English | عربی | Kurdî دواهەواڵ
ڕاستەوخۆ  
 
ئەردۆغان و ترامپ به‌ ته‌له‌فۆن پەیوەندییان به‌یه‌كه‌وه‌ كرد
2018-12-23 [05:31 AM]

ZNA - هه‌ولێر


سەرکۆماری تورکیا، رەجەب تەیب ئەردۆغان پەیوەندییەکی تەلەفۆنی لەگەڵ سەرۆکی ئەمریکا، دۆناڵد ترەمپ ئەنجامدا و دواتر له‌ تویته‌ری خۆیدا ناوه‌ڕۆكی په‌یوه‌ندییه‌ ته‌له‌فۆنییه‌كه‌ی ئاشكرا كرد.

ئەردۆغان لە ھەژماری تایبەتی خۆی لە تۆڕی کۆمەڵایەتی تویتەر زانیاری لەبارەی ناوەڕۆکی پەیوەندییە تەلەفۆنییەکە ئاشکرا کرد و رایگه‌یاند، ئەمڕۆ پەیوەندییەکی تەلەفۆنی ئەرێنیمان لەگەڵ سەرۆکی ئەمریکا، دۆناڵد ترەمپ ئەنجامدا و لە میانیدا باسی پەیوەندی بازرگانی و پێشھاتەکانی سووریا و چەندین بابەتمان کرد.

وتیشی، لەبارەی زیاترکردنی ھاریکاری رێکەوتووین. ھیوادارم گفتوگۆیەکە ببێتە مایەی خێر بۆ وڵاتەکەمان و ناوچەکە.

 

لای خۆیه‌وه‌ دۆناڵد ترەمپ، سەرۆکی ئەمریکا له‌ تویتێكدا رایگەیاند "ئێستا لەگەڵ سەرۆک ئەردۆغانی تورکیا پەیوەندییەکی تەلەفۆنی تێروتەسەل و بەرهەمدارم ئەنجامدا. لەبارەی داعش، بەشداربوونی هاوبەش و کشانەوەمان لە سووریا قسەمانکرد".


بەگوتەی دۆناڵد ترەمپ، کشاندنەوەی راوێژکار و سەربازەکانیان لە سووریا "لەسەرخۆ" دەبێت و "هاوئاهەنگی باڵایان" لەگەڵ تورکیا لەو بارەوە دەبێت. 

ترەمپ ئاشکراشیکردووە، لەگەڵ ئەردۆغان باسیان لە "بازرگانی فراوان و گەورە" لەنێوان هەردوولا کردووە.

ترەمپ لەبارەی کشانەوەی هێزەکانیان لە سووریا دەڵێت "دوای چەندین ساڵ دەگەڕێنەوە نیشتمان".

aa





ئەم هەواڵە 5416جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad