English | عربی | Kurdî دواهەواڵ
ڕاستەوخۆ  
 
ڤەکێشانا ھێزێن ئەمریکا ل سوریا جھێ پسیارێ یە ..؟
2019-01-04 [07:07 AM]

نڤیسینا: دڵۆڤان ئەمجد بارزانی


ڤەکێشانا ھێزیێن ئەمریکایێ ل سوریا کارڤەدانەکا گەلەکا نەرینی و خراپ دێ ئێخیتە سەر سوریا ب گشتی و رۆژئاڤایێ ب تایبەتی ، ب راستی ژی دڤی دەمێ نەخوەش و ئالۆز دا چێنەد بوو ئەمریکا ئەڤ بریارا وەسا نەباش دەرکربا ل سەر ڤێ مژارێ گەلەك گومان و پسیار ل دەف مرۆڤی چێ دبن ، بوچی دڤی دەمی دا ئەو بریار ھاتە دان ؟
بوچی ل سوریێ ؟ و ب ھزارەھا تشتێن دی .
ئەو بخوە ژی ئەمریکا رولەکێ وەسا ل سوریێ نەبوو  وەکی ژمارەھا سەرباز و ھێزێن وان ل وەلاتێن دی ھەی بەراورد دگەل وان گەلەك کێم بوون .

لێ بەلێ د ھەمان دەم ژی دا ئەمادەبوونا ھێزێن ئەمریکایێ  ل ناڤەندا سوریایێ  ب تایبەتی  ل رۆژئاڤایێ گرانیا خوە ھەبوو ، ل دەمێ شەری دا کو ئەڤ ھێزێن ھەرێمی یێن ڤان دەولەتێن جیران وەکی تورکیا و ئیران و عیراق و سوریا بخوە ژی  و گەلەك وەلاتێن دی ژی و یێن کەنداڤی ژی حسابەکا  گەلەك بۆ دکر ، ژبلی ھندێ ژی کو ھێزێن نێڤ دەولەتی ژی وەکی  ئێکەتیا ئەوروپا و  رووسیا و چین ژی چاڤێ وان لسەر بوو . 
ژبەر ھندێ ژی ڤەکێشانا ل نیشکەکێ ڤە یا ھێزێن ئەمریکا ل سوریا ب گشتی ل رۆژئاڤایێ ب تایبەتی  چھێ پسیارێ بوو .

ڤەکێشانا ئەمریکا ل سوریا  و کاریگەری ل سەر ھەرێما کوردستانێ و ب جێھ ھێلانا کوردێن رۆژئاڤا ئاماژەییەکا خراپە بو داھاتوویێ و پەیوەندیێن ھەرێما کوردستانێ  و  ئەمریکا ، ژبلی ھندێ ژی جورەکێ بێ باوەریی  چێدکەت وە دکەت دەستھەلاتدارێن ھەرێما کوردستانێ  ھەردەم ھزر د  ھێرەکا دی دا بکەنەڤە  ل جیاتی ھێزێن ئەمریکا .
چونکێ د ھزرا کەسەکێ دا نەبوو  ئەمریکا ڤێ بریارا نەپاش دەربکەت .
ھەرێما کوردستانێ باوەرییەکا گەلەکا باش ب ئەمریکا و ھێزێن وێ ھەبوو  دڤێت بێژم ھەبوو  ، ل نھا ئەو باوەری و پشت بەستنە یا کێم بوو ئەگەرێن ھەین ژی بەرەڤ ژ ناڤچوونێ بچیت ، ھەروەسا ڤەکێشانا ئەمریکا ئاماژێ ب ھندێ ددەت کو نھا بەرژەوەندیێن ئەمریکا  نە بەرەڤ پێچوونا دیموکراسیەتێ و نە ژ ئالیێ پاراستنێ ژی ڤە  مافێ کەمینەیان نییە .
ژ ئالیەکێ دی ژیڤە ئەڤ ڤەکێشانا ئەمریکا دەستێ ھەرئێك ژ  تورکیا و ئیران  بەرفرەھ تر دکەت بو ھندێ زێدەتر دەستێ خو بێخنە دناڤ  کاروبارێن وەلاتێن دەوروبەر و ھەردەمێ ڤیا سنورێ عیراقێ و سوریا ب ھیجەتا دژایەتیا ھێزێن کوردی ببەزینن . ئەڤە ژبلی ھندێ ژی کو ئەگەرێ لەشکەرکێشیا تورکیا بو سەر رۆژئاڤایێ .
د وی دەمی دا ھەرێما کوردستانێ ژی دێ کەڤیتە دبن ئیلتزامەکا ئەخلاقی دا کو ژ ئالیێ مرۆیی ڤە ھاریکاریێ پێشکەشێ کوردێن رۆژئاڤایێ بکەت یان ژی ئەڤێن کو ژ مەترسیا وی لەشکرکێشیێ و ئالوزیێ بەرێ خوە ددنە ھەرێما کوردستانێ و رۆژئاڤایێ ب جێھ دھێلن .

وەکی یا دیارە و ھەمی جیھان ژی دزانیت کا ھەرێما کوردستانێ چ رولەکێ گرنگ د رۆژئاڤایێ دا یێ ھەی و ھەبوو ژی ھەر ل شەرێ دژی چەکدارێن ھۆڤێن دەولەتا ئیسلامی یا عیراق و شامێ یا ھاتیە ناسکرن ب "داعش " کو ب ئانەھیا خودایێ مەزن و ژ سایا سەرۆك بارزانی و پشتەڤانیا ھێزێن پێشمەرگەھێن قەھرەمانێن ھەرێما کوردستانێ  کوبانێ نەکەفت و ھاتە ئازادکرن   ، لەوما پێدڤیە ھەمی جیھان ب گشتی و کوردێن رۆژئاڤایێ ب تایبەتی ئەڤێ چەندێ ژبیر  نەکەن .





ئەم هەواڵە 361جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad