English | عربی | Kurdî دواهەواڵ
ڕاستەوخۆ  
 
سەركردە عێراقیەكان بۆرازیكردنی ئێران ئەم كارە بەرامبەر ئەمەریكا دەكەن
2019-02-06 [05:58 AM]

​ZNA- هەولێر


سه‌ركرده‌ عێراقییه‌كان له‌ پێشبڕكێدان بۆ ئه‌وه‌ی هه‌ڵوێست له‌ دژی لێدوانێكی دۆناڵد تره‌مپ وه‌ربگرن، تاوەكو ئێران له‌ خۆیان رازیبكەن، ئەمە قسەی هۆشیار زێباریە.

هۆشیار زێباری، وه‌زیری پێشووی ده‌ره‌وه‌ و دارایی عێراق، له‌ توێتیكدا ئاماژه‌ی به‌وه‌ كردووه‌، سه‌ركرده‌ عێراقییه‌كان بۆ رازیكردنی ئێران كه‌توونه‌ته‌ پێشبڕكێ بۆ ئه‌وه‌ی هه‌ڵوێست له‌ دژی لێدوانێكی دۆناڵد تره‌مپ، سه‌رۆكی ئه‌مه‌ریكا وه‌ربگرن.

دۆناڵد تره‌مپ، سه‌رۆكی ئه‌مه‌ریكا پێشتر رایگه‌یاندبوو، هێزێكی سه‌ربازی له‌ عێراق ده‌هێڵنه‌وه‌ بۆ ئه‌وه‌ی چاودێری ئێران بكات ئه‌وه‌ش به‌شێك له‌ سه‌ركرده‌ عێراقییه‌كانی هێنایه‌ ده‌نگ.

له‌م چوارچێوه‌یه‌دا، عادل عه‌بدولمه‌هدی، سەرۆك وەزیرانی عێراق داوا له‌ ترەمپ ده‌كات, له‌ قسه‌كانی ئه‌م دواییه‌ی له‌باره‌ی بوونی هێزه‌كانی ئه‌مەریكا له‌ عێراق پاشگه‌زببێته‌وه‌ و ره‌تیشیده‌كاته‌وه‌ هیچ بنكه‌یه‌كی سه‌ربازی ئه‌مەریكی له‌ عێراقدا هه‌بێت.

سه‌رۆك وه‌زیرانی عێراق لە كۆنفرانسی رۆژنامه‌وانی هه‌فتانه‌یدا گوتی: "به‌كارهێنانی عێراق له‌لایه‌ن هه‌ر وڵاتێكه‌وه‌ بێت ره‌تده‌كه‌ینه‌وه‌ و داواش له‌ تره‌مپ ده‌كەین له‌ قسه‌كانی پاشگه‌ز ببێته‌وه"‌.

عادل عه‌بدولمه‌هدی روونیشی كرده‌وه‌: "ئه‌وه‌ی له‌ عێراقدا بوونی هه‌یه‌، بنكه‌ی سه‌ربازی ئه‌مەریكی نییه‌، به‌ڵكو ژماره‌یه‌ك راهێنه‌رن له‌ چوارچێوه‌ی هاوپه‌یمانی نێوده‌وڵه‌تی".

 





ئەم هەواڵە 8644جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad