English | عربی | Kurdî دواهەواڵ
ڕاستەوخۆ  
 
دوو لیژنە بۆ پێداچوونەوە و پشكنیكی پزیشكیی كەمئەندامان پێكدەهێنرێت
2019-01-08 [06:06 AM]

ZNA-هەولێر


هەریەكە لە بەڕێوەبەرایەتی چاودێری و گەشەپێدانی كۆمەڵایەتی و بەڕێوەبەرایەتی گشتی تەندروستی هەولێر بڕیاری پێكهێنانی دوو لیژنەیان بۆ پێداچوونەوەی پشكنینی پزیشكی بۆ كەمئەندامان دەرکرد.

بەڕێوەبەرایەتی گشتی چاودێری و گەشەپێدانی كۆمەڵایەتی هەولێر لە راگەیەندراوێکدا بڵاویکردووەتەوە،  ئەمڕۆ سێشەممە (٨ی کانونی دووەمی ٢٠١٩) بەمەبەستی گفتوگۆكردن دەربارەی پرسی پێداچوونەوەی پشكنیكی كەمئەندامان، یوسف چاوشین بەڕێوەبەری گشتی چاودێری و گەشەپێدانی كۆمەڵایەتی هەولێر لەگەڵ هەر یەک لە شێخ محەمەد بەڕێوەبەری تۆڕی پاراستنی كۆمەڵایەتی و هێرش مەولوود بەڕێوەبەری بەشی كارگێڕی دیوانی بەڕێوەبەرایەتی گشتیی، سەردانی بەڕێوەبەرایەتی گشتی تەندروستی هەولێریان كردووە.

ئاماژەی بەوەشکردووە، لە دیدارەکەدا هەر دوولا رێككەوتوون لە سەر پەلەكردن لە پێكهێنانی لێژنەكانی پێداچوونەوەی پزیشكی بە شێوەیەك تەواوی ئەندامانی لێژنەكە نوێ بن و بەشدار نەبووبن لە لیژنەكانی پێشووتر، هەروەها لە سەر داواكاری بەڕێوەبەرایەتی گشتی چاودێری و گەشەپێدانی هەولێر و بۆ ئاسانكاری بۆ كەمئەندامان، هەردوو لایەن بڕیاریانداوە دوو لێژنەی پزیشكی پێكبهێندرێن بە شێوەیەك یەكەمیان لە نێو سەنتەری هەولێر و ئەوەی تریان لە شارۆچكەی سۆران دەستبەكاربن.

جێی ئاماژەیە لە ساڵی ٢٠١٦دا پشكنینی پزیشكی بۆ‌ تەواوی كەمئەندامان لە سەر ئاستی هەرێمی كوردستان كرایەوە و لە پارێزگای هەولێر زیاتر لە شەش هەزار و ٧٠٠ كەس لە پشكنینەكان دەرنەچوون یان هەر سەردانیان نەكرد. لەو ژمارەیە زیاتر لە دوو هەزار كەس داوای دووبارە بینینەوەی لیژنەكانی پزیشكییان كردووە.
 





ئەم هەواڵە 1462جار خوێندراوەتەوە
 
 
ڤیدیۆ گەلەری
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad