English | عربی | Kurdî دواهەواڵ
ڕاستەوخۆ  
 
رۆژئاڤا و تویتێن دونالد ترامپی
2019-01-14 [01:34 AM]

نڤیسینا : ئاشتی فەتحی بێسفکی


پشتى بەلاڤكرنا تویتەكى ژلایێ سەروكێ ویلایەتێن ئێكگرتى یێن ئەمریكا ڤه (دونالد ترامپ)ل ١٩ى كانونا ئێكێ یا سالا ٢٠١٨ سەبارەت بریارا بلەز ڤه كێشانا هێزێن ئەمریكا ل وەلاتێ سوریا گەنگەشەیێن مەزن لدویڤ خوه هێلان ، ئەڤ بریاره بو جهێ نەرازیبونا زوربەیا بەرپرسێن ئەمریكى ژبەركو بێ راوێژكاریا شیرەتكارێن كوچكا سپى ئەڤ بریاره هاته دان و بو ئەگەر كو گەلەك ژبەرپرسێن ئەمریكى دەست ژكاركێشانا خو رابگەهینن ، ژ وان كەسێن گرنگ یێ دەست ژكاركێشاى بەرێز (جێمس ماتیس) وەزیرێ بەرگریا ئەمریكى كو د ناما خو دا ئاماژه كر بوو (ئه و ل دژى ڤەكێشانا هێزێن ئەمریكى یه ل وەلاتێ سوریا و یا پێدڤى یه ئەمریكا سه رەدەریەکا ژ هەژى دگەل هەڤپەیمانێن خو بكەت ) كو ئاماژه كرنه ب كوردێن روژ ئاڤا ، به لێ دەست ژ كاركێشانا وان هەمى بەرپرسێن ئەمریكى نەبوو ئەگەر كو (دونالد ترامپ) ژ بریارا خو پاشگەز بیت.
دەڤەرا "منبج" خالا ستراتیژى یه كو بویه ئەگەرێ هەڤركیا دناڤبەرا كوردێن روژئاڤا و وەلاتێ توركیا ، "منبج" دكەڤیته باكورێ روژهەلاتێ حەلەبێ ، كو روژئاڤایێ كوردستانێ ب حەلەبێ ڤه گرێدەت ، منبج ٣٠ كم ژ سنورێ توركیا دویره ، ئارمانجا توركیا ئاوه هێرشى ئەڤێ دەڤەرێ بكەت و دەمارا ئابوورى یا كوردێن روژئاڤا ببریت ، دیسان گرنگیا منبج خالا سەرەكى یه ژ روژئاڤا فوراتى تاكو دگەهیته روژهەلاتا فوراتى ، هەر چەنده بەرێز (جون بولتن ) راوێژكارێ ئاسایشا نەتەوەیى یا ئەمریكا هوشیارى دایه توركیا كو كوردێن روژئاڤا پاراستن لێ بهێته كرن بەلێ ئەڤ چەنده چ گرەنتیان ب كوردێن روژئاڤا نادەت ، ژبەركو ل سالا ١٩٧٤ دەما وەزیرێ دەرڤەیێ ئەمریكا (هێنرى كێسینجه ر ) سەرەدانا توركیا كرى و داخاز ژێ كرى كو هێرشى (قبرص) نەکەتن ژبەركو (توركیا - یونان) هەردوو ژبو ئەمریكا د گرنگن و ئەندامن ل ناتویێ دا ، هەر چەنده توركیا سوز دابو ئەمریكا كو هێرشى قبرص نەکەت بەلێ پاشان هێرش كره سەر قبرص ، لەوران دنوكەدا مەترسیا هێرشكرنا توركیا بو دەڤەرا "منبج" بەردەوامى هەیه ، قوناغا پشتى ڤەكێشانا هێزێن ئەمریكى مەترسیێن مەزن لدور سوریا دهێنه پێش ، لدیڤ راپورتەكا پنتاگون زێدەتر ژ ١٤٥٠٠ چەکدارێن داعش ل عیراق و سوریا دا هەنه هەروەسان ڤەكێشانا هێزێن ئەمریكى رولێ روسیا و ئیرانێ ل سوریا بهێزتر دكەت ، ئەمریكا ژى ژبەركو ناخازیت توركیا بچیته بەرەیەکێ روسیا و ئیران و چینێ و ناخازیت توركیا چەکى ژ روسیا بكریت نەچاره ئەڤ بریارا ڤەكێشانا هێزێن خوەداى ، ژبەركو توركیا وەلاتەکێ هەرێمایەتى یێ گەلەك گرنگه بو هەڤپەیمانیا ئەمریكى روژئاڤا ، لەوران ب دیتنا من د قوناغێن داهاتى دا ئەركێ كوردان دێ ژ هەمى لایەنێن دیتر سەخت و دژوارتر بیت ، باشترین بژارده لبەر كوردێن روژئاڤا رێكەفتنه دگەل رژێما سوریا ژ پێخەمەت كێمترین زیان و رەنگه ببیته دەسپێكەکا باش ژبو خورتكرنا پەیوەندیێن كوردێن روژئاڤا و دیمەشقێ دا ، ئه ڤ بارودوخێ نوكه یێ كوردێن روژئاڤا  هاتیه پێش ژ ئەنجامێ سیاسەتەكا نه دروست بویه ، له وران باشترین بژارده ژبو كوردێن روژئاڤا ئەگەر بخازن سیاسەتێ بكەن و بمینن نابیت ب خەیالێن وەلاتێن زولهێز خەونا دروست بكەن ، باشترین رێك و چارەسەرى د ئێكگرتنا نافخوى دایه و حساب كرن بو هاوكێشه یێن هەرێمایەتى و نیڤدەولەتى یه .





ئەم هەواڵە 6709جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad