English | عربی | Kurdî دواهەواڵ
ڕاستەوخۆ  
 
جڤینا هه‌ردوو پایته‌ختا
2019-02-10 [03:34 AM]

نڤیسینا : شیلان ئدریس


ئه‌نجامێ‌ وێ‌ سیاسه‌تا هه‌رێما كوردستانێ‌ و سه‌رانێن وێ‌ ل گه‌ل جڤاكێ‌ نیڤده‌وله‌تی، به‌غدا پایته‌ختێ‌ عیراقێ‌ نه‌چار دكه‌ت وه‌كو هه‌رگاڤ و ب درێژیا دیرۆكێ‌ كو ل كوردستانێ‌ و خه‌لكێ‌ كورد بزڤریت و ده‌ست ب چاكسازیان بكه‌ت، هه‌ر چه‌نده‌ مه‌ نه‌ڤێت وه‌كو زمانه‌كێ‌ توند ئه‌م بنڤیسین، به‌لێ‌ دێ‌ بێژین هه‌لبه‌ت كه‌سێ‌ ل سه‌ر ده‌سهه‌لاتێ‌ و ساخله‌تێن وی ژی مه‌رجه‌كێ‌ ئێكسه‌رن بۆ باشتركرنا په‌یوه‌ندیان، له‌ورا مه‌ هه‌میان دیت ل رۆژا پێنجشه‌میا بۆری جڤینه‌كا لێكتێگه‌هشتنێ‌ و خۆشته‌ویستیێ‌ هاته‌ ئه‌نجامدان د ناڤبه‌را سه‌رۆك وه‌زیرێن عیراقێ‌ عادل عه‌بدولمه‌هدی و نێچیرڤان بارزانی چه‌ندین خالێن فه‌ر هاتنه‌ دانان ل سه‌ر په‌یڤان و یا گرنگ ئه‌وه‌ ئێدی ره‌وش دێ‌ زڤریت وه‌كو به‌رێ‌ و باشتر ژی، و بوو ده‌سهه‌لاتا عیراقێ‌ ژی دیارببوو كو تنێ‌ دانوستاندن و رێككه‌فتن دێ‌ هه‌ردو پایته‌ختان به‌ر ب سه‌قامگیریێ‌ و ئارامیێ‌ ڤه‌به‌ت، ئێدی به‌س هه‌ڤوه‌لاتی ببنه‌ قوربانی سیاسه‌تێن زال ل سه‌ر لایه‌نێ‌ دی، چونكو هه‌ولێر هه‌ر ژ سه‌رده‌مێ‌ سالا 2013 وه‌ره‌ و هه‌تا نها گازی دكه‌ت ب دیالۆگێ‌ و دستووری و قانوونێ‌ و دیمۆكراسیێ‌، به‌لێ‌ هه‌وه‌ وه‌كو دستوور بوویه‌ بهانه‌ك و ئالاڤه‌ك بۆ حه‌یله‌لێكرنێ‌ و ژبیرا خوه‌برنا تشته‌كی دبێژنێ‌ مافێ‌ هه‌ڤوه‌لاتیان، هه‌ردو لایه‌ن گه‌هشتنه‌ دووماهی ئه‌نجام كو هه‌ر ئێك بۆ یێ‌ دی خه‌له‌كا سه‌ركه‌فتنێ‌ یه‌ و دووركه‌فتنه‌ ژ مایتێكرنێن ده‌ره‌كی و ده‌وله‌تێن هه‌ڤسوی و تایبه‌ت ژی ئیرانێ‌، كا چه‌ند ده‌ست تێدا هه‌بوون هند پێشمه‌رگێن قاره‌مان بوونه‌ قوربان و شه‌هید كه‌فتن ل به‌رامبه‌ر فه‌رمانێن وان بۆ حه‌شدا شه‌عبی و ئه‌و تێكۆشینا پێشمه‌رگه‌ی بری ل به‌رامبه‌ر رێكخراوا تیرۆرستی یا داعش به‌غدا هنده‌ خوه‌ ب سه‌رڤه‌ نه‌بر و خواستن رۆلێ‌ كوردان ل كێمیێ‌ بده‌ن، چه‌ند رۆژ ب سه‌رڤه‌ نه‌چوون و ئێكسه‌ر هاتن و هێرشێن خوه‌ ئینانه‌ سه‌ر هه‌رێمێ‌ و ل پردێ‌ و سحێلا خواستن ئه‌زمۆنا هه‌رێمێ‌ ژناڤببه‌ن، به‌لێ‌ هه‌ر وه‌كو هاتین پاشڤه‌چوون و پێشمه‌رگه‌ی دربێن گۆژه‌ك لێدان، ئه‌ڤه‌ یه‌ ئه‌و ده‌سكه‌فت و چه‌كێ‌ هه‌رێما كوردستانێ‌ و سه‌رۆك وه‌زیرێن هه‌رێمێ‌ نێچیرڤان بارزانی پێ‌ دپه‌یڤن، به‌لێ‌ ب رێیه‌كا نه‌ راسته‌وخوه‌، واته‌ زمانێ‌ دیالۆگێ‌ یه‌ و هه‌كه‌ زمانێ‌ دیالۆگێ‌ هه‌بیت واته‌، ئه‌م به‌رگریێ‌ ژ ئه‌ردێ‌ خوه‌ دكه‌ین و شه‌ره‌فا خوه‌، و مه‌ چو هێرش نه‌ڤێن ل سه‌ر هه‌ر لایه‌نه‌كی.. وه‌كو هاتیه‌ راگه‌هاندن كو ڤێ‌ كۆمبوونا دووماهیێ هیڤیێن گه‌لێ‌ هه‌رێمێ‌ و یێ‌ عیراقێ‌ گه‌شكرن و هنده‌ك بریار و كریارێن ئه‌رێنی یێن دهێنه‌ هاڤێتن، هه‌ر چه‌نده‌ هنده‌ك هاتنه‌ كرن ژی وه‌كو زڤرینا كارێ‌ فرۆكخانان و رابوونا دۆرپێچێ‌ ل سه‌ر و هه‌روه‌سا پرسا مووچه‌یێن فه‌رمانبه‌ران و په‌رله‌مانی و یا ژ هه‌میێ‌ پێشچاڤتر ڤه‌گه‌راندنا كارمه‌ندێن گۆمركان كو ب تنێ‌ كاره‌كێ‌ سڤكاتیكرنێ‌ بوو ب هیبه‌تا حه‌كمه‌تا هه‌رێمێ‌، هینگی قووناغه‌كا نه‌چاریێ‌ بوو ژ بنێ‌ گوهی چونكو هه‌موو ده‌وله‌تان گۆرا كوردستانێ‌ دكۆلا و دڤیان ژناڤببه‌ن ل هیڤیا بریارێن توند بوون و ره‌نگڤه‌دانه‌كا تیژ ژلایێ‌ هه‌رێمێ‌ به‌لێ‌ نێچیرڤان بارزانی زیكا ڤێرا گه‌هشت و نه‌هێلا كێر بگه‌هیته‌ هه‌ستی و هه‌تا ئه‌ڤرۆ كوردستان بوویه‌ میناكا هه‌موو جیهانێ‌.





ئەم هەواڵە 2539جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad