English | عربی | Kurdî دواهەواڵ
ڕاستەوخۆ  
 
مروڤێن بھێز گاڤێن بھێز دھەلینن
2018-12-25 [05:52 AM]

نڤیسینا : زێرەڤان تەمو


دامه‌زراندنا ده‌ستهه‌لاته‌كا ب هێز كو بشێت سه‌روه‌ریا قانوون و شه‌رعیه‌تێ ل سه‌رانسه‌رێ كوردستانێ په‌یره‌و بكه‌ت پێتڤى ب كه‌سانه‌ك رولدار و خودى سه‌ربور هه‌یه‌ مینا به‌رێز نێچیرڤان بارزانى ، كو كار لسه‌ر ئێكپارچه‌یا ئاخ و گه‌لێ هه‌رێما كوردستانێ بپارێزیت و دوماهیێ ب زۆن و زۆنكاریێ و دوو ئیداره‌یێ و ده‌ستوه‌ردانا حزبان و سه‌رپێچیا قانوونى و سیاسه‌تا دوروویێ و فه‌وزایا سیاسى و ناڤچه‌گه‌ریێ بینیت، كو ئه‌ڤ چه‌نده‌ یا ته‌شه‌نه‌بووى ل هه‌رێما كوردستانێ ڤێ ئێكێ ژى باندورێن خۆ یێن خراپ دروست كرینه‌ لسه‌ر كلتوورێ سیاسى یێ ده‌ڤه‌رێ .
ژبلى ڤێ چه‌ندێ دڤێت كار لسه‌ر ب ده‌ستڤه‌ئینانا ئێكده‌نگیا كوردستانى ژى بهێته‌كرن كو د به‌رژه‌وه‌ندا ماف و به‌رژه‌وه‌ندیێن بلندێن گه‌لێ مه‌ دابیت، هه‌روه‌ها ب هه‌ر ئاوایه‌كى بیت ئاشته‌وایا سیاسى بهێته‌ به‌رجه‌سته‌كرن و ناكوكیێن ناڤخوو ب هه‌مى ئاوایان ده‌ربازبكه‌ین و لسه‌ر نه‌گورێن نه‌ته‌وى و نشتیمانى رژدبن و ئێكرێز بین پێخه‌مه‌ت پاراستنا مافێن ده‌ستوورى و پشكا دارایى یا هه‌رێمێ و پشكا ره‌وایا خه‌لكێ كوردستانێ ژ سه‌روه‌ت و سامانێ هه‌موو ئیراقێ بهێته‌ مسۆگه‌ركرن.
بۆ ڤێ ئێكێ گاڤ و رولێ رێزدار نێچیرڤان بارزانى كو ژبۆ پوستێ سه‌روكاتیا هه‌رێما كوردستانێ هاتییه‌ ده‌ست نیشانكرن ئه‌ز ب بلند دنرخینم و ئه‌م د گه‌شبینین كو ل ده‌مێن بهێت ژڤى ئالى دێ گاڤێن ژ هه‌ژى هه‌لینیت ژبه‌ركو رول و كارێزمایا جه‌نابێ وى ژروویێ هه‌ماهه‌نگى و هه‌ڤالینیێ ل گه‌ل ئالیێن سیاسى یێن هه‌رێمێ د ئاسته‌كێ باش دایه‌ ژبلى كو هه‌ڤالینیه‌كا باش دگه‌ل سه‌ركرده‌ و سه‌رۆكێن وه‌لاتێن جیهانێ یا مكوم و د ئاستێ پێتڤى دایه‌ و ئه‌ڤ گاڤ ژى دێ بیته‌ سه‌ده‌ما پاراستن و بهێزكرنا كوردستانێ ل هه‌مبه‌ر هه‌ر پێشهاته‌كێ و ئاشكرایه‌ ژى پشتى 16 ئكتۆبه‌رێ مه‌ ئه‌ڤ چه‌ند دیت كو خودانێ كاریگه‌ریا خۆ یا بهێزبوو لسه‌ر ئاستێ ناڤخوو و ده‌ڤه‌رێ .
كو ئومێدا مه‌یه‌ ژبۆى كو لجهێ ناكوكى و ململانێ و هه‌ڤدو شكاندن و ره‌شكرنێ، بلا ململانێ پێخه‌مه‌ت ئاڤه‌دانى و خوشگوزه‌رانی و پێشخستنا كوردستانێ د هه‌موو وار و بیاڤ و سه‌كته‌ران جهێ خۆ بگریت ژ به‌ركو ئه‌م خودى هه‌ژماره‌كا زۆرا مرڤاینه‌ و دگه‌لدا ژى گورانكارى ب هزر و هێزا مروڤان تێته‌كرن، وه‌كو دیار ژى ( كونڤشیوس ) د گوتنه‌كا خودا دبێژیت:- " كه‌سێن ب ئاقل و ژیر نه‌ مروڤان ژ ده‌ست دده‌ن و نه‌ زانینێ ."
ئه‌ڤجا فه‌رو پیتڤى و گرنگه‌ ل ڤان چوار سالێن بهێن یێن حوكمرانیا هه‌رێما كوردستانێ حكومه‌تا مه‌ هزر ل دانانا مروڤێن خودان بیروكه‌ و هزرێن گوهرینێ داهێنه‌ر و پسپور بكه‌ت دوارێن جودا دا دگه‌لدا ژى هه‌مى پێكهات ب گیانێ هه‌ڤدوو قه‌بولكرنێ كاربكه‌ن گه‌ر هنده‌ك ئالیێن سیاسى یێن پشكدار ژى نه‌بن دحكومه‌تێ دا بلا ببنه‌ ئالاڤه‌ك بۆ به‌رژه‌وه‌ندا بلندا ملله‌تێ كوردستانێ ب پێشنیارو پروژێن خۆ تاكو خوشبه‌ختى و خوشگوزه‌رانى و ئارامى و ئاڤه‌دانى بالێ خۆ بسه‌ر هه‌رێما كوردستانێ دا بكێشن.





ئەم هەواڵە 6559جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad