English | عربی | Kurdî دواهەواڵ
ڕاستەوخۆ  
 
ووتارەكەی ماكگۆرگ
2019-01-20 [01:37 AM]

نووسینی: ئاریان فه‌ره‌ج


ماكگۆرگ، نوێنەری پێشووی سەرۆكی ئەمریكا بۆ هاوپەیمانیی شەڕی داعش، لە ووتارێكدا لە واشنتۆن پۆست، بڕیارەكەی ترەمپ سەبارەت كشانەوە لە سوریا، بە نائومێدكردنی شەریك و هاوپەیمانانی ووڵاتەكەی و بەخشینی ژیانێكی نوێ بە داعش لەقەڵەم دەدات. دەشڵێ ئەو بڕیارە نامەدروس و لەناكاوە، لەبەردەم ووڵاتانی عەرەب و تەنانەت كوردانی سوریاشدا دەرەتانێكی نەهێشتەوە جگە لە ئاوەڕدانەوە لە دیمەشق وەك تاكە رێگرییەك لە زیابوونی هەژمونی توركیا و ئیران و روسیا لەو ووڵاتەدا. 
لە راستیدا ئەوەی ماكگۆرگ دەیڵێ نەك هەر بە مەزەندەی عەقڵ راست و دروستە، بەڵكو لە واقیعیشدا بەرجەستەبوونی دەبینرێت و ئەوەتا رۆژئاڤا روویان لە دانوستانە لەگەڵ دیمەشق و ووڵاتانی عەرەبییش تاوتوێی گەڕانەوە و قبوڵكردنەوەی حكومەتی سوریا دەكەن لە نێو كۆمكاری عەرەبیدا و دوێنێ لوبنان بە راشكاوی ئەو پێشنیاروی خستەروو. سەبارەت داعشیش مەعلومە كە كۆتاییهێنان بەشەڕی نێودەوڵەتی لە دژیان، دەیانبوژێنێتەوە و لە مەرگ و لەنێوچونی یەكجارییان قورتار دەكات. 
بەڵام ئەوەی جێی سەرنجە، هەر ئەو ماگۆرگەی كە لەم ووتارەدا جەنگاوەرانی كورد بە شەریكی راستگۆی ئەمریكا دەزانێ و بە بایەخەوە باس لە قوربانییە بەنرخەكانیان دەكات و بەجێهێشتنیان لەبەردەم هێزە ئیقلیمییەكان بە بێوەفایی و بێ بەڵێنی دەزانێ، هەر خودی خۆی عەراببی بەجێهێشتنی پێشمەرگەی شەریكی ئەمریكا بوو لەبەردەم لەشكركێشی و شاڵاوی ئەو هێزە ئیقلیمیانەدا كە بە ناحەز و دوژمنی ئەمریكا ناویان دەبات. 
بەر لەوەی ترامپ بە تویتێكی نامەسئولانە، چارەنوسی شەڕڤانان و گەلی كوردی رۆژئاڤا لە تەنیاییدا بخاتە بەردەم چارەنوسێكی نادیار، خودی ماكگۆرگ پێشی كەوت و چاوپۆش بوو لەوەی هەمان چارەنوس بە سەر پێشمەرگەدا بێت، تەنیا لەبەرئەوەی پشتی ریفراندۆمێكی دیموكراتیانەی گەلی خۆیان گرت. تا ( ئەبرامز)ەكەش نەشكا، خۆی و هاوهەڵوێستەكانی نەیانهێشت ئاشكرا بێت كە چەكەكانی ئەمریكا لە دەستی كێدان و چۆن دژی بەرژەوەندی ئەمریكا بەكاردێن. خۆ ئەگەر مقاوەمەت و بەرگریی پێشمەرگە بەو ئاستە نەبوایە كە هاوكێشەكانی لەسەر زەوی گۆڕی، رەنگ بێت ئەو چاوپۆشی و پشتتێكردنە، قەوارەیەكی بە ناوی كوردستان نەهێشتبایە كە ئێستا هەر خودی خۆیان داوا دەكەن بەهێز بێت و بەهێزبوونی لەبەرژەوەندی خۆیان دەبینن.





ئەم هەواڵە 6403جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad