English | عربی | Kurdî دواهەواڵ
ڕاستەوخۆ  
 
هەردەمێ کورد ئێکبگرن ، دڤێت چاڤەڕێیا کارڤەدانێن دوژمنێن خوە بکەن
2019-02-12 [02:10 AM]

نڤیسینا : سوهەیب میکائیل


باشورێ کوردستانێ جهەکێ فرە نەتەوە و ئۆل و زمانە ، و دهەمان دەمدا هەلگرێ هزر و دیتنێن سیاسیێ جودایە ، گەلێ کوردستانێ دهەمی قۆناغاندا پێدڤی ب ئێک رێزی و ئێکگرتنا سیاسی ، ئولی ، نەتەوەیی هەبویە و هەیە ، هەتاکو سەقامگیریا سیاسی و ئاشتیا جڤاکی تێدا یێ پاراستی بیت و بشێت روو بڕوویێ هەمی مەترسی وگەفێن دوژمنان ببیت ، و دهەمان دەمدا دگەل پێشهات و گوهوڕینێن سیاسی ب سەرکەفتیانە پێنگاڤان بهاڤێژیت ، دهەمان دەمدا دگەل پێشهات گوهورینێن سیاسی ب سەرکەفتیانە پێنگاڤان بهاڤێژیت و بەرەڤ ئەوێ ئارمانجێ بچیت ئەوا زێدەتر ژ سەد سالایە خوینا خۆ بۆ درێژیت و قوربانیێ بۆ ددەت . 
هەر دکەڤندا هوزانڤان و بیرمەندێن کوردا داخواز ژ مەزنێن کوردا کرینە ئێک رێزییا ناڤ مالا کوردی بپارێزن ، چونکی د دیرۆکا کورداندا ئەگەرێ سەرەکیێ بەردەست نەبونا ئارمانجا سەرەکیا کوردان نەبونا ئێکگرتنا کوردا بویە ، لگورەی ئەڤێ دیتنێ هۆزانڤان و نڤیسەرا کورد رەوشەن بەدرخان دبێژیت تو ئێکگرتنا کوردا بدەمن ، ئەزێ دەولەتا کوردی بدەم تە ) 
پشتی ژناڤ چونا میرنشینیێن کوردی ژ ئەنجامێ نەبونا ئێکڕێزیێ دناڤبەرا واندا ، کوردان ناڤەندا بڕیاردانا سیاسی ژدەست دا ، هەر ژبەرهندێ ب دەستەکێ بەتال ژ جەنگێن ئێکێ و دووێ یێ جیهانی دەرکەفتن و کەفتنە ژێر دەستێ دەولەتێن زلهێزێن جیهانی و داگیرکەر . 
رەنگە د دیرۆکا هەفچەرخا کوردیدا ، چ پەیوەندیەکێ سیاسی هندی پەیوەندیا دناڤبەرا هەرئێک ژ ( مەسعود بارزانی و جەلال تالەبانی ) سەرنج راکێش و جهێ تێڕامانێ نەبیت ، پەیوەندیەک پتر ژ پێنجی سالێن بزاڤا رزگاری خوازا کوردستانا باشور پێک دئینیت ، هەلبەت ئەڤ پەیوەندییە ب گەلەک هەڤراز و نشێڤیان و دناڤبەرا توندو تیژیێ و دۆستایەتیێ دا دەرباز بویە ، پەیوەندییەک کو دێشێین دیرۆکا میللەتەکێ ئێک نەگرتی تێدا بخوینین دەمێ دڤێت هەڤ دوو بگرن ، دڤێ هەڤکێشەیا ئالۆز و دویر و درێژا ئیکگرتنا نەتەوەیەکێ دا ، هەر ئێک ژ بارزانی و تالەبانی وەک سەرکردەیێن دوو حزبێن سەرەکی ل باشورێ کوردستانێ دکەڤنە پەیوەندییەکا سیاسی و کەسی یا دویر و درێژ ، ئەڤان هەردوو سەرکردەیان ب وێ لێک تێگەهشتنا دناڤبەرا واندا هەی شیان گەلەک دەسکەفتان بۆ کورد و کوردستانیان بدەستڤە بینن ، و باشورێ کوردستانێ بکەنە هژمارەکا گران و کاریگەر و خودان سەنگ د هاوکێشەیا نێڤدەولەتیدا ، لێ پشتی وەغەرا ( جەلال تالەبانی ) ئەڤ پەیەیوەندییە لاسەنگ بوو ، ئیدی ناڤەندەکا بریاردانا بهێز دناڤ ئێکەتیا نشتیمانیدا دروست نەبوو ، جەندین بالێن جودا دروست بوون ، ئیدی بۆ ( مەسعود بارزانی ) رێککەفتن دگەل ئێکەتیا نشتیمانی بزەحمەت کەفت ؛ چونکی دگەل بالەکێ رێککەفتبا بالێن دی پێگیر نەبوون ب وێ رێککەفتنێ ، هەر ئەڤەژی بو ئەگەرێ رویدانا خیانەتا ۱٦ ی ئۆکتۆبەرێ .
دناڤ رێزێن سەرکردایەتیا سیاسیا کوردیدا هێشتا مە گەلەک سەرکردە هەنە کو د خەما ئێک رێزییا کورداندانە و ، بەهایێ ئێکرێزیێ دزانن ، ژوانا نێچیرڤان بارزانی سەرۆکێ حکومەتا هەرێمێ ، بۆ میناک من دڤێت ئاماژێ بدەمە دوماهیک گوتارا وی دەربارەی گرنگیا ئێکڕێزییا ئالیێن کوردستانێ ، سەرۆکێ حکومەتا هەرێمێ ل مەراسیما بیرئانینا شەهیدێن ئێکی شوباتا (۲۰۰٤) ێ گوتارەک پێشکەش کر و تێدا راگەهاند : تیرۆرستان د ئێک دەمدا هەردوو بارەگایێن ئێکەتیا نشتیمانی و پارتا دیموکراتا کوردستنانێ کرە ئارمانج و د وێ رویدانێدا (۱۰۱) سەرکردە و پێشمەرگەیێن هەردوو ئالیان شەهید بوون . 
هەروەسا نێچیرڤان بارزانی گۆت ئەم بیرئانینا روداوەکا ئاسایی ناکەین ، بەلکو یادا تێکەلبونا خوینا پێشمەرگە و سەرکردەیێن پارتی و ئێکەتیێ دکەین و ئەو راستی ژی دەرکەفت کو دوژمنێن مە چ جوداهیێ دناڤبەرا مەدا ناکەت و دڤێت ئەمژی بینینە بیرا خوە کو پێدڤیە ئێکڕێزیا دناڤبەرا خوەدا بپارێزێت . 
وەکی دیار گوتارا سەرۆکێ حکومەتا هەرێمێ هندەک دەستەواژەیێن بالکێش تێدابوون ب تایبەت بیرئینانا هندێ کو بۆ سەرخستنا کوردستانێ خوینا پارتی و ئێکەتیێ تێکەل بویە و رونکر کو پارتی دڤێت هەڤبەشێ خۆ یێ چەندین سالا پێکڤە د حوکمڕانیێ دا پشت راست بکەت کو یێ جدییە دگەل وان حکومەتێ پێک بهینیت و ب زوترین دەم کێشەیێن نافخۆیی ب داوی بینن و جارەکادی دگەل پارتی ملێ خۆ بدەنە بەر بەرپرسیاریەتێ و قۆناغا داهاتی بڕێڤە ببەن . 
خویایە بەری ڤێ گوتارێ د مەدیایێن کوردیدا بەحسێ هەبونا هندەک ئاستەنگان د هاتنە کرن کو ببونە رێگر لهەمبەر کۆمبونا هەردوو ئالیان بۆ پێک ئینانا حکومەتێ ، لێ ئەڤ گوتارا نێچیرڤان بارزانی شیا زەمینەیا کۆمبونێن دناڤبەرا ئێکەتی و پارتی بۆ پێک ئینانا حکومەتەکا نوو خۆشتر بکەت و بو ئەگەرێ هندێ کو ل دوماهیک کۆمبونا هەردوو ئالیان بەروارێ (۱۸) ی ڤێ مەهێ هات دەست نیشانکرن بۆ کۆمبونا پەڕلەمانێ کوردستانێ و هەلبژاردنا دەستەیا نوو یاسەرۆکایەتیا پەڕلەمانێ کوردستانێ .
هەلبەت ئەو نا تەباییا سیاسی کو دناڤبەرا ئالیێن سیاسیێن کوردستانێ دا هەی ، ئەگەر ب شێویەکێ شارستانی و د چارچۆڤا یاساو دەستورێ وەلاتی دا و ب شێوەیەکێ تەندروست ململانێیا سیاسی دناڤبەرا ئالیاندا بهێتە کرن تشتەکێ خوەزایە دناڤ پرۆسەیا دیموکراسیێ دا ، لێ بەرەڤاژی و تەڤلهەڤ کرنا وان دگەل بابەتێن نشتیمانی و چارنڤیس ساز ، دبیتە ئەگەرێ زێدەتر ژ هەڤ دویرکەفتنا ئالیێن سیاسی و چارەنڤیسا گەل و وەلاتی دئێخیتە د مەترسیێ دا ، ژبەرهندێ پێدڤیە ئالیێن سیاسی بێ جوداهی هەست ب ڤێ بەرپرسیاریەتێ و دۆخێ سیاسیا باشورێ کوردستانێ بکەن . 
ئانکو ئەڤڕۆ هەبونا ئێک گوتاریا نشتیمانیا کوردی بۆ تێپەڕاندنا ئەڤێ قۆناغا هەستیار زەرورەتەکێ حاشا هەلنەگرە ، ئەڤڕۆ رۆژا هندێ یە ئالیێن سیاسیێن کوردستانێ ئێک دەنگ و ئێک هەلویست بن لهەمبەر ئەوان گوهۆرینێن نها ل دەوروبەرێن مە رووددەن .





ئەم هەواڵە 5818جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad