English | عربی | Kurdî دواهەواڵ
ڕاستەوخۆ  
 
یاسای بودجەی ٢٠١٩ی عێراق بە فەرمی کەوتە بواری جێبەجێکردنەوە
2019-02-11 [06:03 AM]

ZNA-ھەولێر


وەزارەتی دادی عێراق ژمارەیەکی نوێی ڕۆژنامەی وەقایعی عێراقی بڵاو کردەوە کە تێیدا یاسای بودجەی گشتیی ٢٠١٩ی عێراق بڵاو کراوەتەوە و بەو جۆرەش یاساکە کەوتە بواری جێبەجێکردنەوە.

 

کامل ئەمین هاشم، بەڕێوەبەری گشتیی فەرمانگەی وەقایعی عێراقی لە ڕاگەیاندراوێکدا ئاشکرای کرد، ئەمڕۆ دووشەممە ١١ی شوباتی ٢٠١٩، ژمارە ٤٥٢٩ی ڕۆژنامەی وەقایعی عێراقی بڵاو کرایەوە و بەو شێوەیەش یاساکە بە کردەیی دەکەوێتە بواری جێبەجێکردنەوە.

 

باسیشی لەوە کردووە کە جگە لە یاسای بودجە، چەند یاسایەکی ئاسایی و یاسایەکی فەرعیی دیکە (سیستەم و ڕێنمایی) لە ڕۆژنامەکەدا بڵاو کراوەتەوە.

 

پێشتر چەندان جار بەرپرسان ئەوەیان ڕاگەیاندووە کە لەگەڵ ناردنی بەشە بودجەی هەرێمی کوردستان بەپێی یاسای بودجەی ٢٠١٩ی عێراق، پاشەکەوتی مووچەی فەرمانبەران ناهێڵدرێت. لە پرێس کۆنفرانسێکیشدا پرسیار لە فواد حوسێن، وەزیری دارایی عێراق کرا کە ئاخۆ کەی بەشە بودجەی هەرێمی کوردستان دەنێرن؟ لە وەڵامدا گوتی: “هەر کاتێک یاسای بودجە بە فەرمی لە ڕۆژنامەی وەقایعی عێراقی بڵاوکرایەوە، ئێمە دەست بە جێبەجێکردنی دەکەین”.





ئەم هەواڵە 10852جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad