English | عربی | Kurdî دواهەواڵ
ڕاستەوخۆ  
 
ھەبوونا پەکەکێ و تورکیا ل ھەڕێما کوردستانێ وەکی ئێکە بێ جوادھی ..!!
2019-01-29 [04:19 AM]

نڤیسینا: دلــۆڤــان ئــەمــجــەد بـــارزانــی



ھەبوونا پەکەکێ و سەربازگەھێن تورکیا  ل سەر ئاخا ھەڕێما کوردستانێ  رێك و ژیانا ناڤچەیێن نێزیك سنورا و جێھن ئەڤە لێ ھەی یا ئێخستیە د مەترسیێ دا ، ھەتا وی رادەی خەلك نەشێن قەستا جھ و گوند و رەز و باغێن خوە بکەن .
رۆژانە دەنگوباسێن نەخوەش و دلتەزینێن دگەھنە گۆھێن مە کو ب ئەگەرێن تۆپ بارانکرن و لێدانا فروکەیێن تورکیا  ل سەر پەکەکێ  خەلکێ سڤیلێ ھەڕێما کوردستانێ دبنە قوربانی ، باشترین نموونە ژی ئەڤ چەند رۆژێن چوویی کو ل دێرەلوکێ چەند گەنجەکێن بێ گونەھ شەھید کەفتن ، پشتی ھنگی ژی کو خەلکێ  دێرەلوك و شێلادزێ و سیریێ و ناڤچەیێن دەوروبەر  خوپیشاندانەك ئەنجام دای ل دژی  حکومەتا تورکیا و پەکەکێ  دڤێ خوپیشاندانێ دا ھاتنە شەرموزار کرن و بارەگا و سەربازگەھێن وان یێن ل سیریێ دا ھاتنە خراپکرن و سووتاندن دڤێ خوپیشاندانێ ژی دا چەند کەسەك  بوونە  قوربانی .
 ب راستی ژی ھەبوونا پەکەکێ و سەربازگەھێن تورکیا  ل ھەڕێما کوردستانێ  چ جوادھی نینە وەکی ئێکن  .
ــ ئەرێ  پەکەکێ چ ل ھەڕێما کوردستانێ دڤێت .؟
ــ ئەرێ  پەکەکێ کوردستانا باکوور ئازاد کریە ..؟
ــ ئەرێ ھەڕێما کوردستانێ پێدڤی ب پەکەکێ ھەیە ..؟
ــ ئەرێ بۆچی پەکەکە ناچیت شەری ل کوردستانا باکوور بکەت .؟

گەلەك پسیارێن دژی یێن ھەین کو یێت بۆیە جھێ گۆمانێ بو خەلکێ ھەڕێما کوردستانێ کا شولا پەکەکێ ل ڤێرە چی یە .

راستە ئەم ھەمی کورد ئێکین و براینە ل ھەر جھەکێ لێ بن بێ جوادھی  ، لێ ئەم خەلکێ ھەڕێما کوردستانێ ب برایانە یێ داخازێ ل پارتا کارکەرێن کوردستانێ  پەکەکێ  دکەین کو ل ھەڕێما کوردستانێ دەرکەڤیت و بچیت ل جھێن خوە شەری  بکەن و ئازاد بکەن ھەڕێمێ چ پێدڤی ب پەکەکێ نینە بخوە یا ئازاد کریە لێ کوردستانا باکوور  یا دمەترسیێ دا و لبن دەستێ تورکیا دا ھین ھەرن ماردین و دیاربەکر و ئورفا و ئەدەنە و جزیرێ و گەلەك جھێن دی یێن خوە  ئازاد بکەن ، بەلا خوە ژ کوردستانا من ببەن ژ ئەگەرێ ھەوە ئەڤە چەندەھا گەنجێن و ھاولاتێن وەلاتێ من  دبنە قوربانی ، چەندەھا دایك جگەر سووتی بوون ئیدی بلا بەس بیت وەکی مشك و ماران  ل کون و شاخان دەرکەڤن و ھەرنە جھێ خوە شەری بکەن  ئەگەر ھین نەوێرن شەری  ل جھێن خوە دژی داگیرکەرێن تورك بکەن  دوی دەمی دا بن دەستیێ قەبیل بکەن بەس ژ ھەڕێما کوردستانێ ھەرن خەلك وە ناخازیت و پێدڤی ژی ب ھەبوونا ھەوە نینە .

ئەو بخوە پەکەکە ژی  بو ھەڕێما کوردستانێ جھێ مەترسیێ یە  ژبەر دیرۆکا کوردان کو بەری چەند  سالەکا پەکەکێ ژی شەرێ مە دکر و چەندەھا خەلکێ ھەڕێما کوردستانێ شەھید کرن ھەتا نھا ژی مە باوەری ب پەکەکێ نینە ، ھەروەسا  ئەم ژ پەکەکێ ژی دخازین ژ چیایێن مە دەرکەڤن و بچن دا خەلکێ مە ب ئازادانە بھێن و بچنە سەر جھێن خوە .

ئەگەر ئەم بێینە سەر تورکیا  ئەو ھیچ د دیرۆکا خوەدا دۆژمنێ کوردان بوویە  و غیانەت کار بوویە ل دژی کوردان ئارمانجا وان ژناڤبرنا کوردانە ل ھەر جھەکێ لێ بن ، بۆ تورکیا چ جوادھی نینە ل دەمێ ناڤچەیێن ھەڕێما کوردستانێ تۆپ باران دکەت پەکەکە بینە کۆشتن یان خەلکێ سڤیلێ ھەڕێما کوردستانێ  دەف وان وەکی ئێکە  یا گرنگ کوردن .

لەوما  سووتاندنا سەربازگەھێن تورکیا ل کومەلگەھا سیریێ  ب دەستێ خوپیشانداران کو خەلکێ ھەڕێما کوردستانێ بوون ، ئەز نابێژم سەد ژ سەدێ  باش بوو بەس پا کارەکێ خراپ ژی نەبوو ئەو د حەق بوون و حەقێ وان بوو .
لێ بەلێ دڤێت وێ ژی بزانن تورکیا بتنێ  تۆمەتبار نەبوو  پەکەکە ژی ھندی تورکیا  و ھێش زێدەتر تۆمەتبارە ، چونکێ ئەگەر پەکەکە ل ھەڕێما کوردستانێ بچیت و بچنە جھێن خوە ل سەر  ئاخا خوە شەری بکەن ئاھا د وی دەمی ژی دا تورکیا ژی نەشێت ناڤچەیێن ھەڕێما کوردستانێ تۆپ باران بکەت  لەوما  پێدڤیە بزانین کو  ھەردوو  سوچبارن ..





ئەم هەواڵە 481جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad