English | عربی | Kurdî دواهەواڵ
ڕاستەوخۆ  
 
رێكه‌ڤتن و كابینا نوى
2019-03-08 [04:05 AM]

نڤیسینا : زێره‌ڤان ته‌مو


رێكه‌ڤتنێن ڤێ داویێ یێن پارتى دیموكراتى كوردستان جودا دگه‌ل هه‌ر ئێك ژ گورانێ و ئێكه‌تیێ ئه‌نجام داین رێكخوشكه‌رێن هه‌رى باشن ژبونا پێكئینانا كابینا نوى یا حكومه‌تا هه‌رێما كوردستانێ كو تێ چاڤه‌رێكرن ل ماوه‌كێ هه‌رى نزیك ده‌رئه‌نجامێن وان رێكه‌ڤتنان كابینا نه‌هێ یا حكومه‌تا هه‌رێما كوردستانێ بهیته‌ پێك ئینان كو ئه‌ڤ گاڤ ژى خاست و حه‌زا هه‌موو كه‌سانه‌ ل هه‌رێما كوردستانێ پێخه‌مه‌ت پاراستنا ده‌سكه‌ڤتان و به‌رقراربوونا ئارامیێ و خوشكرنا ژیارا تاكێن كوردستانى.
بفه‌ر دبینم كو گوتنه‌كا ناپلونى بهینم كو دبێژیت:" تشته‌كێ بێژه‌ كو بشێى بنڤیسى و تشته‌كى بنڤیسه‌ كو بشێى ئیمزا بكه‌ى و تشته‌كى ئیمزا بكه‌ كو بشێى جێبه‌جێ بكه‌ى." له‌ورا ژى ب ڤان رێكه‌ڤتنان هه‌ژماره‌كا خال و رسته‌و هه‌ڤوكان هاتینه‌ نڤیساندن و بێگومان ژى ڤان ئالیێن سه‌ره‌كى یێن هه‌رێمێ ب رێكه‌ڤتن ئیمزا ژى لسه‌ر هاتییه‌كرن له‌ورا نها چاڤه‌رێ وێ ئێكێ دهێته‌كرن كو ژبوونا خزمه‌تكرنا به‌رژه‌وه‌ندێن بلندێن گه‌لێ مه‌ ئه‌و رێكه‌ڤتن بكه‌ڤنه‌ دخزمه‌تا كورد و كوردستانیان دا، هه‌لبه‌ته‌ هه‌ر رێكه‌ڤتنه‌كا نێچیرڤان بارزانى تێدا به‌شدار دبیت خه‌لكێ مه‌ ب گه‌شبینى ڤه‌ چاڤارێ ئه‌نجامێن وێ ل هه‌ڤهاتنێ و رێكه‌ڤتنێ دكه‌ت .
كو خویا و ئاشكرایه‌ ئه‌ڤ ده‌ست پێشخه‌ریا ڤان رێكه‌ڤتنان و ل هه‌ڤهاتنا سیاسى ژبۆ هه‌ول و رولێ ئه‌كتیڤ یێ نێچیرڤان بارزانى ڤه‌دگه‌رێت كو ئاشكرایه‌ ل ماوێ رابوورى ب كارێزماهى و رۆلداریا جه‌نابێ وى هه‌مى گوشار و گڤاشێن سیاسى و ئابوورى یێن لسه‌ر هه‌رێما كوردستانێ هاتینه‌ سه‌پاندن نه‌خاسم پشتى 16ێ ئوكتوبه‌رێ ب هێسانى ل سایه‌یى سیاسه‌تا حه‌كیمانه‌یا بارزانى ئه‌و هه‌مى دورپێچ هاتنه‌ راكرن، ب وێ دبلوماسیه‌تا جه‌نابى وى دگه‌ل ولاتێن زلهێز و ده‌ڤه‌رێ هه‌ڤده‌م دگه‌ل حكومه‌تا ناڤه‌ندى په‌یوه‌ندیێن هه‌رێمێ ل وارێن سیاسى و ئابوورى ل ماوه‌یه‌كێ هه‌رى كێم ڤه‌گه‌راندن ئاستێ جاران و بلندتر .
گرنگیا ڤان رێكه‌ڤتنان ب دیتنا من د وێ چه‌ندێ دایه‌ كو ل ڤان چوارسالێن داهاتى دێ پارتى و ئێكه‌تى و گوران پێكڤه‌كاركرن كو هه‌ر ده‌م ب پێكڤه‌ كاركرنێ و ئێكرێزیێ ده‌ستكه‌ڤتێن مه‌زن ژبۆ گه‌لێ كوردستانێ هاتینه‌ توماركرن ئه‌ڤ چه‌نده‌ ژى دبیته‌ ئه‌گه‌ر كو ئه‌ڤ پارته‌ پتر دێ كه‌ڤنه‌ پێشبركێ یا خزمه‌ت و خوشگوزه‌رانیێ بۆ تاكێن جڤاكێ مه‌ كو ئه‌ڤ چه‌نده‌ خواستا مه‌یه‌ پێخه‌مه‌ت پاداشتێ وێ بهێن فره‌هیا كوردستانیان لسه‌ر هه‌مى پێشهات و چاڤه‌رێكرنێ یا دوم درێژ د هه‌موو كاوداناندا بهێته‌ دانه‌ڤه‌ ب ئاوایێ خوشكرنا ژیارا تاكێن جڤاكى هه‌روه‌ها هیڤیدارین ئه‌و گاڤا رێكه‌ڤتنێ ببیته‌ دیفاكتو ژبۆنا پتر خزمه‌تكرن و پێشخستنا هه‌مى سێكته‌ران بێ جوداهى ل هه‌رێما كوردستانێ.
رێكه‌ڤتا ڤان ئالیان ژى ئامرازه‌كه‌ ژبۆ ئاڤاكرنا كوردستانه‌كا بهێز ئه‌ڤ ئێك ژى ببیته‌ ساخله‌ته‌ك كو هه‌ر ئێك ژبال خوڤه‌ هه‌ست ب به‌ربرسیاریێ بكه‌ت و گاڤ ژبۆ وێ چه‌ندێ بن هه‌مى رێكار بهێن هاڤێتن ژبۆ كو سیسته‌مێن گونجایى بهێن دانان و پتر دامه‌زراویكرنا سازیان ژى ل كارێن پێشین بیت ژبوونا كار ئاسانى و خزمه‌تكرنا گه‌ل و وه‌لاتى.





ئەم هەواڵە 6904جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad