English | عربی | Kurdî دواهەواڵ
ڕاستەوخۆ  
 
ئەمریکا ھێزەکانی خۆی لە ئەفغانستان دەکشێنێتەوە
2019-01-03 [07:48 AM]

ZNA- ھەولێر


به‌رپرسێكى وه‌زاره‌تى به‌رگرى ئه‌مه‌ريكا(پێنتاگۆن) رايگه‌ياند، "به‌ فه‌رمانى سه‌رۆكى ئه‌مه‌ريكا، دۆناڵد تره‌مپ، نيوه‌ى سوپاى ئه‌مه‌ريكا له‌ ئه‌فغانستان ده‌كشێته‌وه"‌.

"ئوستن سكوت ميله‌ر"، فه‌رمانده‌ى نێرده‌ى په‌يمانى باكوورى ئه‌تڵه‌سى (ناتۆ) له‌ ئه‌فغانستان رايگه‌ياند، "ئه‌مساڵ 7 هه‌زار سه‌ربازى ئه‌مه‌ريكى له‌ ئه‌فغانستان ده‌كێشنه‌وه‌. ته‌نيا به‌شێك له‌ هێزه‌ تايبه‌ته‌كان ده‌مێننه‌وه،‌ بۆ وه‌شاندنى گورزى سه‌ربازى له‌ تاڵيبان و داعش".

هه‌روه‌ها نوێنه‌رى ئه‌نجوومه‌نى ئاسايشى ئه‌مه‌ريكا، له‌ "كۆشكى سپى"، "گارێت ماركس" رايگه‌ياند، "هێشتا دۆناڵد تره‌مپ فه‌رمانى كشانه‌وه‌ى هێزه‌كانى له‌ ئه‌فغانستان ده‌رنه‌كردووه‌".

رۆژنامه‌ى "ۆڵ ستريت جۆرناڵ"، له‌و باره‌يه‌وه‌ بڵاويكردبوويه‌وه‌، كه‌ ئيداره‌ى "كۆشكى سپى" له‌ پرسى كشانه‌وه‌ى هێزه‌كانى ئه‌مه‌ريكا له‌ ئه‌فغانستان ده‌كۆڵێته‌وه‌.

سوپاى ئه‌مه‌ريكا له‌ 2001ه‌وه‌ بۆ شه‌ڕى قاعيده‌ و تاڵيبان به‌ سه‌ركردايه‌تى هێزه‌كانى په‌يمانى باكوورى ئه‌تڵه‌سى روويكردووه‌ته‌ ئه‌فغانستان.

له‌و چوارچێوه‌يه‌دا تۆڕى هه‌واڵيى "سى ئێن ئێن"ى ئه‌مه‌ريكى له‌ زارى سه‌رچاوه‌يه‌ك له‌ "كۆشكى سپى"ييه‌وه‌ بڵاويكرده‌وه‌، "پێنتاگۆن" ژماره‌ى سه‌ربازانى وڵاته‌كه‌ى له‌ ئه‌فغانستان بۆ 7 هه‌زار سه‌رباز كه‌مده‌كاته‌وه‌.

له‌ ئێستادا زياتر له‌ 14 هه‌زار سه‌ربازى ئه‌مه‌ريكى له‌ ئه‌فغانستاندا سه‌رقاڵى ئه‌ركه‌كانيانن.

پرسى كشانه‌وه‌ى سوپاى ئه‌مه‌ريكا له‌ ئه‌فغانستان دواى ئه‌وه‌ دێت مانگى رابردوو، له‌ "ئه‌بوزه‌بى" شاندێكى ئه‌مه‌ريكا و بزووتنه‌وه‌ى تاڵيبان كۆبوونه‌وه‌.

هاوكات بڕياره‌ ئه‌م مانگه‌ شاندى بزووتنه‌وه‌ى تاڵيبان و ئه‌مه‌ريكا له‌ "رياز"ى پايته‌ختى سعوودييه‌ كۆببنه‌وه‌





ئەم هەواڵە 5908جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad