English | عربی | Kurdî دواهەواڵ
ڕاستەوخۆ  
 
وەزیری بەرگری ئەمریکا دەستی لە کار کێشایەوە
2018-12-21 [08:55 AM]

ZNA- هەولێر


جێمس ماتیس، وەزیری بەرگری ئەمریکا نامەی دەسـت لەکارکێشانەوەکەی ئاراستەی دۆناڵد ترەمپ کردووە و تیایدا دەڵێت، مافی خۆتە کە وەزیرێکی بەرگریت هەبێت زیاتر تێڕوانینەکانی لە خۆتەوە نزیک بن.
ماتیس لە نامەکەی کە ئێوارەی پـێنجشەممە بڵاویکردەوە، نووسیویەتی "جێی شانازیمە وەک ۲٦ەمین وەزیری بەرگری ئەمریکا کارم کردووە، ئەمەش بواری پـێدابووم لە پاڵ پـیاوان و ژنانی وەزارەتی بەرگری کاربکەم بۆ بەرگریکردن لە هاوڵاتیانمان و بەها باڵاکانمان."
پاشان وەڵامی نووسینێکی دۆناڵد ترەمپ دەداتەوە کە تیایدا گوتبووی ناکرێت ئەمریکا ببێتە پـۆلیسی رۆژهەڵاتی ناوەڕاست، جێم ماتیس دەڵێت "منیش وەکو تۆ لە سەرەتاوە گوتومە هێزەکانی ئەمریکا نابێت ببنە پـۆلیسی جیهان".
دەشنووسێت یەکێک لە بنەما سەرەکییەکانی ئەو بڕوای پـێی هەبووە، بەهێزی ئەمریکا لە پەیوەندیـیە پـتەوەکانیدایە لەگەڵ هاوپەیمانان و هاوبەشەکانی، بۆیە ناکرێت ئەمەریکا بەرژەوەندیـیەکانی بپارێزیت بەبێ بەردەوامبوون لە هاوپەیمانێتیەکانی و رێزگرتن لێیان.

.
لای خۆیەوە دۆناڵد ترەمپ دەستلەکارکێشانەوەکەی پەسەندکرد و لەسەر تویتەرەکەی نووسیویەتی، جەنەڕاڵ جێم ماتیس لە کۆتاییەکانی مانگی دووی داهاتوو خانەنشین دەبێت.
دەڵێت لە ماوەی ئەو دوو ساڵەی لەو پـۆستەدا بووە خزمەتێکی زۆری کردووە و زۆر سوپاسی دەکات.





ئەم هەواڵە 2590جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad