English | عربی | Kurdî دواهەواڵ
ڕاستەوخۆ  
 
چۆن پێناسەی خۆمان بکەینەوە؟
2019-01-20 [01:37 AM]

نووسینی: هاودەنگ فاروق


قۆناغی ئەمڕۆی کوردستان پێویستی بە خۆدەرخستن و دەستەواژەی بریقەدار و سۆزداریی نییە و نەما، بۆ گەڵاڵەکردنی ڕوانگایەکی سەردەمیانەی دوورمەودای ئایندە، پێویستمان بە بونیادنانی مادی مرۆڤایەتی و دروستکردنی بنەماو پرەنسیپەکانی نەتەوەو گەشەپێدانی فکری تاک هەیە، پێویستمان بە داڕشتنەوەی بەرنامەیەکی هەمەلایەنەی فکری و هۆشیاریی و دەرسێکی نوێی ژیان هەیە.
لە ڕوانگایەکی بەراوردکاریدا، تێدەگەم کە ئێمە ناتوانین بەو ئاسانییە لە چارەنووس و مێژووی خۆمان هەڵبێین، لە بەر ئەوەی ڕابردوو، زوو بێت یا درەنگ، پێمان ڕادەگات و بە سانایی دەستبەردارمان نابێت، بۆیە سیاسەتی هەڵاتن لە رابردووو بازدانی گەورە بۆ پێشەوە، بەرەو سەرکێشییەکان چارەسەر نییە، بەڵکو چارەسەر ئەوەیە، لە سەرخۆ ڕووبەڕوویی پاشاگەردانی و کێشە هەڵواسراوەکان، دوواکەوتوییە مێژووییەکان، دەردو دەرگا داخراوەکان ببینەوە، هەرچەندە درێژە بکێشێت، دەبێ ڕووبەڕووی ئاستەنگەکانی پەروەردەی کۆمەڵایەتی، بنیادنانی کەسایەتی نەتەوەیی ببینەوە، گیانی خۆشەویستی،ئاشتی، پێکەوژیان و دایالۆگ، ڕێزی راستەقینەی خود ونەتەوەو خاك قوڵتر بکەینەوە.
پێویستمان بە خوێندنەوەی ورد، هەڵسەنگاندن و بەراوردکاری شایستەی ڕابردوو هەیە، تا بتوانین ئێستاو داهاتومانی پێ لە تەرازوو بدەین، چەندی بکرێت، تا ئەو پەڕی تواناوە ڕۆشن و پێشکەوتوتریان بکەین، پێویستمان بە پیداگرتنی خود و چاکسازی ناخ و عەقڵی تاک بە تاکی خۆمان هەیە، پێویستیمان بە خۆگونجاندن وگەشەپێدانی زمان و شارستانیەتمان، تێگەیشتنمان بۆ چەمکی هاووڵاتی و عەدالەتی کۆمەڵایتەتی هەیە، بۆ ئەوەی نەتەوەیەکی نوێ لە نیشتمانێکی نوێ، بنیاد بنێین.
کێشەکانی کوردستان بە قودرەتی قادر چارەسەر نابن، بەڵکو پرۆسەیەکی ئاڵۆزو درێژخایەنن، هەندێ دەردی کۆمەڵایەتیمان هەیە، هەندێ نەخۆشی دەروونیمان هەیە، وەک مۆرانە بە ناخماندا ڕۆچوون، کێشەی بنیادنانی فکرو هۆشیاریی و ئینتیمامان هەیە، گرفتی جیهانبینیمان بۆ سیستەمی ئیدارەدانی ئەو قەوارە سیاسییەمان هەیە . . بۆ ئەوەی ڕێ لە کێشەکانی داهاتوو بگیرێن، بۆ ئەوەی گەورەتر و ئاڵۆزتر دەبن و ناخی کۆمەڵگە کلۆر نەکەن، ئەم قۆناغە پێویستی بەوە هەیە: جارێکی دیکە بە هەموو لایەنە سیاسی، کۆمەڵایەتی ئابووری، دیموگرافی و جوگرافی و نەتەوەییەکانی خۆماندا بچینەوە، پێناسەی ڕاستەقینەی سەردەمیانە لە هەموو ڕویەکەوە بۆ خۆمان بکەینەوە، لێرەوە دەتوانین بە دوای مانای بەهای مرۆڤایەتیبوون و شووناسێکی نەتەوەیی و دەوڵەتداری خۆمان بگەڕێین.

 





ئەم هەواڵە 6601جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad