English | عربی | Kurdî دواهەواڵ
ڕاستەوخۆ  
 
مەسرور بارزانی پێشوازیی لە باڵیۆزی ژاپۆن لە عێراق کرد
2019-02-20 [08:09 AM]

ZNA-هەولێر



‏‎ئەمرۆ چوارشەممە ٢٠-٢-٢٠١٩ مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازیی لە نافومی هاشیمۆتۆ باڵیۆزی ژاپۆن لە عێراق کرد.
لەدیدارێکدا، کە کونسوڵی گشتی ژاپۆن لە هەولێر ئامادە بوو، دوا پێشهاتەکانی ناوچەکە و فراوانکردنی پەیوەندییەکان و دەرفەتی وەبەرهێنان لە هەرێمی کوردستان تاوتوێکرا.
مەسرور بارزانی سوپاسی گەل و حکوومەتی ژاپۆنی کرد بۆ هاوکاری و یارمەتییانەی لەماوەی رابردوودا پێشکەشی هەرێمی کوردستانی کردووە .
لەلای خۆیەوە باڵیۆزی ژاپۆن ھیوای سەرکەوتنی بۆ مەسرور بارزانی خواست لە سەرۆکایەتی کردنی کابینەی داھاتووی حکوومەتی هەرێمی کوردستان، هاوکات ئامادەیی وڵاتەکەی دەربڕی لە پێشکەش کردنی هاوکارییەکان و بەشداربوون لە پەرەپێدانی ژێرخانی هەرێمی کوردستان لە بوارە جیاجیاکاندا.
لەبەشیکی دیکەی دیدارەکەدا گفتوگۆ لەبارەی رۆڵی کۆمپانیاکانی ژاپۆن لە بواری ئاوەدانکردنەوە و پەرەپێدان کرا و جەخت کرایەوە کە هەرێمی کوردستان ژینگەیەکی لەبارە بۆ وەبەرهێنان لە بوارە جیاجیاکاندا.
هەوڵ و هەنگاوەکانی پێکهێنانی کابینەی نوێی حکوومەتی هەرێمی کوردستان و قولترکردنەوەی پەیوەندییەکانی نێوان هەرێمی کوردستان و ژاپۆن، بەشێوەیەک لە بەرژەوەندی هەردوولادا بێت، تەوەرێکی دیکەی دیدارەکە بوو.





ئەم هەواڵە 2689جار خوێندراوەتەوە
 
 
ڤیدیۆ گەلەری
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad