English | عربی | Kurdî دواهەواڵ
ڕاستەوخۆ  
 
هاتووچۆ له‌سه‌ر به‌فربارین شۆفێران ئاگادار ده‌كاته‌وه
2019-01-08 [07:03 AM]

ZNA-هەولێر


به‌ڕێوه‌به‌رایه‌تی‌ هاتووچۆی‌ هه‌ولێر شۆفێران ئاگادار ده‌كاته‌وه‌ كه‌ به‌فربارین سه‌نته‌ری‌ شاره‌كان ده‌گرێته‌وه‌ بۆیه‌ پێویسته‌ خۆیان و ئۆتۆمبێله‌كانیان بۆ ئه‌م كه‌شه‌ ئاماده‌بكه‌ن.

 

به‌ڕێوه‌به‌رایه‌تی‌ هاتووچۆی‌ هه‌ولێر رایگه‌یاند كه‌ "به‌پێی راگه‌یه‌ندراوێكی به‌ڕێوه‌به‌رایه‌تی كه‌شناسی هه‌رێمی كوردستان، پێشبینی ده‌كرێت كه‌ له‌ 48 كاتژمێری داهاتوو بارسته‌ هه‌وایه‌كی سارد روو له‌هه‌رمی كوردستان بكات و له‌ ئه‌مشه‌وه‌وه‌ كاریگه‌رییه‌كه‌ ده‌ست پێبكات و سه‌ره‌تا به‌باران ده‌ست پێده‌كات و له‌ دوایی بۆ به‌فر ده‌گۆڕێت و به‌فربارینه‌كه‌ سه‌نته‌ری شاره‌كانیش ده‌گرێته‌وه‌ به‌شاری هه‌ولێریشه‌وه‌ و تاكو 24 كاتژمێر به‌رده‌وام ده‌بێت و له‌ دوایی كه‌شه‌كه‌ ئاسایی ده‌بێته‌وه‌ و بارسته‌ هه‌واسارده‌كه‌ ده‌مێنێته‌وه‌ و ده‌بێته‌هۆی به‌سته‌ڵه‌ك و شه‌خته‌ دروستبوون".

 

هاتووچۆی‌ هه‌ولێر ده‌ڵێت: "بۆیه‌ شۆفێران ئاگادار ده‌كه‌ینه‌وه‌ كه‌ خۆیان و ئۆتۆمبێله‌كانیان بۆ ئه‌م كه‌شه‌ ئاماده‌بكه‌ن".

 

هاتووچۆی‌ هه‌ولێر داوا له‌ شۆفێران ده‌كات له‌پێناو سه‌لامه‌تییان پابه‌ندی ئه‌م خاڵانه‌ی خواره‌وه‌ بن: 

 

1-تیژڕه‌ویی نه‌كردن و لێخوڕین به‌ خێراییه‌ك كه‌ كه‌متر بێت له‌وه‌ی كه‌ به‌ هێماكانی هاتووچۆ دیاریكراوه‌، چونكه‌ تیژڕه‌وی ده‌بێته‌هۆی كۆنترۆڵ‌ له‌ ده‌ستدان.

 

2-به‌هۆی كه‌مبوزنه‌وه‌ی ئاست و مه‌ودای بینین سه‌رچاوه‌ی مه‌ترسیه‌كان زوونابینرێن بۆیه‌ واچاكتره‌ جگه‌ له‌تیژڕه‌وی نه‌كردنه‌كه‌ شۆفێران ئاستی ته‌ركیزیان به‌رز بێت و خۆیان خه‌ریك نه‌كه‌ن به‌ شتێكی تر جگه‌ له‌ شۆفێرییه‌كه‌.

 

3-له‌كاتی چون و سه‌فه‌ر بۆ ناوچه‌ شاخاویه‌كان پێویسته‌ زنجیر له‌ تایه‌كانیان بده‌ن و له‌ناوه‌ندی شه‌قامه‌كان ده‌رنه‌چن و نه‌چنه‌ سه‌ر شۆڵده‌ره‌كان ته‌نانه‌ت بۆ وێنه‌گرتنیش. 

 

4-له‌كاتی دروستبوونی شه‌خته‌ و به‌سته‌ڵه‌ك ده‌بێت خێراییه‌كان له‌نێوان 30 تاكو 50 كیلۆمه‌تر بێت بۆ ئه‌وه‌ی ئه‌گه‌ر توشی مه‌ترسیه‌ك بون توشی برێككردنی له‌ناكاو نه‌بنه‌وه‌ كه‌ ئه‌مه‌ ده‌بێته‌هۆی هه‌ڵخلیسكانیان.

 

5-واچاكتره‌ له‌حاڵه‌تی پێویست نه‌بێت سه‌فه‌ری ناوچه‌ شاخاوییه‌كان نه‌كرێت تاكو كه‌شه‌كه‌ ئاسایی ده‌بێته‌وه‌، چونكه‌ مانه‌وه‌ له‌ناوچه‌ی شاخاوی و داخرانی رێگاكان له‌سه‌ریان مه‌سی ده‌خاته‌ سه‌ر ژیانیان.

 

6-به‌ر له‌ ده‌رچوون و سه‌فه‌ر كردن به‌ ئۆتۆمبێله‌كان ته‌نانه‌ت بۆ مه‌ودا نزیكه‌كانیش پێویسته‌ دڵنیابن له‌ باشی كاركردنی سیستمی پاككردنه‌وه‌ی جامه‌كانی ئۆتۆمبێل و پێویسته‌ لاستیكی ماسیحه‌كان باش بن.

 

7-له‌كاتی به‌فر بارین و ته‌مدا پێویسته‌ گڵۆپی ته‌م دابگیرسێنن ته‌نانه‌ت له‌كاتی رۆژیشدا چونكه‌ چه‌ند گرنگه‌ ببینیت ئه‌وه‌نده‌ش گرنگه‌ بینراو بیت.





ئەم هەواڵە 4267جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad