English | عربی | Kurdî دواهەواڵ
ڕاستەوخۆ  
 
ئێران... په‌رله‌مانتارانی كورد نامه‌یه‌ک ئاڕاسته‌ی سکرتێری نه‌ته‌وه‌ یه‌کگرتوووه‌کان ده‌که‌ن
2018-12-30 [01:30 AM]

ZNA - هه‌ولێر


ژماره‌یه‌ک له‌ نوێنه‌رانی چوار پارێزگای کوردنشینه‌که‌ی ئێران سه‌باره‌ت به‌هه‌ڕه‌شه‌کانی تورکیا بۆ هێرشکردنه‌ سه‌ر کورده‌کانی سووریا نامه‌یه‌كیان ئاراسته‌ی سکرتێری نه‌ته‌وه‌ یه‌کگرتوووه‌کان كرد و داوا ده‌که‌ن ڕێگری له‌ ده‌ستدرێژی و هێرشكردنی ئه‌و وڵاته‌ بۆ سه‌ر خاکی سووریا بگرێت.

دوێنێ شه‌ممه‌ ژماره‌یه‌ک نوێنه‌ری کوردی په‌رله‌مانی ئێران له‌ نامه‌یێکدا هه‌ڕه‌شه‌کانی سوپای تورکیا بۆ سه‌ر ناوچه‌ کوردنشینه‌کانی سووریا به‌ داگیرکاری وه‌سف ده‌که‌ن و ده‌ڵێن پێشتریش تورکیا ئه‌و ده‌ستدرێژییه‌ی له‌ عه‌فرین کردبوو.

له‌ نامه‌ی په‌رله‌مانتاره‌ کورده‌کاندا ڕه‌خنه‌ له‌ زلهێزانی جیهانیش گیراوه‌ که‌ بانگه‌شه‌ی پارێزگاریکردن له‌ مافی مرۆڤ ده‌که‌ن به‌ڵام له‌ به‌رانبه‌ر هه‌ڕه‌شه‌ و ده‌ستدرێژییه‌کانی سوپای تورکیا بێده‌نگن که‌ چاوی بڕیوه‌ته‌ سه‌ر خاکی سووریا و سه‌روه‌ریی ئه‌و وڵاته‌ ده‌شکێنێت که‌چی زلهێزانی جیهانی بیر له‌ بازرگانیکردن به‌ چه‌ک و که‌ره‌سته‌ی سه‌ربازی ده‌که‌نه‌وه‌.

هه‌ر له‌ نامه‌ی نوێنه‌ره‌ کورده‌کاندا نووسراوه‌ به‌داخه‌وه‌ ده‌وڵه‌تی تورکیا فاشیست و ناوچه‌گه‌رایه‌ و به‌ درێژاییی مێژوو چه‌ندین جار مافی زیاتر له‌ 20 ملیۆن کوردی دانیشتووی ئه‌و وڵاته‌ی پێشێل کردوووه‌ و بێگومان ئه‌م جووڵه‌ سه‌ربازییه‌ ڕه‌گه‌زپه‌ره‌ستانه‌ی تورکیا که‌ به‌ مه‌به‌ستی دوژمنایه‌تیکردن و چاوترساندنی کورد ده‌یکات بێزارکردنی کۆمه‌ڵگه‌ی مه‌ده‌نی و نێوده‌وڵه‌تییه‌ له‌ ده‌سه‌ڵاتداران و سیسته‌می حوکمڕانی تورکیا.

خاڵێکی دیکه‌ که‌ له‌ نامه‌ی په‌رله‌مانتاره‌ کورده‌کاندا ئاماژه‌ی پێکراوه‌ قه‌ده‌غه‌کردنی زمانی کوردییه‌ له‌ ڕێکخراو و فه‌رمانگه‌ گشتی و حوکمییه‌کانی تورکیا و زیندانیکردنی نوێنه‌ره‌ کورده‌کانی په‌رله‌مان له‌ پشکی هه‌ده‌په‌ و هێرشی به‌رده‌وامی سوپای تورکیا بۆ ناوچه‌ کوردنشینه‌کانی ئه‌و وڵاته‌ که‌ هه‌موو ئه‌م خاڵانه‌ وه‌کوو نیازی خراپی تورکیا بۆ پاکتاوی ڕه‌گه‌زی خوێندنه‌وه‌ی بۆ کراوه‌.

 له‌باره‌ی هێرشه‌کانی تورکیا بۆ سووریا و عێراقیشه‌وه‌ ده‌ڵێن، ئه‌و ده‌ستدرێژییانه‌ له‌ ڕاستیدا پێشێلکردنی سه‌روه‌ریی خاکی دراوسێکانه‌ که‌ به‌ یارمه‌تیی تیرۆریستانی داعش و نوسره‌ دژ به‌ خه‌ڵکی کوردی عه‌فرین و کۆبانێ و به‌شێکی خاکی هه‌رێمی کوردستان ده‌کرێت.

له‌ به‌شی کۆتاییی نامه‌که‌دا دووپات کراوه‌ته‌وه‌ هه‌موو ئه‌و تاوانانه‌ی باس کران ته‌نها به‌شێکی بچووکن له‌ ئه‌و دوژمنکارییانه‌ی ده‌وڵه‌تی تورکیا به‌رامبه‌ر به‌ کورد ده‌یکات و به‌و بۆنه‌شه‌وه‌ به‌ ناوی نوێنه‌ره‌ کورده‌کانی په‌رله‌مانی ئێرانه‌وه‌ ئیدانه‌ی تاوانی دژه‌مرۆڤانه‌ی ده‌وڵه‌تی تورکیا به‌رانبه‌ر به‌ کورده‌کانی سووریا و تورکیا ده‌که‌ن و ده‌ڵێن هه‌موو کوردێک له‌ هه‌موو جێگایێکی جیهان به‌ ڕه‌گه‌ز ئێرانییه‌ و به‌و بۆنه‌شه‌وه‌ به‌ ئه‌رکی سه‌ر شانی خۆیان ده‌زانن پارێزگاری له‌ مافی کورده‌کانی هه‌موو جیهان بکه‌ن.

 

كوردپرێس





ئەم هەواڵە 1759جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad