English | عربی | Kurdî دواهەواڵ
ڕاستەوخۆ  
 
كوردی‮ ‬رۆژئاوا لە دیدارەكانی‮ ‬سەرۆك بارزانیدا
2019-01-20 [01:43 AM]

نووسینی: دڵشاد مسته‌فا وه‌سانی


لە دوو هەفتەی‮ ‬یەكەمی‮ ‬ساڵی‮ ‬نوێی2019 دا،‮ ‬وەزیری‮ ‬دەرەوەی‮ ‬دوو دەوڵەتی‮ ‬ئەندامی‮ ‬هەمیشەیی‮ ‬ئەنجوومەنی‮ ‬ئاسایشی‮ ‬نێودەوڵەتی‮ ‬و دەوڵەتێكی‮ ‬ئیقلیمی‮ ‬سەردانی‮ ‬هەولێریان كرد،‮ ‬ئەمەش ئەوەی‮ ‬لێ دەخوێندرێتەوە،‮ ‬كە هەرێمی‮ ‬كوردستان لە دیدی‮ ‬ئەو دەوڵەتانە پێگەیەكی‮ ‬گرنگی‮ ‬هەیە،‮ ‬بەتایبەتیش كە ئێستا ناكۆكیی‮ ‬ئەمەریكا و ئێران لەوپەڕیدایە،‮ ‬گەمارۆكانی‮ ‬واشنتۆن بۆ سەر ئێران،‮ ‬كاریگەرییەكانی‮ ‬دەركەوتووە،‮ ‬هاتنی‮ ‬وەزیری‮ ‬دەرەوەی‮ ‬فەرەنساش بە دەوری‮ ‬خۆی‮ ‬بەگرنگ پیشاندانی‮ ‬پێگەی‮ ‬هەرێمی‮ ‬كوردستانە لە عێراق و ناوچەكەدا‮.‬

ئەوەی‮ ‬لە دیدارەكانی‮ ‬سەرۆك مەسعود بارزانی‮ ‬لەگەڵ هەرسێ وەزیری‮ ‬دەرەوەدا تێبینی‮ ‬كرا،‮ ‬مەسەلەی‮ ‬كوردی‮ ‬رۆژئاوا بوو،‮ ‬چونكە هەرسێ دەوڵەت كە وەزیری‮ ‬دەرەوەیان هاتنە هەولێر،‮ ‬پەیوەندییان بە بارودۆخی‮ ‬كوردی‮ ‬سوریاوە هەیە،‮ ‬نیگەرانییەكانی‮ ‬كورد دوای‮ ‬لێدوانی‮ ‬دۆناڵد ترامپ سەرۆكی‮ ‬ئەمەریكا لە‮ ‬19ی‮ ‬12ی‮ ‬2018 ‮ ‬هات و زیاتر دەركەوت كە گووتی‮ ‬لە سوریا دەكشێینەوە،‮ ‬دوای‮ ‬ئەو لێدوانە،‮ ‬كوردی‮ ‬هەموو پارچەكانی‮ ‬كوردستان،‮ ‬ترسی‮ ‬ئەوەیان هەیە،‮ ‬ئاخۆ تراژیدیای‮ ‬كوردانی‮ ‬رۆژئاوای‮ ‬كوردستان دەبێتە دیمەنی‮ ‬هەرە ترسناكی2019 ؟

سەرۆك بارزانی‮ ‬نیگەرانیی‮ ‬كوردی‮ ‬لەبارەی‮ ‬ئاییندەی‮ ‬كوردی‮ ‬سوریا كردە بابەتی‮ ‬دیدارە گرنگەكانی‮ ‬لەگەڵ هەرسێ وەزیری‮ ‬دەرەوە،‮ ‬رۆژی‮ ‬9ی‮ ‬كانوونی‮ ‬دووەمی2019 ‮ ‬كاتێ لەگەڵ مایك پۆمپیۆ وەزیری‮ ‬دەرەوەی‮ ‬ئەمەریكا كۆبووەوە،‮ ‬جگە لە مەسەلەی‮ ‬پەیوەندییەكانی‮ ‬هەولێر و بەغدا و پرسی‮ ‬دیكە،‮ ‬نیگەرانیی‮ ‬خۆی‮ ‬لەبارەی‮ ‬چارەنووسی‮ ‬گەلی‮ ‬كورد لە سوریا راگەیاند و داوای‮ ‬كرد كە گۆڕانكاری‮ ‬و پێشهاتە تازەكان نەبنە هۆی‮ ‬ئەوەی‮ ‬گەلی‮ ‬كورد لە سوریا چیتر تووشی‮ ‬ئازار و زیان ببێت،‮ ‬رۆژی‮ ‬15ی‮ ‬كانوونی‮ ‬دووەمی2019 ‮ ‬لەگەڵ ژان ئیڤ لودریان وەزیری‮ ‬دەرەوەی‮ ‬فەرەنسا كۆبووەوە،‮ ‬لە بارەی‮ ‬چارەنووسی‮ ‬گەلی‮ ‬كورد لە سوریا هەردوولا نیگەرانییەكانی‮ ‬خۆیان راگەیاند،‮ ‬سەرۆك بارزانی‮ ‬بۆچوون و پێشنییازەكانی‮ ‬خۆی‮ ‬بۆ وەزیری‮ ‬دەرەوەی‮ ‬فەرەنسا خستەڕوو،‮ ‬هەر لە‮ ‬15ی‮ ‬كانوونی‮ ‬دووەمی‮ ‬2019 ‮ ‬لەگەڵ محەمەد جەواد زەریف وەزیری‮ ‬دەرەوەی‮ ‬كۆماری‮ ‬ئیسلامی‮ ‬ئێران كۆبووەوە،‮ ‬لە بەشێكی‮ ‬ئەو كۆبوونەوەیەدا سەرۆك بارزانی‮ ‬بۆچوون و نیگەرانییەكانی‮ ‬خۆی‮ ‬لەمەڕ‮ ‬ئاییندەی‮ ‬گەلی‮ ‬كورد لە سوریا بە وەزیری‮ ‬دەرەوەی‮ ‬كۆماری‮ ‬ئیسلامی‮ ‬ئێران گەیاند‮.‬

سەرۆك بارزانی‮ ‬لە دیدارەكانیدا،‮ ‬هاتنی‮ ‬وەزیری‮ ‬دەرەوەی‮ ‬هەرسێ دەوڵەتی‮ ‬بۆ باسكردنی‮ ‬چارەنووسی‮ ‬گەلی‮ ‬كورد لە سوریا قۆستەوە،‮ ‬بەو پێیەی‮ ‬واشنتۆن و پاریس وەك دوو ئەندامی‮ ‬هەمیشەیی‮ ‬ئەنجوومەنی‮ ‬ئاسایشی‮ ‬نێودەوڵەتی‮ ‬و‮ ‬تارانیش كە لە سوریا بەكاریگەرییەكی‮ ‬زۆرەوە ئامادەیی‮ ‬هەیە،‮ ‬ئەم جەختكردنەوەیەی‮ ‬سەرۆك بارزانی‮ ‬لەسەر پرسی‮ ‬كورد لە سوریا،‮ ‬لە دیدێكی‮ ‬واقیعی‮ ‬و پرسێكی‮ ‬مێژوویی‮ ‬هەڵقووڵاوە،‮ ‬ئەگەر بڕیاربێ ئەو سێ ناوەندەی‮ ‬بڕیار،‮ ‬گوێ لە هێز و لایەنەكان بۆ پرسی‮ ‬كوردی‮ ‬سوریا بگرن،‮ ‬ئەوا سەرۆك بارزانی‮ ‬ئەو مەرجەعەیە كە گوێی‮ ‬لێدەگیرێ،‮ ‬راستە سەرۆك بارزانی‮ ‬سەرۆكی‮ ‬هەرێم نییە،‮ ‬بەڵام ناوەندە گرنگەكانی‮ ‬بڕیار لە جیهان و ناوچەكەدا،‮ ‬تێڕوانین و بۆچوونی‮ ‬ئەویان‮ ‬بەلاوە گرنگە‮.‬





ئەم هەواڵە 1174جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad