English | عربی | Kurdî دواهەواڵ
ڕاستەوخۆ  
 
ئیسرائیل... وه‌زیرێك سیخوڕی بۆ ئێران كردوه‌
2019-01-09 [02:57 AM]

ZNA - هه‌ولێر


 

وەزیرێکی پـێشووی ئیسرائیل به‌تۆمه‌تی سیخوڕی بۆ ئێران سزای 11 ساڵ زیندانی به‌سه‌ردا ده‌سه‌پێنرێت.

ئەمڕۆ چوارشەممە وه‌زاره‌تی دادی ئیسرائیل رایگه‌یاند، داواکاری گشتی ئیسرائیل و پارێزەرانی غۆنێن سێغێڤ وەزیری پـێشوو بە ڕێکەوتنێک گەیشتوون، ئەویش غۆنێن دان بە تاوانەکەیدا بنێت کە سیخوڕی بۆ ئێران کردبوو و زانیاری گرنگی پـێ‌دابوون. لە بەرامبەر داواکاری گشتی تۆمەتی خیانەتی ئاڕاستە نەکات و تەنیا داوای 11 ساڵ زیندانی بۆ بکات.

غۆنێن سێغێڤ، تەمەن 62 ساڵ، لە نێوان هەردوو ساڵی 1995 و 1996 وەزیری وزە و ژێرخانی ئیسرائیل لە حکومەتی ئیسحاق ڕابین بوو.

بەپـێی دەزگای زانیاری ئیسرائیل (شین بێت) غۆنێن لەوەتای ساڵی 2012 کە لە وڵاتی نەیجیریا نیشتەجێ بووبوو، زانیاری لە بارەی کەرتی وزە و شوێنی دەزگا ئاسایشیـیەکان و کاربەدەستانی ئاسایشی و سیاسی ئیسرائیلی بە ئێرانیـیەکان دابوو. مانگی پـێنجی ساڵی 2018 لە فڕۆکەخانەی بن گوریونی تەل ئەڤیڤ دەسـتگیرکرا و لە مانگی حەوت کەیسەکەی ئاشکراکرا.

جێی ئاماژەیە غۆنێن سێغێڤ پـزیشک بووە و ساڵی 1992 بوو بە پەرلەمانتار و ساڵی 2003 لە لایەن دادگایەکی ئیسرائیلەوە بڕیاری زیندانی یەک ساڵ درا بە تاوانی هەوڵی فرتوفێڵکردن، بەڵام جێبەجێکردنەکەی ڕاگیرا، هەتا دواتر 5 ساڵ زیندانی کرا بە تۆمەتی بازرگانیکردن بە حەبی هۆشبەر.

بڕیارە لە 11 ی مانگی دوو دادگایەکی ئیسرائیل بڕیاری زیندانیکردنەکەی بۆ دەربکات.

 

voa





ئەم هەواڵە 5218جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad