English | عربی | Kurdî دواهەواڵ
ڕاستەوخۆ  
 
ئەو خووە هەڵانەی کە ددان وێران دەكەن
2019-03-13 [01:56 AM]

هەولێر _ ZNA



چەندین خوو هەن، بەبێ ئەوەی ئاگادار بین، بەڵایەكی گەورە بەسەر ددانەكانمان دێنن، بۆ ئەوەی ددانەكانمان بەباشی بمێننەوە پێویستە خۆمان لەو خووە هەڵانە بپارێزین كە بریتین لە:

1 - كرماندنی سەهۆڵ:

سروشتی و بێ شەكرە، ئەوەش وات لێدەكات وا بیر بكەیتەوە كە بێ زیانە، بەڵام كرماندنی شتی رەق و سارد، ئەگەری شكاندنی ددانەكان و ورووژاندنی شانە نەرمەكانی ناو ددانی هەیە. لەوانەیە ئەوەش ببێتە هۆی ددان ئێشەی درێژخایەن. هەندێك كەس قەڵەمەكانیان دەجوون، ئەوەش دیسان كاریگەری خراپ لەسەر ددان دروستدەكات.

2 - پێدانی شیر بەر لە نووستن:

هیچ كاتێك زوو نییە بۆ دەستكردن بە پاراستنی ددان، پێدانی مەمە شیر بە منداڵان بۆ ئەوەی بنوون، تووشی كلۆربوونی ددانیان دەكات.

3 - ددان جیڕكردنەوە لە كاتی نووستندا:

بە تێپەڕینی كات، ددانە جیڕە دەبێتە هۆی داخورانی ددانەكان و لاوازكردنیان و پەیداكردنی ئازار تێیاندا، هەروەها دەبێتە هۆی دروستكردنی ئازاری توند و تێكدانی جومگەی نێوان شەویلگەی سەرەوە و خوارەوە كە بە جومگەی لاجانگ ناسراوە.

هۆكاری سەرەكی ددانە جیڕە دڵەڕاوكێ و خووی نادروستی نووستنە.  هەندێ جار پێویست دەكات پاسەوانی شەوانە دروستبكەیت بۆ پاراستنی ددانەكان.

4 - كرماندنی نوقڵ و شیرینی:

زیانیان زیاتر دەبێت كاتێك دەكرمێندرێن، بە توندی بە ددانەكانەوە دەنووسێن، بەوەش پەیوەندییەكی نادروست لەنێوان شەكر و دداندا بۆ چەند كاژێرێك دروستدەبێت و دەبێتە رێخۆشكەرێكی گرنگ بۆ كلۆربوونی ددان.

5 - خواردنەوە گازییەكان:

هەر قوتوویەكی خواردنەوەی گازی 11 كەوچكی چا شەكری تێدایە، جگە لەوەش، ترشی فۆسفۆریك و ترشی ستریكیان تێدایە كە دەبنە هۆی سڕینەوەی ئەو توێكڵە رەق و پتەوەی ددانی داپۆشیوە و بە مینای ددان ناسراوە. لەبەر بوونی ئەو ترشانەش تێیاندا، خواردنەوەی ئەو جۆرانەش كە بێ شەكرن دەبنە هۆی كلۆربوونی ددان.

6 - هەڵپچڕینی شتومەك بە ددان:

هەڵپچڕینی شتومەكی كانزایی و پلاستیكی بە ددان، مەترسی شكان و لاوازبوونی ددانەكان دروستدەكات. با هەمیشە مقەست و قوتوهەڵپچڕی بچووكت هەبێت و با ددانەكان تەنیا كاری خۆیان بكەن كە خواردنە.

7 - چپسی پەتاتە:

بە تەنیا شەربەت و شیرینییەكان بە شەكرەكانیان ددان كلۆر ناكەن، ئەو نیشاستەیەی لە پەتاتەشدایە دەگۆڕێت بۆ ناوەندێكی ترش و ددانەكان دادەخورێنێت. ئەگەریش پەتاتەكە لەنێوان ددانەكاندا بمێنێتەوە، مەترسییەكان لەسەر ددان زیاتردەکات





ئەم هەواڵە 5236جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad