English | عربی | Kurdî دواهەواڵ
ڕاستەوخۆ  
 
دادگای باڵای فیدراڵ، خۆی لە سکاڵاکەی ئەنجوومەنی پارێزگا و پارێزگاری کەرکووک بە خاوەن نەکرد
2018-12-19 [02:53 AM]

ZNA- هه‌ولێر


پارێزەری ئەنجوومەنی پارێزگای کەرکووک دەڵێ، بڕیاری دادگای باڵای فیدراڵی سەبارەت بە سکاڵای پارێزگاری کەرکووک نەجمەددین کەریم، سیاسییە نەک یاسایی و گوتیشی، "سەرەڕای وەڵامدانەوەی درەنگوەخت، ئێستا خۆی لە کەیسەکە دەرباز کردووە."

پاش ماوەیەکی زۆر لە وەڵامنەدانەوەی، دادگای باڵای فیدراڵی عێراق خۆی لەو سکاڵایە دزیوەتەوە کە بە ھۆی ڕووداوەکانی ١٦ـی ئۆکتۆبەرەوە پارێزگاری کەرکووک، نەجمەددین کەریم لەسەر سەرۆکوەزیرای پێشووی عێراق، حەیدەر عەبادی تۆماری کردبوو.
لە مانگی ٣ی ئەمساڵدا بە ڕاوێژ و ڕەزامەندیی پارێزگاری کەرکووک، نەجمەددین کەریم، ئەنجوومەنی پارێزگای کەرکووک سکاڵای لە دادگای فیدراڵی لەسەر حکوومەتی عێراق تۆمار کرد کە سێ خاڵی لەخۆ گرتووە.
عەلی گردەسۆری، ئەو پارێزەرەی کە ئەرکی چاودێریکردن و بەدواداچوونی سکاڵاکەی لە دادگای فیدراڵی پێ سپێردرابوو، بە ماڵپەڕی فەرمیی پارتی دیموکراتی کوردستانی ڕاگەیاند: "خاڵەکان، بەکارھێنانی ھێز و جێبەجێنەکردنی ماددەی ١٤٠ و ئەنجامنەدانی ھەڵبژاردنی راِبردوون، بەڵام سەرەڕای ئەوەی بە مەبەست سکاڵاکەیان دوا خست و یەکلایان نەکردەوە، ئێستا وەڵامیان داوەتەوە و باس لەوە دەکەن کە ئەو سکاڵایە کاری ئەوان نییە و خۆیان لێ دەرباز کردووە، بۆیە بڕیارەکە سیاسییە و موراعاتی لایەنی سیاسییان کردووە لەبارەی کێشەکانی نێوان ھەرێم و بەغدا".

گردەسۆری جەخت دەکاتەوە لەوەی، کە "دادگا تەنیا باسی لەوە کردووە کە کاری ئەوان نییە و ھیچ شوێنێکیشی دیاری نەکردووە تا ئێمە پەنای بۆ ببەین، بۆیە بڕیارەکە سیاسییە نەک یاسایی".

گردەسۆریی پارێزەر دەشڵێ: "دادگای فیدڕاڵی سیاسیانە مامەڵەیان کردووە، بۆیە ئێمە لەگەڵ ئەنجوومەن قسەمان کردووە و رێگای دیکەی یاسایی دەگرینە بەر، چونکە حکوومەتی عێراق لە کەرکووک کاری پێچەوانەی دەستووری ئەنجام داوە".





ئەم هەواڵە 2848جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad