English | عربی | Kurdî دواهەواڵ
ڕاستەوخۆ  
 
ڕەھندێن بریارا نەھێلانا پاشکەفتێ مۆچەی
2019-03-13 [04:49 AM]

نڤیسینا : غیاس خالد زێباری


پشتی فەرمانبەر و مۆچە خۆرێن ھەرێما کوردستانێ سێ سالێن دژوار یێن ئابووری و دارایی دەرباز کری ھەر ل سالا ٢٠١٦ ــ ٢٠١٩ ، نھو جارەکا دی بریارا جڤاتا وەزیرێن ھەرێما کوردستانێ ب سەرۆکاتیا رێزدار نێچیرڤان بارزانی یا ھەلوەشاندنا پاشکەفتێ مۆچەی ل ھەشتێ ئادارێ ، گرنژین ئێخستیەڤ ناڤ خەلکێ کوردستانێ و ڤێ بریارێ دەنگڤەدانەکا مەزن لسەر ئاستێ جەماوەری و راگەھاندنێ و مەدیایا جڤاکی دایەڤە ،براستی ئەڤ دەنگەدانە دجھێ خۆدایە و دیار دبیت سەرۆکێ حکومەتا ھەرێما کوردستانێ دخەما خەلکێ کوردستانێ دایە و بریارا پاشکەفت کرنا مۆچە بریارەکا نەچاری بوو ،چونکی بودجە و مۆچێ ھەرێمێ ب ئێکجاری ژلایێ حکومەتا ناڤەندیا عیراقێ ھاتبوو بڕین و ھەرێمێ ژی ژبلی داھاتەکێ سنووردا یێ نافخۆیی و نەفتێ چ دەرگەھێن دیتر نەبوون ، ئەگەر سیاسەتا جەنابێ وی یا سەرخۆبوونا نەفتا کوردستانێ نەبا ئەڤ قەیرانە دا دژوارتر بیت و ئەو نیڤ مۆچەی ژی ڤان سالان نەدھاتنە دابەشکرن .
ژبلی ڤێ چەندێ قەیرانێن سیاسی و لەشکری و نافخۆیی ژی ھەرێم ڤەگرت بوو وەک شەرێ تیرۆرستێن داعش و پاشان شەرێ حەشدا شەعبی و پیلانێن نەھێلانا قەوارێ ھەرێما کوردستانێ ب پشتەڤانیا ھندەک ئالیێن سیاسی یێن ھەرێمێ ھاتبو دارشتن .
ڕەنگە خەلکەک ڤێ بریارا سەرۆکێ حکومەتا ھەرێمێ یا نەھێلانا پاشکەفتێ مۆچەی ب بریارەکا نۆرمال و بچیک ببینیت ، لێ بریارەکا گرنگ و دلسۆزانە بوو سەرۆکێ حکومەتێ ھاڤێتی چونکی نە تنێ بریارەکا ئابووری یە ، بەلکی رەھندێن سیاسی و دبلۆماسی دگەل دانە .
راستە مۆچێ خەلکێ ھەرێمی ل بەغدا دھێت کۆ ئەڤە ئەرکەکێ دەستووری و ئەخلاقی و ئیداریێ حکومەتا ناڤەندی یە ، چونکی ھەرێم پشکەکە ل دەولەتا عیراقێ . 
لێ یا گرنگ ئەوە کی ئەو عیراقا مۆچە و بۆدجە بڕی و ب ھەمی ھێز و شیانێن خۆ یێن لەشکری و سیاسی ھەولێن داگیرکرنا کوردستانێ ددا و ب چاڤێ دوژمنایەتیێ ھەرێم ددیت ، گۆری بۆ عیراقەکا ڤەکری و دیتنا ھەرێمێ وەک پشکەک ل دەولەتا عیراقا فیدرال و ڤەگەراندن بۆ دەستوورێ ھەردەم ..؟  پشتی خیانەتا شازدێ ئکتۆبەرا سالا ٢٠١٧ کۆ پەیوەندیێن وێ دگەل ھەرێمێ ب ئێکجاری ھاتبوونە بڕین . 
بێ گۆمان نێچیرڤان بارزانی بوو شیای پشتی کارڤەدانێن شازدێ ئکتۆبەرێ ، وان ھەمی دوورپێچێن ئیداری و سیاسی و لەشکری و دبلۆماسی لسەر ھەرێما کوردستانێ بشکێنیت و پشتەڤانیا نیڤ دەولەتی ژی دوان کاودانان دا بۆ ھەرێما کوردستانێ دابین بکەت ، پشتی چەند سەرەدانێن خۆ بۆ وەلاتان مینا فەرەنسا و تورکیا و ئیران و پاشان چەندین سەرەدان و کۆمبوون دگەل حکومەتا عیراقا فیدرال . 
ل دووماھیێ سیاسەتا نێچیرڤان بارزانی د بەژەوەندا خەلکێ کوردستانێ و ھەرێما کوردستانێ دا دالەنگی . 
ب وێ سیاسەتێ و دبلۆماسیەتێ نەتنێ ھەرێم ھاتە پاراستن بەلکی بەرەڤ بھێزتربوونێ چوو و پەیوەندیێن ھەرێما کوردستانێ ژی دگەل پرانیا وەلاتێن جیھانێ د ئاستەکێ ھەرە باش دانە . ژلایەکی دبلۆماسیەتا نێچیرڤان بارزانی شیا باوەریێ بۆ حکومەتا عیراقێ درۆست بکەت کۆ بڤی ڕەنگی بەرامبەر ھەرێمێ بھێتە گۆڕین و ژلایەکێ دیتر سیاسەت و دبلۆماسیەتا جەنابێ وی دگەل وەلاتێن بھێز و کاریگەرێن جیھانێ وەک ئەمریکا و فرەنسا وئەلمانیا و چەندین وەلاتێن بھێز ئەورۆپا ،گڤاشتن لسەر عیراقێ کرن بڤی ڕەنگی بھێـە گۆڕین و بۆ چارەسەرکرنا پرسێن دناڤەرا ھەرێمێ و عیراقێ بۆ دەستوورێ ھەردەمی بزڤرن . 
دبێژینە وان کەس و لایەنێن ڤێ بریارا سەرۆکێ حکومەتا ھەرێما کوردستانێ بۆ ب بریارەکا نۆرمال ھژمار دکەن و دکەنە دەسکەفتێ حکومەتا فیدرال ، بلا رەھەندێن دەرکەفتنا ڤێ بریارێ و گۆرینا ھەلویستێن حکومەتا عیراقێ بەرامبەر ھەرێما کوردستانێ بزانن و پاشان ھەلسەنگاندنێ بۆ ڤێ بریارێ بدەن .
ب دیتنا من ئەڤە نە تنێ بریارا نەھێلانا پاشکەفتێ مۆچەیە , بەلکێ بریارا نەھێلانا قەیرانا ئابووری یە لسەر ھەرێما کوردستانێ ، چونکی پشتی ڤێ بریارێ قەرێن بانکێن ئەھلی و بەلێن دەرا دێ ھێنەڤ زڤاراندن و چەندین پرۆژێن مەزن ژی دێ کەڤنە کاری و ھەولێن ڤەگەراندنا پشکا مۆچێ پاشکەفتیێ ڤان سێ ساڵێن فەرمانبەرا ژی دێ ھێنە دان . 
ئەڤەژی ئێکە ل دەسکەفتێن مەزنێن سەرۆکێ حکومەتێ و نیشانێ دلسۆزی و خەمخۆریا جەنابێ وی یە بۆ کورد و کوردستانێ و باوەریا خەلکێ کوردستانێ ب سیاسەتا جەنابێ وی مۆکۆمتر دبیت .





ئەم هەواڵە 5650جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad