English | عربی | Kurdî دواهەواڵ
ڕاستەوخۆ  
 
بەرپرسێك باسی خەرجكردنی دوو مووچەی خانەنشینان دەكات
2019-01-08 [05:34 AM]

ZNA – هەولێر


بەشێك لەو فەرمانبەرانەی خانەنشینن دوو موچەیان پێنەدراوە، بەرپسێكیش دەڵێت لیستی خەرجكردنی پارەكانیان بۆ كراوە، بەڵام لەگەنجینەكان بۆیان خەرج نەكراوە.

نزیكەی 4 هەزار كەس كە لە ساڵی 2015 خانەشین كراون دوو مووچەیان پێندراوە، بەرپرسێكی خانەشینیش ئاشكرای دەكات مووچەی ئەو كەسانە پاشكەوت نەكراون بەڵكو بۆیان خەرج دەكرێت.  

یوسف عوسمان، سەرۆكی یەكێتی فەرمانبەرانی كوردستان بە باسی راگەیاند:" بەشێك لەو فەرمانبەرانەی كە خانەنشین كراون كە تایبەتن بە لە دایكبووانی ساڵی 1953 ئەوانە دوو مووچەی مانگی 7 و 8ی ساڵی 2015یان وەرنەگرتووە و ژمارەیان 4 هەزار كەسە".

ئەو گوتیشی: "پارەی هەموویان 3 ملیار دینارە  لیستی خەرجكردنی پارەكانیشیان بۆ كراوە بەڵام لە گەنجینەكان بۆیان خەرج نەكراوە، دەبێت حكوومەت پارەكانیان بۆ خەرج بكات و مافی خۆیان پێ بدرێت".

سەباح موخڵیس، بەرێوەبەری ئامار لە بەرێوەبەرایەتی گشتی خانەنشین بە هەمان سەرچاوەی گوت: " دوو مووچەی ئەو كەسانەمان ئامادە كردبوو لیستەكانیشیان بۆ گەنجینەكان چوو بوو، بەڵام بەهۆی دواكەوتنی مامەڵەكانیان كەوتە نێو مانگی 9 دواتر بە گشتی حیسابی ئەو ساڵە داخرا بۆیە بۆیان خەرج نەكرا".

ئەوەشی خستەڕوو ئەو دوو مووچەیە پاشەكەوت ناكرێت بەڵكو دەدرێت، گوتیشی: " راستە 4 مووچەی ئەو ساڵە پاشەكەوت كرا،بەڵام ئەو مووچانە پێوەندی بە پاشەكەوت نیە، بەڵكو هەركات باری دارایی باش بێت بۆیان خەرج دەكرێت".

روونیشی كردەوە: لە ساڵی 2016 و 2017 و 2018 هیچ خانەنشینێك كێشەی مووچە پێنەدانی نەبووە بەڵكو مووچەی خۆیان پێدراوە، گوتیشی:" ئەوانەی لە دایكبووی 1953 بوون ئەو كێشەیان هەبوو، بەڵام ئەوانەی لە دایكبووی ساڵانی 1954 و 1955 بوو كە لەو دوو ساڵە خانەنشین كراون مووچەی خۆیان پێدراوە و كێشەیان نەبووە".

سەباح موخڵیس، ئاشكراشی كرد هەركات بڕیاری خەرجكردنی مووچەی ئەو كەسانە بدرێت ئاگاداری بڵاو دەكەنەوە بۆ ئەوەی بێن مووچەكانیان خەرج بكەن.





ئەم هەواڵە 6493جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad