English | عربی | Kurdî دواهەواڵ
ڕاستەوخۆ  
 
توركیا دەیان زرێپۆش و چەكی قورس ڕەوانەی سەرسنووری سوریا كرد
2018-12-23 [06:10 AM]

​ZNA – هەولێر


ڕوانگەی سوری بۆ مافی مرۆڤ رایگەیاند، تورکیا نزیکەی ٣٥ زریپۆش و چەکی قورسی رەوانەی سەر سنوری ئەو ناوچانەکردووە کە لە ژێر دەسەڵاتی هێزەکانی سوریای دیموکرات (هەسەدە) دایە.

روانگەی سوری بە ئاژانسی فرانس پرێسی راگەیاندوە، نزیکەی ٣٥ زریپۆش و چەکی قورسی دیکە لە رێگای خاڵی سنوری جەرابلوسەوە گواستراونەتەوە بۆ نزیک ئەو ناوچانەی لە ژێر دەسەڵاتی هێزەکانی سوریای دیموکراتدایە کە زۆرینەیان کوردن.

روانگەی سوری ئاشكراشیكرد، کاروانی زریپۆش و چەکەکانی تورکیا بەرەو ناوچەکانی رووباری ساجور لە نێوان جرابلوس و منبج براوە کە زۆر دوور نیە لە هێڵی پێشەوەی هێزەکانی سوریای دیموکرات.

لە لایەکی دیکەوە بەرپرسێکی ئۆپۆزسیۆنی سوریای نزیک لە تورکیا گەیشتنی هێزی زیاتری تورکیا بۆ ناوچەکانی باکوری سوریای پشتراستکردووەتەوە.

ئەو بەرپرسە ئاماژەی بەوەکردووە، تورکیا داوای لێکردوون لە ئامادەباشیدابن بە بێ ئەوەی لە ئێستادا داوایان لێکرابێت برۆن بۆ ئەو ناوچانەی کە تورکیا کاروانی چەکی بۆ دەگوازێتەوە.

دۆناڵد ترەمپ سەرۆکی ئەمریکا لەرۆژی 19-12-2018 بە فەرمی کشانەوەی هێزەکانی وڵاتەکەی لە ڕۆژئاوای کوردستان ڕاگەیاند.

 





ئەم هەواڵە 2443جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad