English | عربی | Kurdî دواهەواڵ
ڕاستەوخۆ  
 
ترەمپ : مەکگورک ناناسم
2018-12-23 [05:35 AM]

ZNA- ھەولێر


دۆناڵد تره‌مپ، سه‌رۆكی ئه‌مه‌ریكا، له‌ نوێترین هه‌ڵوێستی خۆیدا له‌ باره‌ی ده‌ست له‌ كاركێشانه‌وه‌ی برێت مه‌كگورك رایده‌گه‌یه‌نێت، ئه‌و كه‌سه‌ ناناسێت و روونیشی ده‌كاته‌وه‌، له‌لایه‌ن باراك ئۆباما، سه‌رۆكی پێشووی ئه‌مه‌ریكاوه‌ ده‌ستنیشان كراوه‌.

تره‌مپ كه‌ به‌ تویته‌كانی گوزارشت له‌ سیاسه‌تی وڵاته‌كه‌ی ده‌كات، له‌ باره‌ی ده‌ست له‌كاركێشانه‌وه‌ی برێت مه‌كگورك، نوێنه‌ری تایبه‌تی سه‌رۆكایه‌تی ئه‌مه‌ریكا، له‌ هاوپه‌یمانی نێوده‌وڵه‌تی دژی داعش، نووسیویه‌تی: "برێت مه‌كگورك، كه‌ من نایناسم، له‌لایه‌ن ئۆباماوه‌ له‌ 2015 ده‌ستنیشان كراوه‌، ده‌بوایه‌ له‌ مانگی شوبات/ فێبرایه‌ر پۆسته‌كه‌ی جێبهێڵێت".

هه‌ر له‌ درێژه‌ی تویته‌كه‌ی، تره‌مپ نووسیویه‌تی: "به‌ر له‌ جێهێشتنی پۆسته‌كه‌ی ده‌ستی له‌كار كێشایه‌وه‌، ته‌نها هه‌واڵی هه‌ڵبه‌ستراوه‌ پرسه‌كه‌یان گه‌وره‌كردووه‌ كه‌ له‌ بنه‌ڕه‌تدا شتێكی گرنگ نییه‌".

به‌ هۆی بڕیاری له‌ ناكاوی تره‌مپ، بۆ كشانه‌وه‌ی هێزه‌كانی ئه‌مه‌ریكا له‌ سووریا، هه‌ریه‌ك له‌ جه‌یمس ماتیس، وه‌زیری به‌رگری ئه‌مه‌ریكا و برێت مه‌كگورك، نوێنه‌ری سه‌رۆكایه‌تی ئه‌مه‌ریكا له‌ هاوپه‌یمانی نێوده‌وڵه‌تی دژی داعش، ده‌ستیان له‌ كار كێشایه‌وه‌.

برێت مه‌كگورك له‌ نامه‌ی ده‌ست له‌ كاركێشانه‌وه‌ی خۆیدا، باسی له‌وه‌ كردووه‌، ئاماده‌ نییه‌ پابه‌ندی سیاسه‌تێكی له‌ناكاو گۆڕاوی تره‌مپ بێت، كه‌ به‌بێ راوێژی كۆنگرێس و هاوپه‌یمانه‌كانی ئه‌مه‌ریكا له‌ تویته‌ر بڵاوی ده‌كاته‌وه‌.





ئەم هەواڵە 2512جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad