English | عربی | Kurdî دواهەواڵ
ڕاستەوخۆ  
 
بچووكترین گوهۆڕین
2018-12-20 [03:30 AM]

نڤیسینا: ته‌حسین ناڤشكى


هه‌كه‌ ئه‌م ب گۆشه‌یه‌ك به‌ره‌فره‌هـ ل مژارێ ته‌ماشه‌ بكه‌ین، دێ بینین بزاڤێن خودان ئایدیۆلژیێن رادیكالێن ناڤدار، مینا ئیسلامخوازێن توندره‌و و ره‌وتێن ماركسى لسه‌رانسه‌رى جیهانێ، وه‌سا دبینن كو هه‌ر گوهه‌ڕتنه‌كا د سیسته‌مێن ده‌ستهه‌لاتێن سه‌رمایدار دا بهێته‌ كرن، بێمفایه‌، ژ به‌ر كو تنێ ئه‌و خوه‌ دبینن ده‌ستهه‌لاتێ وه‌ربگرن، دا كو ده‌ستوورێ خوه‌ پراكتیزه‌ بكه‌ن. واته‌ ئیسلامخواز وه‌سا دبینن تنێ ده‌ستوور و شه‌ریعه‌تێ ئیسلامێ چاره‌یا دروسته‌ و ئه‌ڤێن دى هه‌مى گاور و نه‌راسته‌رێنه‌. چه‌پره‌وه‌ ژ ئالیێ خوه‌ دبینن، دبنى دا مفا ژ سیسته‌مێ سه‌ره‌مایه‌دارى و سیسته‌مێن دن ناهێته‌كرن، تنێ رابوونا چینێن زه‌حمه‌تكێشان كو دكه‌ڤنه‌ بن درووشمێ (شالۆكێ و چاكۆچى) چاره‌نه‌ ئاگرێ شۆڕشێ هه‌لكه‌ن و ده‌ستهه‌لاته‌ك نوو ل دووڤ سیسته‌مێ ماركسى بدامه‌زرینن. د ناڤبه‌را شه‌ره‌نیخا هه‌موو تیۆرێن چاكسازى و گوهه‌ڕتنێن ده‌ستهه‌لاتێ ده‌، ژ رۆخسار و ناڤه‌رۆكێ خویادبت كو ده‌ستهه‌لاتا هه‌رێمێ جۆدایه‌ و ناسنامه‌یه‌كا نه‌وه‌ك چو ناسنامه‌یێن ده‌ستهه‌لاتێن جیهانێ وه‌رناگرت. واته‌ ناسنامه‌یه‌ك ب شێوه‌یه‌ك مژدار هه‌یه‌ و نه‌شێت ژ چوارچۆڤێ وێ ناسنامه‌یێ ده‌ركه‌ڤت و چاڤخشاندنه‌كێ ل گۆتنا پێشیان ((هه‌كه‌ نه‌زانى گوهبده‌ جیرانى)) بكه‌ت و مفاى ژ ئه‌زموونێن خه‌لكه‌ك دى ببینت. واته‌ هه‌كه‌ دیتنێن خوه‌دى ئایدیۆلۆژێن رادیكالى یێن وه‌ك ئیسلاما توندره‌و و ماركسیێ؛ وه‌ها ببینن كو چاكسازیێن ده‌ستهه‌لاتێن دن ژبلى وان، تنێ مكیاجكرن و جوانكاریه‌ و چو جاران نابنه‌ گوهۆڕین و چاكسازیێن راسته‌قیه‌، ئه‌ڤه‌ پتر ژ 27 سالانە ده‌ستهه‌لاتا خۆمالى دەهۆلا گوهۆڕینان ل دەڤەرەکا ب ناڤێ هەرێما کوردستانێ لێدده‌ت و دەزگەهەکێ مەزن ب ناڤێ (نەزاهێ) ژی هاتیە دانان دا کو گەندەلیێ نەهێلت و دزیان بنبڕبکەت، لێ هەتا نها حزبێن هەرێمێ و دەستهەلاتا هەر ژ وان حزبان پێکهاتی نەكو نەشیانە دزەکی یان گەندەلەکی بگرن و ل دووڤ قانوونێ سزابدەن، بەلکی حزبێن دەستهەلاتدار نەشیاینە جامێن رەشێن ترومبێلان نەهێلن. پرسیارا لڤێرە دهێت: ئەرێ تە حوکمەتەک هەبت و نەشێت بچووکترین گوهۆڕین بکەت، دێ چاوا باوەریا خەلکێ وێ پێهێت کو ژ خەتەریێن ناڤخوەیی و دەرانی بپارێزت؟ ئەزموونا حوکمداریا هەرێمێ بۆ مە دیاردکت كو گوهۆڕین پرۆسێسەکا کۆمی شارستانیە و ب ئیرادە و هشیاریا هەموو ئالیان گەشە دکەت و دبتە کولتۆرێ تاکێ هەر جڤاکەکی گوهۆڕینان دکتە پلان و بەرنامه‌یێ پاشەرۆژێ. هەلبەت لاوازی و بەشدرانەبوونا هەر ئالیەکی د ڤێ پرۆسێسێ دا، بەرهەمێ وێ دێ یێ لەنگ بت، هەکە نە یێ مری بت. ژبەر کو گوهۆڕینێن جڤاکان لدووڤ تیۆریا دەروونناسیا گشتالتی، چوارچۆڤەیەک تەڤاییە، کێمبوونا هەر ئەندامەکی، چوارچۆڤە هەمی ژ کار دکەڤت.





ئەم هەواڵە 2194جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad