English | عربی | Kurdî دواهەواڵ
ڕاستەوخۆ  
 
ناڤ و ده‌نگیا هه‌رێمێ خه‌ما كى یه‌؟
2019-02-27 [11:34 AM]

نڤیسینا : كارزان فه‌قى


ئه‌وێ كو ئێكه‌تى وه‌كو گڤاشتن و كارته‌ك بخوه‌ ب كار ئینابوو ل سالێن بۆرى، په‌رنابرنا به‌ر به‌غدایێ ل ده‌مێن بۆرى، هه‌روه‌سا پێشنیاركرنا برینا بۆدجه‌یا هه‌رێمێ ل سالا 2014، و راوێژكرن ب سه‌ره‌ده‌ركرنا به‌غدایێ ل گه‌ل هه‌رێما كوردستانێ وه‌كو پارێزگه‌هه‌كێ ئیراقێ بیت ، واته‌ وه‌كو پارێزگه‌هـێن دى یێن ئیراقێ سه‌ره‌ده‌ریێ ل گه‌ل پارێزگه‌هێن هه‌رێما كوردستانێ بكه‌ت و هه‌رێم وه‌كو قه‌واره‌ ره‌ت بكه‌ت، تاراده‌یه‌كێ ژى نزیكى ئه‌ڤه‌ جهـ بگریت و ده‌ستپێكێ د پرۆژه‌ بۆدجه‌یا سالا 2019 دا ناڤێ هه‌رێما كوردستانێ نه‌هاتبوو، پاشان پشتى سه‌ره‌دانێن جودایێن سه‌رۆك بارزانى و نێچیرڤان بارزانى بۆ به‌غدایێ، ئیدى ئه‌و بزاڤ و هه‌ولدان سه‌رنه‌گرت و گهۆرین د پرۆژه‌ى دا هاتنه‌ كرن. هه‌لبه‌ت ژ بلى ڤانا ئێكه‌تیێ گه‌له‌ك رێكێن دى ژى بكار ئینان، لێ هه‌بوونا حكومه‌ته‌كا بهێز و خوه‌دان په‌یوه‌ندیێن دبلۆماسى شیان پلانێن كو ل دژى قه‌واره‌یێ هه‌رێما كوردستانێ دهاتنه‌ دانان هه‌موویان ژناڤ ببه‌ت، كه‌واته‌ ئه‌وا نها ئه‌م دناڤبه‌را به‌غدایێ و هه‌ولێرێ دا دبینین ب 180 پله‌یان جودایه‌ یاكو ل سه‌رده‌مێ حه‌یده‌رێ عه‌بادى و نووریێ مالكى چێبوون، هه‌موو ئه‌و شاندێن بزاڤ بۆ چاره‌كرنا وان ئاریشه‌یان كرین ژى سه‌رۆكێ حكومه‌تا هه‌رێما كوردستانێ و سه‌رۆك بارزانى و به‌رپرسێن دیارێن پارتى بوون. كو هه‌موو لایه‌نێن سیاسى دبێژن پاشكه‌فتا مووچه‌ى سته‌مه‌كه‌ ل فه‌مانبه‌ران دهێته‌ كرن و پارتى پێ تاوانبار دكه‌ن، پارتى ژى ب هه‌مان شێوه‌ ناڤه‌شێریت و بزاڤێن چاره‌كرنێ دكه‌ت، كه‌واته‌ پارتى خوه‌ ب خوه‌دانێ ئاریشه‌ و به‌رپرسیارێ چاره‌كرنێ دزانیت. دهێته‌ بیرامن ل ده‌ما شازده‌ى ئكتۆبه‌رێ ده‌ما مه‌ ته‌ماشه‌ى كه‌نالێن هه‌موو حزبێن دى دكر، ئه‌ركێ وان ببوو چاندنا تۆڤێ بێ هیڤیبوونێ دناڤ خه‌لكێ كوردستانێ دا و ل به‌ره‌یێ حه‌شدا شه‌عبی رۆمالا هێرشا سه‌ر كه‌روككێ و هێزێن پێشمه‌رگه‌ى دكرن، لێ هه‌ر وى ده‌مى سه‌رۆكێ حكومه‌تا هه‌رێما كوردستانێ وه‌لات وه‌لات د گه‌ریا ژبۆى كو گه‌لێ كوردستانێ ژ وان دۆرپێچێن حكومه‌تا ئیراقێ رزگاربكه‌ت، كه‌واته‌ كى خوه‌ ب خوه‌دانێ هه‌رێمێ دزانیت و دخه‌ما ناڤ و ده‌نگیا هه‌رێما كوردستانێ یه‌؟ نها ئێكه‌تى هه‌ول دده‌ت پرسه‌كا دى ب ئازرینیت ئه‌و ژى ئه‌گه‌ر پارتى دیموكراتى كوردستان د پێكئینانا كابینه‌یا نوو یا حكومه‌تا هه‌رێمێ دا نه‌هێته‌ بن بارێ وان و داخوازیێن وان ب جهـ نه‌ئینیت، ئه‌و دێ ره‌وشه‌كا ئالۆز و نه‌خواستى ل هه‌رێما كوردستانێ دروست كه‌ن كو كارتێكرنێ ل ناڤ و ده‌نگیا هه‌رێما كوردستانێ بكه‌ت؛ ئه‌ڤه‌ بخوه‌ وێ یه‌كێ دبێژیته‌ مه‌ كو ناڤ و ده‌نگیا هه‌رێما كوردستانێ واته‌ ناڤ و ده‌نگیا پارتى، چونكى ئێكه‌تى  گه‌هشتیه‌ وێ باوه‌رێ كو ب ته‌نێ پارتى ل به‌غدا و ل سه‌ر ئاستێ ناڤ ده‌وله‌تى نوونه‌راتییا هه‌رێمێ دكه‌ت و ژ بۆ مافێ ملله‌تێ خوه‌ دانوستاندنێ دكه‌‌ت، ئالیێن دى بۆ وه‌رگرتنا پۆسته‌كى و پێشنیاركرنا برینا بۆدجه‌یا هه‌رێمێ و نه‌ فرێكرنا پاره‌ى بۆ حكومه‌تا هه‌رێمێ و فه‌رمانبه‌ران ل رێكا به‌غدایێ سرایێ دگرن.





ئەم هەواڵە 3892جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad