English | عربی | Kurdî دواهەواڵ
ڕاستەوخۆ  
 
پڕۆژەی "چیرۆکی شوێنەوارەکان" دەستیپێکرد
2019-02-04 [02:09 AM]

ZNA - هەولێر


رێکخراوی کەونار پڕۆژەی "چیرۆکی شوێنەوارەکان"ـی لە کۆمەڵگەی باڵای ناحکومی راگەیاند،کە نزیک ۳٠ منداڵ تێیدا بەشداربوون و تایبەت بوو بەناساندنی شوێنەوار و کەلەپوور بە منداڵانم لەوانە قەڵای هەولێر.

لە یەکەم رۆژی پڕۆژەکەدا، مێژووی قەڵای هەولێر و دروستبوونی بۆ منداڵان خرایەڕوو، هەروەها هاوکاری منداڵان کرا بۆ کێشان وێنەی قەڵای هەولێر و بەشداربووانی خەڵاتکران.

ئامانج لە پڕۆژەکە پاراستنى زیاتری شوێنە شوێنەوارییەکانە، هەروەها بۆ بەرزکردنەوەی ئاستی هۆشیاری کۆمەڵگەیە لەبارەی شوێنەوار و کەلەپوور، بە تایبەت بۆ منداڵان، کە ئەوان نەوەی داهاتوون.

لەم چالاکییەکەدا ژمارەیەک چالاکوانی خۆبەخش بەشداربوون و پێناسەی وشەی شوێنەوار و شوێنی شوێنەوارییان، بەشێوازێکی سادە و پراکتیکی و بە بەکارهێنانی وێنە و کۆمەڵێک کەرەستەی تایبەت، بۆ منداڵان باسکرد.

پڕۆژەکە دوێنێ یەکشەممە، لە باخچەی باڵای ناحکومی لە هەولێر دەستیپێکرد و تاوەکو ٢٨ ئەم مانگە، بە پێشانگەیەک لە گەلەری شانەدەر لە پارکی شانەدەر کۆتایی دێت.

کەونار رێکخراوێکی ناحکومییە و لە 23 ئەیلوولی ٢٠١٨ دامەزاوە و "چیرۆکی شوێنەوارەکان" یەکەم پڕۆژەیەتی، لە داهاتوودا بە پڕۆژە و چالاکیی جیاجیا درێژە بە بڵاوکردنەوەی هۆشیاریی پاراستنی شوێنەوارەکانی کوردستان دەدات.
 





ئەم هەواڵە 11320جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad