English | عربی | Kurdî دواهەواڵ
ڕاستەوخۆ  
 
پەیامی یەکێتی ئافرەتانی کوردستان بۆ گیانله‌ده‌ستدانی سێوان قادر
2018-12-24 [04:25 AM]

ZNA - هه‌ولێر


 

یه‌كێتی ئافره‌تانی كوردستان بۆ گیانله‌ده‌ستدانی ئه‌و خانمه‌ی كه‌ له‌گه‌ڵ سێ منداڵه‌كه‌ی به‌ سوتان گیانیان له‌ده‌ستدا، رایگه‌یاند، ئەو گڕەی بەردرایە گیانی ئەم دایکە و سێ جگەر گۆشەکەی وەرچەرخان و خاڵێکی کۆتایی بێ بۆ سنور دانان بۆ ڕوداوەکانی توندوتیژی، وتیشی، پێویستە پەیامەکەی سێوان کە داوا دەکات کەیسەکە دانەخرێت، جێبەجێ بکرێت و یاسا ڕۆڵی یەکلاکەرەوە ببینێت ئەویش بە سزادانی قورسی تاوانبار.

 

ئه‌مه‌ش ده‌قی په‌یامه‌كه‌یه‌:

ئەو خانمەی کە لەگەڵ سێ منداڵەکەیدا بە دڕندانەترین شێوە کۆتایی بە ژیانی هێنرا، هەموومانی بە قوڵی خەمبار کرد، ئەم ڕوداوە دەبێت ناڕەزایی و ئیدانەکردنێکی گەورە و داچڵەکانی ویژدانی کۆمەڵگەی بەدودابێت و  ئەو گڕەی بەردرایە گیانی ئەم دایکە و سێ جگەر گۆشەکەی وەرچەرخان و خاڵێکی کۆتایی بێ بۆ سنور دانان بۆ ڕوداوەکانی توندوتیژی، ئەویش بە بەرەنگاری ئەو باوەڕو بنەمایانەی مرۆڤ پڕ دەکەن لە ڕق و کینە تەنانەت بۆ گیانی نزیکترین کەسەکان، دەبێت شێلگیرانەتر بە بەرنامەی توکمەوە لەگەڵ ئەم  تاوانەو بنەماکانی و هاوشیوەکانی بجەنگین، بە بڵاو کردنەوەی بیر و بنەماکانی ناتوندوتیژی و بەڕیوەچونی ململانێ و ناکۆکیەکان بە لێکتێگەیشتن و گیانی هاوسۆزی و ڕیز و خۆشویستی.

پێویستە پەیامەکەی سێوان کە داوا دەکات کەیسەکە دانەخرێت، جێبەجێ بکرێت و یاسا ڕۆڵی یەکلاکەرەوە ببینێت ئەویش بە سزادانی قورسی تاوانبار، نەک هەر بۆ ئەم ڕوداوە، بەڵکو بۆ هەموو ئەو توندوتیژیانەی کە ڕۆژانە بەرامبەر ئافرەت پیادە دەکرێن، چونکە لە کۆتاییدا هێزی یاسا دەتوانێت هاوکێشە کۆمەلایەتیەکان بگۆڕێت و ژیانێکی ڕێزدار و بەشکۆ بۆ هاوڵاتیان دابین بکات، هەر پەیوەست بەم ڕوداوە سوپاس و ستایشی سەرۆکی حکومەت ڕێزدار نێچیرڤان بارزانی دەکەین بۆ بە دەنگەوە هاتنی هاواری سێوان و ئامادەیی دەربڕین بۆ لە ئەستۆ گرتنی چارەسەریەکەی.

 

ڕۆحی سێوان و جگەرگۆشەکانی شاد و هاوخەمی قوڵ بۆ بنەماڵەو کەسوکاری ڕادەگەیەنین.

                             یەکێتی ئافرەتانی کوردستان





ئەم هەواڵە 3520جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad