English | عربی | Kurdî دواهەواڵ
ڕاستەوخۆ  
 
لەهێرشێكی خۆكوژیدا لە ئەفغانستان نزیكەی 50 قوربانی لێكەوتەوە
2018-12-25 [06:02 AM]

​ZNA – هەولێر


لە ئەنجامی هێرشێکی خۆكوژی لەبەردەم بینای وەزارەتی كارو كاروباری كۆمەڵایەتی لە کابولی پایتەختی ئەفغانستاندا،  ٢٨ کەس کوژران و زیاتر لە ٢٠ کەسی دیکەش برینداربوون.

میدیاکانی ئەفغانستان بڵاویانکردووەتەوە، خۆکوژێک بە ئۆتۆمبێلێکی بۆمبڕێژکراو هێرشیکردووەتە سەر بینای وەزارەتی کار و کاروباری کۆمەڵایەتی لە کابول و لە بەردەم بیناکە ئۆتۆمبێلەکەی تەقاندووەتەوە، دواتر سێ چەکدار هەڵیانکوتاوەتە سەر بینای وەزارەتی کاروباری شەهیدان و کەمئەندامان و نزیکەی ٣٥٠ کەسیان بە بارمتە گرتووە.

ئاماژەیان بەوەشکردووە، دوای رووبەڕووبوونەوەیان لە گەڵ هێزە ئەمنییەکانی ئەفغانستان، هەر سێ چەکدارەکە کوژراون و سەرجەم بارمتەکانیش ئازاد کراون.

نەجیب دانش گوتەبیژی وەزارەتی ناوخۆی ئەفغانستان رایگەیاندووە، بەهۆی هێرشەکەوە لانیکەم ٢٨ کەس کوژراون کە لە نێویاندا پۆلیسێک و ئافرەتێک هەیە، هەروەک زیاتر لە ٢٠ کەسی دیکەش برینداربوون کە زۆربەیان کارمەندانی حکومین.

تا ئێستا هیچ گروپ و لایەنێک بەرپرسیارێتی هێرشەکەی لەئەستۆ نەگرتووە.

 

 





ئەم هەواڵە 1885جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad