English | عربی | Kurdî دواهەواڵ
ڕاستەوخۆ  
 
راوێژکاری ئەنجوومەنی ئاسایشی هەرێمی کوردستان جەژنی سەری ساڵ پیروزدەکات
2018-12-31 [12:33 PM]

ZNA-هەولێر


 

‎بەبۆنەی سەری ساڵی نوێی زاینییەوە 

‎پیرۆزبایی گەرمی خۆم لە سەرجەم گەلی 
‎کوردستان و گەلانی جیهان، بەتایبەتی خانەوادەی سەربەرزی شەهیدان و پێشمەرگە قارەمانەکان دەکەم.

‎لەم چەند ساڵەی ڕابردوودا گەلی کوردستان بە خۆراگریی و لەخۆبوردووییەوە قەیرانی سەخت و گەورەی تێپەڕاند و لەو بڕوایەدام کە بە پاڵپشتیی ئەم گەلە مەزنە بەرەو داهاتووەکی پرشنگدار و پڕ بەختەوەری و دەسکەوتی زیاتر هەنگاو دەنێین. 

‎گەلەکەمان ویست و خواستی خۆی لە دوا 
‎هەڵبژاردنەکانی هەرێم نمایش کرد، بۆیە داواکارم کە هەموو لایەک بە رێزگرتن لە دەنگ و ویستی خەلک، پەلە لە پێکهێنانی کابینەی نوێی حکومەت بکەن، تاکو هەرچی زووتر خزمەتێکی شایستەتری هاوڵاتیانی خۆشەویستمان بکرێت.

‎لەم بۆنەیەدا، جەخت لە سەر بنەماکانی یەکسانی و ئاشتی و پێکەوە ژیان لە دەڤەرەکەدا دەکەینەوە و ئاواتەخوازین کۆتایی بە گشت ئەو نەهامەتیانە بهێنرێت کە، سالانێکە بەرۆکی گەلانی ناوچەکەی گرتووە. دەستی هاوکاری و ئاشتی بۆ هەموو لایەک لە سەر بنەمای دادپەروەی و رێزگرتنی دوولایەنە درێژ دەکەینەوە و بە تایبەت لە عێراقدا خوازیارین بە هاوبەشییەکی ڕاستەقینە و بە ڕەچاوکردنی دەستوور، گشت کێشەکانی نێوان هەولێر و بەغدا چارەسەر بکرێن و ئیتر لەمەولا، سەرمایە و سامان و تواناکانی ئەم وڵاتە بۆ خزمەتی خەلک و پێشکەوتنی وڵات بەکار بخرێت.

‎لەم کاتوساتەدا دۆخی رۆژئاوای کوردستان نیگەرانی کردووین. خەریکە گەلی کوردمان لە رۆژئاوای کوردستان بەرەوە چارەنووسێکی نادیار پەلکێش بکردرێت. 

‎هیوادارین هەرچی زووتر بە گرتنەبەری هەنگاوی لۆجیکی و بە دانوستان و رێگەچارەی ئاشتیانە ئەم مەترسیانە بڕەوێنرێتەوە.

‎بە هیوای ساڵێکی پڕ بەرهەم و دەسکەوت و ئاسوودەیی و بەختەوری بۆ هەموو لایەک.

‎مەسرور بارزانی

‎راوێژکاری ئەنجوومەنی ئاسایشی هەرێمی کوردستان

٣١/١٢/٢٠١٨





ئەم هەواڵە 1960جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad