English | عربی | Kurdî دواهەواڵ
ڕاستەوخۆ  
 
نێچیرڤان بارزانی پێشوازی له‌ كونسولی ئه‌مه‌ریكا له‌ هه‌ولێر ده‌كات‌
2019-01-07 [12:43 PM]

ZNA- ھەولێر


پاشنیوه‌ڕۆی ئه‌مڕۆ دووشه‌ممه‌ 7/1/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێز ستیڤ ڤاگن كونسولی ئه‌مه‌ریكا له‌ هه‌رێمی كوردستان و شاندێكی یاوه‌ری كرد.

له‌ دیدارێكدا په‌یوه‌ندییه‌كانی هه‌رێمی كوردستان و ئه‌مه‌ریكا له‌ قۆناغه‌كانی ڕابردوو ئێستادا و زیاتر په‌ره‌پێدانیان، دۆخی ئابووریی هه‌رێمی كوردستان و ڕه‌وشی ئاواره‌ و په‌نابه‌ران له‌ هه‌رێمی كوردستان تاوتوێ کرا.

به‌ڕێز ڤاگن سوپاسی ‌هاوكارییه‌كانی حكوومه‌تی هه‌رێمی بۆ ئاواره‌ و په‌نابه‌ران کرد و له‌مباره‌یه‌وه جه‌خت له‌ هاوكاریی نێوان هه‌ولێر و به‌غدا و كۆمه‌ڵگه‌ی نێوده‌وڵه‌تی كرایه‌وه‌.

له‌ دیداره‌كه‌دا باسی ڕه‌وشی سیاسیی هه‌رێمی كوردستان كرا و به‌ڕێز نێچیرڤان بارزانی تیشكی خسته‌ سه‌ر هه‌وڵه‌كانی پێكهێنانی كابینه‌ی نوێ و به‌رده‌وامبوونی چاكسازی و دوا پێشهاته‌كانی په‌یوه‌ندییه‌كانی هه‌ولێر ـ به‌غدا.

به‌ڕێز ڤاگن سیاسه‌تی حكوومه‌تی هه‌رێمی كوردستانی له‌ بایه‌خدان به‌ كولتووری پێكه‌وه‌ژیان و لێبورده‌یی به‌رز نرخاند و سوپاسی داموده‌زگاكانی حكوومه‌تی هه‌رێمی كرد بۆ ئه‌و هاوكارییه‌ی پێشكه‌ش به‌ كونسولگه‌ریی وڵاته‌كه‌یان له‌ هه‌ولێر ده‌كرێت.

تاوتوێكردنی دۆخی ڕۆژهه‌ڵاتی ناوه‌ڕاست و دوا پێشهاته‌كانی ناوچه‌كه‌، لایه‌نێكی دیكه‌ی دیداره‌كه‌ بوو.





ئەم هەواڵە 1498جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad