكته‌ری سه‌ره‌كی بۆ بوون و مانه‌وه‌ی نه‌ته‌وه‌، ته‌نیاو ته‌نیا یه‌كڕیزی و ته‌بایی و هاوخه‌باتیی نێوان تێكڕای لایه‌نه‌ سیاسییه‌كانی كوردستانه‌، بۆ ئه‌مه‌ش ئه‌زموونی به‌ره‌ی كوردستانی كه‌ له‌ رۆژه‌ سه‌خته‌كانی ئه‌نفال و كیمیاباراندا دروست بوو، ده‌ریخست یه‌ك ئیراده‌یی و یه‌كڕیزی و هاوخه‌باتی له‌ پێناوی كوردایه‌تی ئه‌و توانایه‌ی هه‌یه‌ هه‌موو به‌ربه‌سته‌كان لابه‌رێت و به‌ره‌و ئاسۆیه‌كی گه‌ش بۆ كوردستان هه‌نگاو هه‌ڵبگرێت، كه‌ ئه‌م ئاسۆیه‌ش له‌ راپه‌ڕینی به‌هاری 1991 خۆی به‌رجه‌سته‌ كردو پاشانیش هه‌ر له‌سه‌ر بنه‌مای ئه‌م ئیراده‌یه‌، هه‌ڵبژاردن له‌ كوردستان ئه‌نجامدراو په‌رله‌مان و حكومه‌تی هه‌رێمی كوردستان دامه‌زرێندران، دواتر چه‌سپاندنی فیدراڵی و ئینجا هه‌نگاونان به‌ره‌و مافی چاره‌ی خۆنووسین و به‌ ده‌سهێنانی ده‌وڵه‌تبوونی كوردستان، واقیعی ئێستای كوردستان سه‌رده‌مێكی نوێ و قۆناخێكی جیاوازه‌ له‌ قۆناخه‌كانی پێشتری بزووتنه‌وه‌ی رزگاریخوازیی كوردستان و، ئێستای كوردستان بۆته‌ ئه‌و چراخانه‌ی كه‌ ته‌واوی مێژووی شۆڕش و خه‌باتی بزووتنه‌وه‌ی رزگاریخوازیی كوردستان رووناك ده‌كاته‌وه‌، به‌رده‌وامیی ئه‌م ئێستایه‌ی كوردستان و هه‌نگاوهه‌ڵگرتن بۆ ئاینده‌یه‌كی رۆشنتر، به‌نده‌ به‌ پابه‌ندبوون به‌و پره‌نسیبی ته‌واوی شۆڕشه‌كانی كوردستان بۆ ئامانجی سه‌ربه‌خۆیی پێكه‌وه‌ كۆده‌كاته‌وه‌، دیاره‌ ئه‌و پره‌نیسیپانه‌ش هه‌ر هه‌موویان جه‌خت له‌سه‌ر یه‌كڕیزی و رێزگرتن له‌ بیروبۆچوونی جیاواز و ته‌بایی و هاوخه‌باتیی ته‌واوی هێز و لایه‌نه‌ سیاسییه‌كان ده‌كه‌نه‌وه‌ بۆ گه‌یشتن به‌ دوائامانج كه‌ سه‌ربه‌خۆیی و سه‌رفرازی یه‌كجاره‌كی خه‌ڵكی كوردستانه‌، ۆ ئێستای كوردستان بارودۆخێكی ئه‌وتۆی نێوده‌وڵه‌تی هاتۆته‌پێشه‌وه‌ كه‌ پێشتر له‌ مێژووی بزاڤی رزگاریخوازیی كوردستاندا وێنه‌ی نه‌بووه‌، بۆیه‌ له‌ناو ئه‌م بارودۆخه‌دا سه‌ركردایه‌تی سیاسیی كوردستان له‌ ئاماده‌باشیدایه‌له‌ پێناو كوردستانێكی به‌هێز و حكومه‌تێكی به‌هێز و زه‌مینه‌سازی له‌ پێناو كیانێكی سه‌ربه‌خۆ، بۆیه‌ ،ره‌وشه‌كه‌ ده‌خوازێت و پێویستی به‌ یه‌كڕیزی و یه‌كده‌نگیی هه‌موو هێزه‌ سیاسییه‌كانی كوردستان هه‌یه‌، ده‌بێت هه‌موو حزبه‌كان كێشه‌ و ناكۆكییه‌ لاوه‌كییه‌كانیان بخه‌نه‌لاوه‌، كار بۆ یه‌كهه‌ڵوێستی و به‌هێزبوونی كوردستان بكه‌ین، ئه‌گه‌ر ئاوریكی خێرا له‌ مێژوو و رابردوومان بده‌ینه‌وه‌ و باوه‌رێكی پته‌ومان به‌و خه‌بات و تێكۆشان و قوربانیدانه‌ی دوێنی ئه‌مرۆ هه‌بێ‌، ده‌بێ‌ ئه‌و راستییه‌ بزانین كه‌ ئامانج له‌ دروستبوونی حزب و خه‌بات و سیاسی و سه‌ربازی دوێنی و ئه‌مرۆمان هه‌موو كورد له‌یه‌ك بازنه‌ دا كۆده‌كاته‌وه‌ و بۆ ئامانجێك بووه‌ ئه‌ویش به‌رژوه‌ندییه‌ باڵاكانی گه‌لی كورد و به‌ده‌ستهێنانی ده‌وڵه‌تی كوردستان، ئیتر به‌ گوێره‌ی بارودۆخ و ره‌وشی هه‌ر به‌شێكی كوردستان، ده‌بێ‌ تێبكۆشین و به‌ جیدی هه‌وڵه‌كان چرٍ بكرێنه‌وه‌ تا چیتر گه‌لی كورد وه‌ك نه‌ته‌وه‌یه‌كی ماف داگیركراویی 40 میلیۆنی چیتر به‌ هۆی بێ‌ ده‌وڵه‌تییه‌وه‌ له‌ ژێر هه‌ره‌شه‌ و گوشار و چه‌وسانه‌وه‌ی داگیركه‌ران و به‌رژوه‌ندیی زڵهێزان نه‌بێ‌، له‌م سه‌رده‌مه‌دا پێویسته‌، ته‌وه‌ری سه‌ره‌كیی خه‌بات ‌و تێكۆشانی گه‌لی كورد هزری‏ نه‌ته‌وه‌خوازی ‌و پێناسه‌ی نه‌ته‌وه‌یی، به‌رژه‌وه‌ندی نه‌ته‌وه‌یی، سه‌روه‌ری نه‌ته‌وه‌یی، ئاسایشی نه‌ته‌وه‌یی ‌و سه‌لماندن ‌و چه‌سپاندنی مافی دیاری كردنی چاره‌نووسی نه‌ته‌وه‌ی كورد بێ‌.
له‌م بارودۆخه‌دا پێویسته‌، نه‌ته‌وه‌ی كورد له‌ سیاسه‌تی واقعبینانه‌ ‌و رێئالیستی په‌یڕه‌وی بكات، بۆ هه‌لومه‌رجی دیاریكراو هه‌ڵسه‌نگاندن ‌و لێكدانه‌وه‌ی دیاری كراوی هه‌بێ‌، خوێندنه‌وه‌ی دروستی بۆ باڵانسی هێز ‌و هاوكێشه‌ سیاسییه‌كان‌ و پێكهاته‌ و رووداوه‌ جۆراوجۆره‌ ناوچه‌یی ‌و جیهانییه‌كان هه‌بێ‌، به‌گوێره‌ی هه‌لومه‌رجی گونجاو له‌ هه‌موو شێوه‌كانی خه‌بات ‌و ده‌رفه‌ته‌ سیاسییه‌ ناوچه‌یی ‌و جیهانییه‌كان كه‌ڵك وه‌رگرێ‌، میكانیزم‌ و رێكاره‌كانی خه‌بات به‌پێی پێویست بگۆڕِێ‌، به‌ها و پڕه‌نسیپه‌ دێمۆكراتیكه‌كان نۆژه‌ن بكاته‌وه‌، په‌ره‌ به‌ پێوه‌ندییه‌ نیشتمانییه‌كان بدات، پێوه‌ندییه‌كانی له‌گه‌ڵ نه‌ته‌وه‌كانی دراوسێ ‌‌و گه‌لانی ناوچه‌ به‌هێز بكات، دیپلۆماسی نێونه‌ته‌وه‌یی به‌ربڵاو ‌و به‌هێزتر بكات ‌و پێوه‌ندیی له‌گه‌ڵ زلهێزه‌ بڕیار به‌ده‌سته‌كانی جیهان پته‌وتر بكات، پێویسته‌ له‌ پێناوی به‌رز ‌و به‌هێزتر كردنی وشیاری ‌و ئیراده‌ی یه‌كگرتوویی سیاسی ‌و هه‌ستی نیشتمانپه‌روه‌ری ‌و سه‌لماندنی شوناسی نه‌ته‌وه‌یی كورد، به‌ شێوازی جۆراوجۆر ‌و شێلگیرانه‌ خه‌بات بكرێ‌ بۆ ساخ كردنه‌وه‌ ‌و یه‌كلایی ‏و به‌رجه‌سته‌ كردنه‌وه‌ی به‌ها ‌و هێما نه‌ته‌وه‌ییه‌كانی له‌ پێناو به‌ده‌سهێنانی ده‌وڵه‌تبوونی كوردستان كه‌ ته‌نها رێگه‌یه‌ بۆ سه‌قامگیری و ئاشتی له‌ ناوچه‌كه‌ دا .





ئەم هەواڵە 4666جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad