English | عربی | Kurdî دواهەواڵ
ڕاستەوخۆ  
 
ھەرێم و پەیوەندیێن ئابووری
2019-01-24 [03:31 AM]

نڤیسینا : غیاس خالد زێباری


لڤی سەردەمی ئابوور و پەیوەندی ستوونێن سەرەکیێن سیاسەتێ نە ، بەرژەوەندێن ئابووری پشتەڤانیا سیاسی دابین دکەن ، لەوما گرنگە کەسێن دەسھەلاتدار د ھۆنەرێ سیاسەتا ئابووری دا د شەھرەزا بن دا کۆبشێن ڤەژاندنێ ل وەلاتی دا بکەت و بەرژەوەندێن سیاسی ژی پێ دابین بکەن و بپارێزن .
پشتی خیانەتا شازدێ ئکتۆبەرا سالا ٢٠١٧ و کارڤەدانێن پشتی وێ دوژمن و زۆر دوستێن کورد وەسا ھزر دکر ژ بلی قەیرانا سیاسی و دبلۆماسی ھەرێما کوردستانێ دێ کەڤیتە د قەیرانەکا دژوار و دووم درێژا ئابووری دا ، چونکی وەلاتێن ھەرێمی نەخاسمە یێن جیرانێن ھەرێمێ پەیوەندیێن ئابووری دگەل ھەرێما کوردستانێ دێ بڕن ، داکۆ کاریگەریێ لسەر رەوشا سیاسی و نافخۆ ژی بکەت . 
لێ سیاسەتا ئابووری یا نێچیرڤان بارزانی سەرۆکێ حکومەتا ھەرێما کوردستانێ لدەمەکێ کورت دا بۆچوون و بەرێکڤەدانێن زۆر شرۆڤەکاران بەرۆڤاژی کرن و پەیوەندیێن ئابووری و بازرگانی دناڤبەرا ھەرێمێ و وەلاتان خورتر کرن نەخاسمە دگەل تورکیا و ئیرانێ . 
ھاتنا شاندەکێ بلندێ ئابووری و بازرگانیا ئیرانێ ب سەرۆکاتیا وەزیرێ دەرڤە بۆ ھەرێما کوردستانێ باشترین بەلگەیە لسەر سیاسەتا سەرکەفتیا حکومەتا ھەرێما کوردستانێ د وارێ ئابووری و بازرگانی دا و کۆمبوونێن وان دگەل سەرۆکێ حکومەتێ نیشانێن بەرەڤ باشتر برنا ڤان پەیوەندیانە و دێ خزمەتەکا یا ھەمە لایەنی ھەبیت و کاریگەریەکا باش لسەر ڤەژاندنا ئابوورێ کوردستانێ کەت . 
قەبارێ ئاڵوگۆریا بازرگانیا ل ھەرسێ دەرگەھێن فەرمی یێن دناڤبەرا ھەرێمێ و ئیرانێ نھۆ سالانە گەھشتیە زێدەتر ل پێنج ملیار دۆلاران و ئەڤەژی ئاستەکێ بلندە و پشتی ڤێ سەرەدانێ دبیت زێدەتر ببیت . 
پەیڤا محمد جەواد زەریف وەزیرێ دەرڤە یێ ئیرانێ دەمێ گۆتی پەیوەندیێن ھەرێمێ و ئیرانێ ب چ کەس و لایەنان ناھێنە بڕین ، نیشانێ ھندێ یە سیاسەتا ئابووری یا سەرۆکێ حکومەتا ھەرێما کوردستانێ شیایە بکەڤیتە د خزمەتا ڤەژاندنا ئابوورێ ھەرێمێ و دێ کاریگەریێن ئەرێنی ژی لسەر پەیوەندیێن سیاسی ژی ھەبن .
ئەڤەژی گاڤەکا گرنگ و پێتڤی یە چونکی مە سنوورەکێ بەرڤرەھ دگەل ئیرانێ ھەیە و ھەردەم پێتڤی پێک ھەیە و رۆلێ ئیرانێ ژی رۆلەکێ ھەرە کاریگەرە ل دەڤەرێ نەخاسمە لسەر سیاسەت و ئابوورێ عیراقێ ، بەردەوام بوون و خورتکرنا ڤان پەیوەندیان فاکتەرن کۆ پەیوەندیێن ھەرێمێ و عیراقێ ژی بەرەڤ باشتر بوونێ بچن و دبیت وەلاتێن دیتر ژی چاڤ لڤان پەیوەندیا بکەن و بوی ڕەنگی بەرێ خۆ بدەنە ھەرێما کوردستانێ . 
بڤی رەنگی ھەرێما کوردستانێ دێ بیتە بنگەھەکێ مەزن و بەرفرەھ یێ ئابووری و بازرگانی ، ئەڤەژی د بەرژەوەندا خەلکێ کوردستانێ دایە ژلایێ ئابووری و سیاسی و ئێمناھیێ .  
ژلایەکێ دیتر ئەڤ شلخێن سەرەدانێن بەرپرس و رایەدارێن سیاسی و ئابووری یێن وەلاتان بۆ ھەرێما کوردستانێ دڤی دەمی دا ، نیشانێن پشتەڤانیا وانە بۆ ھەرێما کوردستانێ . 
دیارە نێچیرڤان بارزانی کاندیدێ پارتی دیموکراتی کوردستان بۆ سەرۆکاتیا ھەرێمێ بشتەڤانیەکا نیڤ دەولەتی و ھەرێمایەتی ھەیە و ھەرێم ب سەرۆکاتیا جەنابێ وی دێ قۆناغێن باشتر بڕیت و درۆشمێ پارتی ( ئاڤاکرنا کوردستانەکا بھێز ) دێ کەتە کریار و ژلایێ سیاسی و ئابووری و دەسکەفتێن مەزنتر دێ بدەستڤە ھێن ، ئەڤەژی ھیڤیا خەلکێ کوردستانێ یە .





ئەم هەواڵە 7423جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad