English | عربی | Kurdî دواهەواڵ
ڕاستەوخۆ  
 
سه‌رۆكوه‌زیرانی نیوزیلاند باس له‌ چیرۆكێكی رووداوه‌ تیرۆریستییه‌كه‌ ده‌كات
2019-03-19 [07:01 AM]

ZNA-هه‌ولێر


جاسیندا ئاردێرن، سەرۆکوەزیرانی نیوزیلاند، سوپاسی پاڵپشتی و ھاوخەمی موسڵمانان دەکات لە کردەوە "تیرۆریستییەکەی" کرایست چێرچدا.

ئاردێرن لە بەردەم پەرلەمانی وڵاتەکەیدا دووپاتیکردەوە، توندترین سزای ئەنجامدەری ھێرشەکە دەدەن و گوتیشی: "بیری توندرەوەی لە نیوزیلاند جێی نابێتەوە".

ئاردێرن سوپاسی موسڵمانانی جیھان دەکات، کە ھاوخەمی خۆیان بۆ رووداوەکە دەربڕیوە و دەڵێت: "زۆر سوپاسی موسوڵمانانی جیھان دەکەین کە لەم خەمەدا شانبەشانی ئێمە وەستان و ئێمەش لەگەڵیان دەبین".

ئاردێرن چیرۆکی پیاوێکی ٧١ ساڵی دەگێڕێتەوە لە رووداوەکەی ١٥ی ئاداردا و دەڵێت: "پیاوێکی موسڵمانی تەمەن ٧١ ساڵە، کاتێک دەرگای مزگەوتی نوور دەکاتەوە و بە ھێرشکارەکە دەڵێت: سڵاو برا بەخێر بێیت، بێ ئاگا لەوەی چ رقێک لە پشت ئەو دەرگاوەیە کە دەیکاتەوە".

دەشڵێت: "ئەو سڵاوە زۆر شتمان پێدەڵێت، یەکێک لەوانە ئەوەیە کە ئەو پیاوە کەسێکی بەدین بووە و پێشوازی لە ھەموو کەسێک دەکات و ئامێزی کراوەبووە. و گرنکی بە ھەموو کەسێک دەدات. ئێمە وڵاتێکی خاوەن ٢٠٠ پێکھاتە و ١٦٠زمانی جیاوازین. ھەموو کات دەرگامان کراوە دەبێت و ھەر بە کراوەییش دەمێنێتەوە".

ئاردێرن جەخت لەوەش دەکاتەوە، توندڕەوی لە وڵاتەکەیان جێگەی نابێتەوە و دەڵێت: "ئەو کەسەی ھێرشەکەی ئەنجامداوە خەڵکی ئەم وڵاتە نیە و لبێرە گەورە نەبووە و بیرۆکەکەشی لێرە جێی نابێتەوە".

رۆژی ١٥ی ئادار/ مارسی ٢٠١٩، لە کردەوەیەکی تیرۆریستیدا، چەکدارێک بەناوی برینتن تارانت، ٢٨ ساڵ، لە شاری کرایست چەرچ لە نیوزیلاند، ھەڵیکوتایە سەر دوو مزگەوت، لە ئاکامی رووداوەکەشدا، ٥٠ کەس کوژران و نزیکەی ٢٠ کەسی دیکەش برینداربوون.





ئەم هەواڵە 5527جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad