English | عربی | Kurdî دواهەواڵ
ڕاستەوخۆ  
 
گه‌وره‌ترين كوتله‌ سياسييه‌كانى عێراق مانه‌وه‌ى سوپاى ئه‌مه‌ريكا ره‌تده‌كه‌نه‌وه‌
2019-02-12 [06:20 AM]

ZNA- ھەولێر


هه‌ريه‌ك له‌ هاوپه‌يمانى فه‌تح و سائيرون، كه‌ دوان له‌ كوتله‌ گه‌وره‌كانى ئه‌نجوومه‌نى نوێنه‌رانى عێراقن، ره‌تيده‌كه‌نه‌وه‌ رێگه‌ به‌ مانه‌وه‌ى سوپاى ئه‌مه‌ريكا له‌ عێراق بده‌ن و له‌و باره‌يه‌وه‌ هه‌ردوو لا رێككه‌وتوون.

نه‌سار روبه‌يعى، يه‌كێك له‌ سه‌ركرده‌كانى هاوپه‌يمانى سائيرون، له‌ كۆنگره‌يه‌كى رۆژنامه‌وانيدا، كه‌ له‌گه‌ڵ سه‌ركرده‌ى هاوپه‌يمانى فه‌تح، هادى عامرى ئه‌نجاميدا، گوتى: ئه‌مڕۆ هه‌ردوولا رێككه‌وتين، له‌سه‌ر ره‌تكردنه‌وه‌ى مانه‌وه‌ى هێزى بيانى له‌سه‌ر خاكى عێراق.

گوتيشى: ئه‌و رێككه‌وتنانه‌ى له‌ نێوان وڵاتاندا هه‌يه‌، مه‌رج نييه‌ هه‌تا هه‌تايه‌ وه‌ك خۆيان بمێننه‌وه‌، گۆڕانكاريان تێدا ده‌كرێت و هه‌موار ده‌كرێنه‌وه‌. له‌سه‌ر ئه‌و بنه‌مايه‌ش پێويسته‌ مانه‌وه‌ى هێزه‌ بيانييه‌كان له‌سه‌ر خاكى عێراق به‌ گوێرى خواست و داواكارى حكومه‌تى عێراق بێت.

هه‌ر له‌و باره‌يه‌وه‌، هادى عامرى، رايگه‌ياند، مانه‌وه‌ى سوپاى ئه‌مه‌ريكا به‌ گوێره‌ى رێككه‌وتنى ستراتيژى نێوان به‌غدا و واشنتنه‌، ئه‌وه‌ش له‌سه‌ر بنه‌ماى داواكارى عێراقه‌.

گوتيشى: ئێستا مانه‌وه‌ى سوپاى ئه‌مه‌ريكا له‌ عێراق بێ پاساوه‌ و پێويسته‌ بوونى ئه‌و هێزانه‌ له‌سه‌ر بنه‌ماى رێككه‌وتنێكى نوێ بێت. 





ئەم هەواڵە 7582جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad