English | عربی | Kurdî دواهەواڵ
ڕاستەوخۆ  
 
ئاشتیخوازیا مە ، ب دکتاتۆرا لەنگەر نابیت
2018-12-31 [09:44 AM]

نڤیسینا : غیاس خالد زێباری


لڤان رۆژا ھندەک کەناڵێن راگەھاندنێ یێن سەر ب رژێما بەعسا دکاتۆریا ئەسەدی ل سووریا لیستەک بناڤێ کەسانێن ھەڤکاریێن ئۆپۆزسیۆنا بەڵاڤ کریە و ب پالپشتێن تیرۆرێ دیارکرنە ، ناڤێ رێزدار مەسرور بارزانی راوێژکارێ جڤاتا ئاسایشا ھەرێما کوردستانێ دگەل ئینانە . 
براستی جھێ پێکەنینێ و حیبەتیێ یە خەلکەکێ دکتاتۆر و پالپشتێن تیرۆر و تیرۆرستا ڤان و سەرەدەریێن لسەر کەسانێن سەد دەر سەد بەرۆڤاژی وان دابنێت ، ھەر کەسەکێ مللەتێ کورد بناسیت و کێمترین زانیارێ لسەر دەڤەرێ ھەبن بتایبەت پشتی سەرھەلدانا رێکخستنا تیرۆرستیا داعش دزانیت ئەنجومەنێ ئاسایشا ھەرێما کوردستانێ ب راوێژکاریا مەسرور بارزانی چ رۆلەکێ ھەری گرنگ دیتی یە بۆ پاراستنا ئێمناھیا ھەرێما کوردستانێ و عیراقێ و ئاشکرا کرنا شانەیێن تیرۆرستی و ئەنجامدانا ئۆپەراسیۆنێن تایبەت برەنگەکێ سەرکەفتی ، ژبلی ئاشکرکرن و ھەلوەشاندنا چەندین پیلانێن تیرۆرستی و گرتنا باند و ببازرگانێن مادێن ھۆشبەر . 
برەنگەکێ گشتی مەسرور بارزانی وەک راوێژکارێ ئەنجومەنێ ئاسایشا ھەرێما کوردستانێ ، فاکتەرێن سەرەکی بوونە بۆ ژناڤبرن و ئاشکراکرنا تیرۆرێ و تیرۆرستان و ب رۆلێ ڤێ سازیا ئێمناھیێ ھەرێما کوردستانێ ھاتیە پاراستن و خەلکێ کوردستانێ ژی جەنابێ وی ب ئەندازیا پاراستنا ئێمناھیا کوردستانێ دناسیت . 
لسەر دەستێ جەنابێ وی ئەنجومەنێ پاراستنا ئاسایشا کوردستانێ بوویە ئێک ل سازیێن ئێمناھیێ یێن ھەرە سەرکەفتی لسەر ئاستێ جیھانێ ، ئەز باوەرم سازیێن ئێمناھیێ یێن زۆر وەلاتێن سەربەخۆ و خودان سەروەری و شیانێن زەبەلاحێن ماددی ، نەشیانە مینا ڤی دەزگەھێ ھەرێما کوردستانێ ، ب ئەرکێ خۆ راببیت بۆ ئاشکراکرنا جە و شانەیێن تیرۆرستی و باندێن تێکدەرێن ئاسایشا نەتەوی و نشتیمانی . 
ئەز باوەرم سازیێن نیڤ دەولەتی و ھێزێن ھەڤپەیمانێن دژی تیرۆرستێن داعش لسەر ڤێ چەندێ دیدەڤانن .
ژلایەکێ دی مەسرور بارزانی دناڤ ماڵباتەکێ و پارتیەکێ دا ھەلکەفتی یە کو ب رێژاھیا سەر سالایە دژی رژێمێن مینا رژێما دکتاتۆریا بەعسا ئەسەدی کۆ مەزنترین درۆستکەر و پالپشتێن تیرۆرێ بوونە شەر ژ پێخەمەت دابینکرنا ئاسایشا جڤاکی و نەتەوی و مافێن خەلکێ خۆ کریە ، ھەردەم ژیانا خۆ ئێخستیە مەترسیێ ژ پێخەمەت ئێمناھیا خەلکێ خۆ . 
کار و خەباتا رێزدار مەسرور بھیچ رەنگەکی دگەل رژێما ڤان کەنالێن راگەھاندنێ ناھێنە بەراوورد کرن کۆ رژیما دکتاتوریا ئەسەدی یە ل سووریا .
ھەر رژێما ھەوەیە ب دەھان ساڵە بکوتەکی دەسھەلاتا خۆ بسەر گەل و وەڵاتێ سووریا سەپاندی یە و پشتی شۆرەشا خەلکێ سووریا ژی لسالا ٢٠١١ ھەمی رێکێن دوور ل مرۆڤاتیێ دژی خەلکێ خۆ بکارئینان بۆ پاراستنا خۆ ل دەسھەلاتێ ، ھەر ل گرتنا بسەدان ھزار شۆرەشگێر و دژبەرێن رژێمێ و بکارئینانا چەکێن قەدەغەکری و ئاوارەکرنا ب مەلیۆنان خەلکێ خۆ . 
بڤێ چەندێ ژی نەشیان دەنگێن خەلکێ نەرازی لخۆ بێ دەنگ بکەن ، پەنا برە بەر درۆستکرنا رێکخستنێن ل خۆین مێژتر و درندەتر مینا داعش و چەندێن دیتر .
بڤێ چەندێ ژی بێھنا وە نەھات ، رێکخستن و چەکدارێن دژی مرۆڤایەتیێ ل وەلاتێن دیتر بکرێ گرتن بۆ ناڤبرنا شۆرەشا جەماوەری و خەلکێ ئازادیخواز . 
دڤان حەفت سالان دا رژێما وە بسەدان ھزار وەلاتیێن خۆ ب کوشتن دانە بۆ مانەڤا خۆ ل دەسھەلاتێ و ناڤێ سەرۆک و رژێما سووریا لسەر ئاستێ جیھانێ ب دکتاتۆر و تیرۆرست ھاتینە نیاسین ، ئەڤرۆ لسەر چ بنەما ناڤێن دژبەرێن تیرۆرێ و دکتاتۆریەتێ ب تیرۆرستن ھژمار دکەن ..! ئانکۆ ناڤێ خۆ لسەر دانێی . 
ئەگەر مەسرور بارزانی پشتەڤانیێ تیرۆرێ با ، چما ل دەسپێکا شۆرەشا خەلکێ سووریا ، سەرۆک کۆمارێ وە یێ دکتاتۆر ( بەشار ئەسەد ) ب فەرمی داخاز ل جەنابێ سەرۆک مەسعود بارزانی کۆ بابێ رێزدار مەسرور بارزانی یە دکر سەرەدانا سووریا بکەت ...! 
ئەگەر مەسرور بارزانی پشتەڤانێ تیرۆرێ بیت ، حکومەتا ھەرێما کوردستانێ ، ئەو حکومەتا لسەر دەستێ رێزدار نێچیرڤان بارزانی مەزنترین سەرکەفتن بسەر مەزنترین ھێز و رێکخستنا تیرۆرستیا جیھانی ( داعش ) تۆمارکری و ھەرێما کوردستانێ دناڤ ڤولکانەکا ئاگری یا ھەرە دژوار دا کریە مێرگەکا پڕی گوڵێن جوان و بێنخۆش و پەناگەھا مرۆڤ دوست و ئازادیخواز و دژبەرێن دکتاتۆر و تیرۆرستا ، 
تیرۆرستە ..! 
ئەو حکومەتا بسەدان ھزار شۆرەشگێرێن ژبەر زۆرداریا رژێما وە دەربەردە بووی ڤەحەواندی , تیرۆرستە ..! 
حکومەتا ھەرێما کوردستانێ یە دیموکراسیترین و دادورترین دەسھەلات ل دەڤەرێ .
ئەڤ گاڤ و تاوانێن وە یێن بێ بنەما درھەقی رێزدار مەسرور بارزانی ، گۆتنێن بێ بنەمانە و جھێ پێکەنینێ نە ، بۆ وەلات و سازیێن نیڤ دەولەتی دکتاتۆریەت و پالپشتیا وە بۆ تیرۆرێ و تیرۆرستا دزانن و روولێ مەسرور بارزانی ژی بۆ ژناڤبرن و ئاشکراکرنا تیرۆرێ دزانن و چ بھای نادەنە ڤان گۆتنێن وە و ئاشتیخوازی و دژبەریا مە بۆ تیرۆرێ ب دکتاتۆرا لەنگەر نابیت .





ئەم هەواڵە 5713جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad