English | عربی | Kurdî دواهەواڵ
ڕاستەوخۆ  
 
بریارەکا ھەژی ، بۆ پێئێخستنا ئاستێ پەروەردە و خواندنێ
2019-01-20 [01:42 AM]

نڤیسینا : غیاس خالد زێباری


لسەر دەستێ نێچیرڤان بارزانی سەرۆکێ حکومەتا ھەرێما کوردستانێ ، ھەمی کەرتان پێشڤەچوون و ڤەژاندن بخۆڤە دیتیە ، ھەر ل بووارێن ئاڤەدانیێ و پەیوەندیێن نیڤ دەولەتی و ھەرێمایەتی ، و ئابووری و ئێکرێزیێ و لایەنێ، جڤاکی و ساخلەمی و پەروەردەیی . 
راستە قەیرانێن دەستکرد دژی ھەرێما کوردستانێ و حکومەتا ھەرێمێ یێن ناڤخۆیی و دەرەکی ، ئاستەنگ درۆست کرن . لێ ب سیاسەتا سەرکەفتیا سەرۆکێ حکومەتێ ئەڤ قەیرانە دەرباز بوون و بەرەڤ چارەسەریێن بنەڕەتی دچیت ، و لسەر دەستێ جەنابێ وی ئاسۆیێن گەش بۆ بھێزکرنا کوردستانێ دیار بوونە .
دڤان ساڵێن قەیرانان دا کاریگەری لسەر کەرتێ خاندن و پەروەردەیی ژی کریە و راگرتنا دامەزراندنێن دەرچوویێن ئێکێ و دوویێ و سیێ یێن زانکۆیان ، تا دلگرانی نە تنێ بۆ ڤان قوتابیێن سەرکەفتی درۆست کر بوو ، لێ کاریگەری بسەر تەڤایا پرۆستا خاندنێ و زانستێ ل ھەرێما کوردستانێ کربوو . 
بریارا نێچیرڤان بارزانی سەرۆکێ حکومەتا ھەرێما کوردستانێ بۆ دامەزراندنا قوتابیێن سەرکەفتی یێن زانکۆیان ، نیشانێن خەمخۆری و گرنگیدانا جەنابێ وی یە بڤی کەرتێ گرنگ و کاریگەر لسەر جڤاکی و وەلاتی ، ژبلی کۆ دڤان کاودانان دا بڤێ بریارێ ( ١٣٠٠ ) قوتابێن سەرکەفتی دێ ھێنە دامەزراندن و گەھنە ھیڤیێن خۆ ، دێ کاریگەری لسەر رەوشا ئابووری و بازای ھەربیت ، کاریگەریەکا ئەرێنی دێ لسەر پرۆسا خاندنێ و پەروەردێ ب گشتی کەت  چونکی ھەڤڕکی دێ دناڤبەرا قوتابیان دا ھەبیت بۆ بدەستڤەئینانا پلێن پێشیێ . 
ئەڤ ھەڤرکیەژی دیسان گاڤەکا ئەرێنی یە بۆ بلندکرنا ئاستێ پەروەردەیی و زانستی ل ھەرێما کوردستانێ و کەسایەتیا تاکێ قوتابی ، لدەمێ دامەزراندنێ دێ رۆلەکا باشتر بۆ خزمەتێن گشتی د ئەرکێن خۆدا بینن د کەرتێن حکومی دا لدەمێ دامەزراندنێ چونکی شیانێن وان دێ زێدەتر بن . 
ژلایەکێ دی پابەندبوونا قوتابی ب گەل و وەلاتی و پرنسیپێن نەتەوی و نشتیمانی دێ بھێزتر و موکۆمتر بن .
لسەر ئاستێ خێزانێ ژی دایک و باب دێ گرنگیەکا پتر ب زاروویێن خۆ یێن قوتابی دەن داکو بەردەوامیێ ب خاندنێ بدەن و پلەیێن باش بدەستڤە بینن ، داکۆ پاشەرۆژەکا گەش بۆ بھێتە دابینکرن .
برەنگەکێ گشتی ئەڤ بریارا جەنابێ سەرۆکێ حکومەتێ دڤان کاودانان دا ، بریارەکا فرە ڕەھندی یە .
ڕەھندێن سیاسی و ئابووری و کارگێری و جڤاکی و پەروەردەیی ھەنە ، ژلایێ سیاسی خۆراگریێ نیشان ددەت بەرامبەر پیلانێن دوژمن و داگیرکارا ، ژلایێ ئابووری فاکتەرێن دووماھی ئینانا وان قەیرانایە ئەوێن لسەر حکومەتا ھەرێما کوردستانێ ھاتینە سەپاندن و گەشەپێدانێ نە ، ژلایێ کارگێری ژی ئەڤ کەسانێن خودان شیان دێ زێدەتر رۆلێ خۆ د رێڤەبرنا ئەرکێن رۆژانە یێن فەرمانگەھان دا بینن برەنگەکێ سەرکەفتی و سەردەمیانە ، بۆ پەروەردەو خاندنێ ژی ھایدارکرنا ماڵباتێن قوتابیانە کۆ زێدەتر گرنگیێ ب زارۆیێن خۆ بدەن و ل خاندنێ دوورنەکەڤن و پاشەرۆژا وان ب خاندنێ بەرجەستە و دابین دبیت ، ئالیێ جڤاکی ژی (١٣٠٠) گەنجێن خاندەڤان و بێ کار ب دامەزراندنێ ئاریشێن جڤاکی و خێزانی دێ کێمتر کەن و باوەریا خەلکێ کوردستانێ ژی ب حکومەتا ھەرێما کوردستانێ دێ زێدەتر بیت و نیشانێ خەمخۆریا سەرۆکێ     حکومەتا ھەرێما کوردستانێ یە بۆ چارەسەرکرنا ئاریشێن خەلکی و پێشڤەچوونێن جڤاکێ کوردستانێ و خۆ ب خودان زانین ل پێتڤی و داخازیێن خەلکی  .





ئەم هەواڵە 6622جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad