English | عربی | Kurdî دواهەواڵ
ڕاستەوخۆ  
 
مەسرور بارزانی پێشوازیی لە فەرماندەی گشتی هێزەکانی هاوپەیمانان لە عێراق و سوریا دەکات
2019-02-20 [02:18 AM]

ZNA - هه‌ولێر


ئەمرۆ چوارشەممە ٢٠-٢-٢٠١٩ مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازیی لە جەنەڕال پۆڵ لێکامێرۆ فەرماندەی گشتی هێزەکانی هاوپەیمانان لە عێراق و سوریا  و شاندی یاوەری کرد.

لەم دیدارەدا پێشهات و گۆڕانکارییەکانی ناوچەکە و پێشخستنی زیاتری میکانیزمی هەماهەنگی نێوان هێزه‌ پەیوەندیدارەکان و بەگژداچوونەوەی هەڕەشەی تیرۆریزم گفتوگۆیان لەسەر کرا.

مەسرور بارزانی، وێڕای جه‌ختكردنه‌وه‌ له بایه‌خ و گرینگی هاوکاری زیاتری هێزی پێشمەرگە بۆ بەگژداچوونەوەی‌ هه‌ڕه‌شه‌كانی تیرۆریستان، ئاماژەی بە پەرەسەندنی جموجۆڵ و کردەوە تیرۆریستییەکان لە چەند پارێزگایەکی عێراق دا و رایگەیاند، ئەگەر لەبنەڕەتەوە هۆکارەکانی سەرهەڵدانی تیرۆر و توندوتیژی لە ناوچەکە چارەسەر نەکرێن، زەمینەی سەرھەلدانەوەی توند و تیژی لە ژێر ناو و شێوازی جیادا بەردەوام دەبێت.

لە بەرامبەردا فەرماندەی گشتی هێزەکانی هاوپەیمانان لە عێراق و سوریا ، دووپاتی کردەوە، کە هاوپەیمانان لە هاوکاری و مەشق و پاڵپشتیكردنی هێزەکانی پێشمەرگە و عێراق بەردەوام دەبن، بۆ پاراستنی ناوچەکانیش ، هاوبەشی و هەماهەنگی نێوان ئەم هێزانەی بەپێویست زانی.

لەبەشێکی دیکەی ئەو دیدارەدا پەرەسەندنەکانی رەوشی سوریا، بەتایبەتی ناوچەکانی رۆژهەڵاتی فورات گفتوگۆی لەسەر کرا، پەیوەست بەو بابەتە راوێژکاری ئەنجوومەنی ئاسایشی هەرێمی کوردستان نیگەرانی خۆی لە ئەگەر و پێشهاتەکان لەو ناوچانە دەربڕی و جەختی لە دیالۆگ و چارەسەری سیاسیانەی رەوشەکە کردەوە و رایگەیاند پێویستە لە گفتوگۆکاندا گەرەنتی ماف و ئاسایشی گەلی کورد لەو وڵاتەدا لەبەرچاو بگیردرێت.





ئەم هەواڵە 3640جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad