English | عربی | Kurdî دواهەواڵ
ڕاستەوخۆ  
 
دبلوماسیەت وەکو ھێزەکا نەرما دەولەتێ
2018-12-25 [06:13 AM]

نڤیسینا : رەمەزان نسرالدین کێڤلى


مەرەما مە ژ بیرئینانا ئەڤى بابەتى ئەوە کو پشتى بویەرێن 16 شازەدیێ ئکتوبەرێ گەلەک ژ حزب ولایەنێن سیاسى برێکا کادر و راگەهاندنا خودا دبلوماسیەتا هەرێما کوردستانێ ب شکت خوارێ پێناسەدکرن دبیت بەشەکێ ئەڤێ بیرەوکێ بو هندێ بویە رایا گشتى رازى بکەن یان ژبیرفە ببن لسەر وێ خیانەتا وان ئەنجام دایێ لێ هەلبەتە لسەر ئاستێ منزوما دبلوماسى ل هەرێما کوردستانێ زوربەیێ بیرمەندان ئەو دبلوماسیەتا لسەر ئاستێ هەرێما دهێتە داریشتن ب پارا دبلوماسى لقەلەم دن بەلێ ب گشتى چەندین پێناسێن جودا جودا بو دبلوماسیەتێ دهێنە کرن ژوانا دبلوماسیەت ئالاڤەکە بو جێ بەجێ سیاسەتا دەرڤە یانژى ئەو ستراتیژیەتە یا رادبیت ب دابەشکرنا ئالاڤێن هێزا دولەتێ ل بازنێ سیاسەتا دەولى دا یانژى هندەک وەسا دبینن کو لیهات و زیرەکى وچالاکیێن سیاسى نە و دیسان هونەرێ رێڤەبەرنا پەیوەندین نیف دەولەتى یە ب شێوەکێ ئاشتیا نە .
گومان تێدا نینە ترافیکا دبلوماسى بەرى بویەرێن 16 ئکتوبەرێ ژلایێ حکومەتا هەرێما کوردستانێ زور بهێز هاتبوو داریشتن و رولێ سەروک وەزیران زورێ کارا بویە بو دورست کرنا ئەڤان پەیوەندیان تایبەت دگەل وەلاتێن کاریگەر ل دونیایێ و ئەڤ پەیوەندیە برێکێن دبلوماسى لسەر گەلەک ئاستان بەرژوەندێن هەرێما کوردستانێ و بەرژوەندێن ئەوان وەلاتان د پاراستن و حکومەتا هەرێما کوردستانێ ئێکەم وەزیەفتا خویا دبلوماسى کو (الاقناع)ە شیایە بکەتە د خزمەتا پێگەهێ خویێ سیاسى و دستورى ل عێراقێ دا و زوربەیێ کێشە و گرڤتێن هەریمى و نافخویێ برێکا مێزا دان وستاندنێ چارەدکرن و رولەکێ کارا هەبویە د پروسا ئاشتیێ و لڤێرە ئاشتى بخو رێکەکا دبلوماسى یە و هەمى دەمەکێ سیاسێن هەرێما کوردستانێ پەنا برینە لبەر هێزا نەرم کو بەشەکێ وێ دبلوماسیەت بویە سیاسەتا هەرێمێ د بنەما دا باوەرى ب هێزا زڤر چەکى نەبویە ، دەمێ ئەم هەلسەنگانا ئەڤى بوارى دکن بومە دیار دبیت پەیوەندین هەرێما کوردستانێ دگەل وەلاتێن هەریمى برێکا دان وستاندن و رێکەفتێن بازرگانى و ئابورى شیایە گەشەیەکا زور بهێز بخوڤە بین .
وەزیفەتا دیا دبلوماسى ئەوە (التسویە)چارەسەریە کو ئێکە ژوان میکانزمین گرنگ بو راستڤەکرنا کارەکى کو بەرى نوکە ژلایێ وەلاتەکێ یان هەرێمەکێ هاتبیتە تێک دان و لسەر مێزا دان وستاندنێ چارەسەرى بو دهێتە دیتن و گەلەک جاران دەمێ کێشە مەزن دبیت دنافبەرا دوو وەلاتان پەینایێ دبنە بەر دادگەهێن نیف دەولەتى و مە دیتن رولێ حەکیمانەیێ سەروک وەزیران لسەر وان هەمى ئاستنەگێن دنافبەرا هەولێر وبەغدایێ دورست بویێن پەنا بریە لبەر وەزیفەتا دبلوماسى کو بەشێ وێ (تسویە) و چارەسەرەیە دنافبەرا هەولێر وبەغدایێ راستە چەک ژى هاتە بکارئینان وشەر ژى دورست بوو بەلێ ئالاڤێ دبلوماسى نەهاتە پشت گوه هاڤێتن.
دیسان وەزیفەتا دیا دبلوماسى (الاتفاق) رێکەفتن چ ئەو رێکەفتن دنافبەرا دوو لایەنان بیت یان پتر ئەو دەمێ بەرێز سەروک وەزیران سەرەدانا بەغدا کرى لسەر وان هەمى گەڤ و ئابلوقێن ئابورى و سیاسى و لەشکەرى دا گەلەک ژلایەنێن دەست دگەل خیانەتا 16 ئکتوبەرێ هەیێ ئەڤ سەرەدان وپێکولە ب لاوازیا هەرێما کوردستانێ دهژمارتن ژبیردکرن ئەو دەست کەفتێن ب هێزا نرم بدەست وەلاتەکێ یان هەرێمەکێ دکەفن نە کێمتر ژ دەست کەفتین چەنگى و هێزێ و باوەرى نەبتنێ بو لایەنێن سیاسى یێن عێراقێ دورست بوو کو ئەو پێنگاڤێن هەرێم دهاڤێژیت د دورستن بەلکو زوربەیێ وان وەلاتێن ب شێوەکێ ژ شێوەیان پەیوەندین خو دگەل هەرێما کوردستانێ سرکرین یانژى هاتینە راوەستاندن بو کاتى دوبارە پێداچوونا سیاسەتا خو هەمبەرى هەرێما کوردستانێ کرن ..
ئەڤرو لسەر ئاستێن گەلەک بلند زوربەیێ وەزیرێن دەرڤە یێ، وەان وەلاتان سەرەدانا هەرێما کوردستانێ دکن چونکە ئەو دبین بو کورانکاریێن داهاتى ل روژهەلاتا ناڤەراست راى ودیتن و بوچونێن سیاسیێن کوردان جهێ گرنگیێ نە و ژ هەمى لایەکێ ڤە پێداچوونا وان بەرنامە و پروژان دهێـتە کرن یێن سیاسى ئەوێن ل دەڤەرێ هەین و سەرەدانێن وەزیرێن دەرڤە ژبلى ئاماژێن سوزدارى ئاماژێن دبلوماسى یێن مەزن لپشت هەنە چونکە وەزیرێ دەرڤە دەربرینێ ژ سیاسەتێن فەرمى یێن وەلاتێ خو دکت و دەمێ سەرەدانا هەرێمەک یان وەلاتەکێ دکت ئەو نیشا هندێ یە پشتەڤانى کرنە ل کارو چالاکى و رێ رەوى سیاسى یێ وێ هەرێمێ .لەورا کوردان شیا ب هێزا نرم وەک ئامرازەکێ دبلوماسى بخو بکاربینن و دوبارە ترافیکا دبلوماسى دنافبەرا هەولێر و زوربەیێ وەلاتێن دونیایێ دورست بکەن و ل ئایندەیێ دا ژى پێشبینى دهێتە کرن لسەر دەستێ بەرێز نێچیرڤان بارزانى ئەڤ ترافیکە زور بەرفروان بیت .





ئەم هەواڵە 3907جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad