English | عربی | Kurdî دواهەواڵ
ڕاستەوخۆ  
 
قۆناغی دووەمی شەڕی داعش دەست پێدەکاتەوە
2019-01-30 [05:54 AM]

ZNA- ھەولێر


هاوپەیمانیی نێودەوڵەتی ئامادەکاری بۆ قۆناغی دووەمی شەڕی دژی رێکخراوی تیرۆریستی داعش، دەکات.

 

رۆژی 6-2-2019، کۆبوونەوەیەکی هاوپەیمانیی نێودەوڵەتی دژی داعش بە ئامادەبوونی 79 وڵاتی ئەندامی هاوپەیمانییەکە، لە ئەمریکا بەڕێوە دەچێت.

 

کۆبوونەوەکە بە سەرپەرشتیی مایک پۆمپیۆی وەزیری دەرەوەی ئەمریکا ئەنجام دەدرێت و تێیدا تاوتوێی چۆنێتیی شکستهێنان بە داعش بە تەواوی، دەکرێت.

 

بەپێی زانیارییە بڵاوکراوەکان، نوێنەرانی وڵاتانی ئەندام لە هاوپەیمانییەکە گفتوگۆ لە بارەی قۆناغی دووەمی شەڕی دژی داعش دەکەن، کە بریتییە لە دڵنیابوون لە سەرهەڵنەدانەوەی ئەو رێکخراوە تیرۆریستییە لەو ناوچانەی پێشتر داگیری کردبوون.

 

هاوپەیمانان هەوڵ دەدەن لەو قۆناغەدا سەقامگیریی ناوچە رزگارکراوەکان بپارێزن و هاوکاریی هێزە لۆکاڵییەکان بن لە رووبەڕووبوونەوەی بیری ئەو رێکخراوە تیرۆریستییە.

 

دوای هێرشی داعش بۆ سەر باشووری کوردستان، ژمارەیەک وڵاتی جیهان بە سەرۆکایەتیی ئەمریکا، هاوپەیمانییەکیان بۆ رووبەڕووبوونەوەی ئەو رێکخراوە تیرۆریستییە، پێک هێنا، کە هێزەکانی پێشمەرگەی کوردستان ئەندامێکی کاریگەر و بەهێزی هاوپەیمانییەکەیە.

 

لە مانگی 6ـی 2014، نزیکەی دوو هەزار چەکداری رێکخراوی تیرۆریستی داعش لە سووریاوە دزەیان کردە ناو خاکی عێراق و لە ماوەی چەند رۆژێکدا، هەرەسیان بە سوپای عێراق هێنا و زۆربەی ناوچەکانی پارێزگاکانی نەینەوا، دیالە، سەڵاحەدین و ئەنباریان داگیر کرد.





ئەم هەواڵە 6565جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad