English | عربی | Kurdî دواهەواڵ
ڕاستەوخۆ  
 
بارێ حكومه‌تا داهاتى یاهه‌رێمێ گرانتر لێ نه‌كه‌ن!!
2018-12-20 [01:21 AM]

نڤیسینا : به‌درخان زاویته‌یى


ل رێكه‌فتى 3-12-2018 و لكومبینا سه‌ركردایه‌تیا پارتى دیموكراتى كوردستان به‌رێز مه‌سرور بارزانى وه‌ك به‌ربژێرێ پارتى بو پێكئینانا كابینا نوى یاحكومه‌تا هه‌رێمێ هاتیه‌ ده‌ست نیشانكرن و به‌رێز نێچیرڤان بارزانى بو سه‌روكاتیا هه‌رێمێ هاتیه‌ به‌ربژاركرن و هه‌ر لوێ روژێ تا ئه‌ڤرو زور پرس و بابه‌ت هاتینه‌ تێكه‌لكرن و زور داخازى هاتینه‌ كرن كو دڤێت حكومه‌تا داهاتى یاهه‌رێمێ لسه‌ر راوه‌ستیت و كار لسه‌ر بكه‌ت !! ئه‌ڤجا ئه‌ف چه‌ندا هه‌ ببه‌رنامه‌ دئێته‌كرن بو پتر گرانكرنا بارێ كابینا داهاتى و حازركرنا جادێ بو رویبریبونا وێ !! یان ژى بو وان هیڤى و ئومێدێت بو خه‌لكى دروست بوین كو بارێ ئه‌منى یێ هه‌رێمێ و سه‌قامگیریا وێ كو به‌رێز مه‌سرور بارزانى به‌رپرسێ ئێمناهیێ بو ره‌نگڤه‌دانا خو هه‌بیت لسه‌ر حكومه‌تا و بابه‌تێ خزمه‌تگوزاریا و چاره‌كرنا كێشا !! له‌ورا ئه‌ف فشارێت هه‌ د بارێ حكومه‌تێ زور گرانتر لێكه‌ت و توشى به‌رپسیاره‌تیه‌كا مازنتر بیت. 
شك تێدا نوینه‌ كو دكابینن حكومه‌تێ ین به‌رى نوكه‌ و تایبه‌ت ل چوار سالن ده‌ربازبوى كو به‌رێز نیچیرڤان بارزانى سه‌روكێ حكومه‌تێ بو كارێن مازن هاتینه‌ ئه‌نجامدان و بریارێن گرنگ هاتینه‌ ده‌ركرن و سه‌ره‌رایى وان هه‌مى فشار و قه‌یران و شه‌را و بارگرانیا ئاوارا و قه‌یرانا دارایى و فشارێن به‌غدا حكومه‌تا هه‌رێمێ شیا زوره‌ك ژ وان قه‌یرانا چاره‌كه‌ت و زوره‌ك ژ وان به‌ربه‌ستا و فشارا ژناف ببه‌ت و خوراگر بیت به‌رامبه‌ر هه‌مى كیشا و فشارا تایبه‌ت پشتى سه‌روكێ هه‌رێمێ رێزدار مه‌سعود بارزانى ده‌ست ژ پوستێ خو به‌ردایى لدوماهیا سالا 2017 و ئه‌و بارگرانیه‌ ژى هه‌ر بو حكومه‌تا هه‌رێمێ ما له‌ورا ئه‌و كاودانن سه‌خت و دژوار و قه‌یرانن مازن ین به‌روكێ هه‌رێمێ گرتین تایبه‌ت پشتى خیانه‌تا 16 ئوكتوبه‌رێ و خوراگرتنا حكومه‌تا و ده‌ربازكرنا وان كاودانا و شكاندنا ئابلوقا د بارێ كابینا داهاتى گران كه‌ت كو هه‌رێمێ ژ ڤێ قوناغێ به‌ره‌ف قوناغه‌كا باشتر ببه‌ت.  
ئه‌گه‌ر د به‌رنامێ حكومه‌تا داهاتى دا بریار ئه‌و بیت ژمارا وه‌زاره‌تان بێته‌ كێمكرن و جڤاتێن پارێزگه‌ها بێنه‌ هه‌لوه‌شاندن و جڤاتێن باژێرڤانیا بێنه‌ خورتكرن و ببه‌رنامه‌ و یاسا كار لسه‌ر نه‌هێلانا گه‌نده‌لیێ بێته‌كرن و بدروستى چاكسازى بچنه‌ دبوارێ جێبه‌جێكرنێدا لوى ده‌مى پێتڤیه‌ چه‌ندین یاسا بێنه‌ راستڤه‌كرن و هه‌لوه‌شاندن برێیا په‌رله‌مانى و ئه‌ڤێ چه‌ندێ ژى پێتڤى خاندن و تێگه‌هشتنن نوى هه‌یه‌ و رێكه‌فتنن نوى دناڤبه‌را لایه‌نن سیاسى و ئه‌ڤه‌ ژى د ده‌مه‌كێ زور پێ چیت تا دبنه‌ یاسا و ده‌ردكه‌ڤن و دئێنه‌ جێبه‌جێ كرن و د ڤان یاسا و گهورینا ره‌نگڤه‌دانا خو هه‌بیت لسه‌ر یه‌كێن ئیدارى لپارێزگه‌ها و ده‌ستهه‌لاتن پارێزگه‌ها . 
له‌ورا گرنگه‌ بزانین كو حكومه‌تا داهاتى د بو ماوه‌كى د لسه‌ر هه‌مان ریچكه‌ و به‌رنامێ حكومه‌تا به‌رى نوكه‌ چیت تاكو بابه‌تێ سه‌روكاتیا هه‌رێمێ ئێك لا دبیت و كێشێن دنافبه‌را هه‌رێمێ و به‌غدا د چارچوڤێ رێكه‌فتنه‌كێ دكه‌ڤنه‌ سه‌ر رێیا چاره‌سه‌ریێ كو سه‌روك بارزانى د سه‌ره‌دانا خودا بو به‌غدا ئه‌ف چه‌نده‌ ئێكلا كریه‌ !! ئه‌ڤه‌ زێده‌بارى كێشێن مازن ین ده‌ڤه‌رێ و فشارێن لسه‌ر ئیرانێ و كێشێن مازن ئه‌وێن لپارێزگه‌ها سلێمانیێ هه‌ین و چاره‌نڤیسێ پارێزگه‌ها كه‌ركوكێ و ناوچێن مادێ 140 ژ ده‌ستورى و ئاوارا كو ڤان كێشا هه‌میا كاره‌كێ مازن و ماوه‌كێ درێژ دڤێت تا چاره‌سه‌ر دبن. 
به‌رامبه‌ر ڤێ چه‌ندێ خه‌لكێ هه‌رێمێ ته‌حه‌مولا هه‌ر تشته‌كى كریه‌ د ڤان سالێن ده‌ربازبویدا و سه‌ره‌رایى هه‌مى قه‌یران و شه‌ر و فشارا خوراگر بویه‌ و به‌ره‌ڤانى كریه‌ له‌ورا به‌رامبه‌ر ڤێ چه‌ندێ چاڤێ وى لكابینا داهاتیه‌ كو قه‌ره‌بویا ڤێ چه‌ندێ بكه‌ت و بارێ وان یێ ئابورى باشتر لێبكه‌ت و خزمه‌تگوزاریێن پێتڤى دابینكه‌ت و و دادپه‌روه‌ریا كومه‌لایه‌تى دروست ببیت و راسته‌ ئه‌ڤه‌ مافێن ره‌وا ین خه‌لكینه‌ لێ بارگرانیه‌كا ئێك جارا مازنه‌ بو حكومه‌تێ د ڤێ قوناغا هه‌ستیاردا. 
لێ بدیتنا من بارێ هه‌ره‌ مازن و گران یێ حكومه‌تا هه‌رێمێ و سه‌روكاتیا هه‌رێمێ بو چوار سالێن داهاتى د ئه‌نجامێن ریفراندومێ بن كو بزانن ئایا به‌غدا د یاپێگیر بیت ب ده‌ستورى و چاره‌كرنا كێشا یان نه‌ !! و ئه‌ڤ بابه‌ته‌ ببیته‌ پرسه‌كا نیف ده‌وله‌تى تایبه‌ت پشتى هه‌مى هه‌ولا دگه‌ل به‌غدا شكه‌ستن ئیناى و ده‌ستن هه‌رێمى و نیفده‌وله‌تى دیاربوین و  بارودوخ گه‌هاندیه‌ ڤى ئاستێ مه‌ترسیدار !! و ئێدى ئه‌ف چوار سالێن داهاتى د سالێن ئێكلاكه‌ر بن و د بریارێن مازن و گرنگ تێدا ئێنه‌ دان . 
ئه‌ڤه‌ ئه‌گه‌ر ئه‌م بزانین كو ده‌ڤه‌ر هه‌مى یادقوناغه‌كا زورا هه‌ستیار و مه‌ترسیداردا ده‌رباز دبیت و هه‌ر چركه‌یه‌كێ چاڤه‌رێ شه‌رێن مازن دئێته‌ كرن كو رویبده‌ن!!! و بارگرانیا هه‌را مازن ئه‌وه‌ كو هه‌رێم یاپاراستى بیت و نه‌ كه‌ڤیته‌ به‌رێ چ لایه‌نا بوان شه‌رێ د ئێنه‌ چاڤه‌رێ كرن ده‌ڤه‌رێدا. 





ئەم هەواڵە 5740جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad