English | عربی | Kurdî دواهەواڵ
ڕاستەوخۆ  
 
‌ هه‌لەبجه‌ و شنگال د هه‌مبێزا ئادارێ‌ دا
2019-03-20 [05:14 AM]

نڤیسینا : شیلان ئدریس


دبێژن وه‌ختێ‌ خێر هاته‌ وه‌لاتی دێ‌ گه‌هیته‌ هه‌می مه‌خلۆقاتی. هه‌یڤا ئادار هه‌یڤا گه‌لێ‌ كورده‌ ب خۆشی و نه‌خۆشیێن خوه‌ ڤه‌، به‌لێ‌ ڤێ‌ جارێ‌ هه‌موو به‌ره‌كه‌ته‌ و بارانا خێر و خێراتا یه‌، هه‌ر ژ رۆژا سه‌رۆكێ‌ حكومه‌تا هه‌رێما كوردستانێ‌ نێچیرڤان بارزانی سۆزێن ب باوه‌ری داینه‌ مه‌ هه‌موو یێن دهێن دی، هه‌ر ژ رێوره‌سمێن خاکسپاردنا میرێ‌ ئێزدیان میر ته‌حسین به‌گ، میرێ‌ ئێزدیێن جیهانێ‌، ئه‌و رێز و رێزگرتنا ژهه‌ژی ل جه‌نازێ‌ وی یێ‌ پیرۆز هاتیه‌ كرن، وه‌كو ئه‌ركێ‌ حوكمه‌ته‌كا خودان وژدان، هێمایێن هه‌موو ئوول و نه‌ته‌وه‌ و مه‌زهەبان بهاگران ددانیت، و رێزێ‌ لێ‌ دگریت، وه‌كو ئاماژه‌كێ‌ چاكیێ‌ یه‌ بۆ پێكڤه‌ژیانێ‌ و لێبۆرینێ‌، كو كوردستانێ‌ وه‌لاتێ‌ هه‌موو پێكهاتیانه‌ چو فه‌رق نینن، به‌لكو هه‌موو ل ژێر چه‌ترا كوردستانیبوونێ‌ دژین، و ئه‌ڤه‌ هه‌ر ئه‌و وه‌لاته‌ یێ‌ به‌ری هزاران سالان هه‌موو پێكڤه‌ ژیایینه‌، ل ڤان رێوره‌سمان نێچیرڤان بارزانی خواست نه‌هه‌ما تنێ‌ رێوره‌سمه‌كێ‌ نۆرمال بیت وه‌ك رۆتینه‌ك به‌لێ‌ گۆتارا خوه‌ ب ده‌ستكه‌فت به‌رهه‌مئینا، و گه‌له‌ك دیاری پێشكێشی كوردێن ئێزدی كرن ژ به‌ر وێ‌ زولم و زۆریێ‌، نه‌خاسمه‌ میرێ‌ وان وه‌غه‌ر كر، دا هزر نه‌كه‌ن د بێخودانن، و كه‌س خوه‌ لێ‌ ناكه‌ته‌ خودان، به‌لكه‌ سه‌رۆكێ‌ وه‌زیران به‌ژنا خوه‌ بۆ گیانێ‌ پاكێ‌ میرێ‌ ئیزدیان چه‌ماندن ب هه‌موو رێزگرتن ڤه‌،  و ئێكسه‌ر ئه‌و بریارێن به‌رهه‌مهێنه‌ر پێكێشكرن، ل ده‌مێ‌ به‌حسێ‌ پارێزگاربوونا شنگالێ‌ كری، ده‌ستكه‌فته‌كێ‌ سپیرایزر بوو، ل ده‌سپێكێ‌ بۆ خه‌لكێ‌ شنگالێ‌ ب خوه‌، و پاشی بۆ هه‌موو كورد و كورستانی و عیراقیان ژی، ژ به‌ر وێ‌ سته‌م و زۆریا ل شنگالێ‌ هاتیه‌ كرن، گه‌له‌ك پێڤه‌ نه‌چوو ئه‌و بریارا بدووماهیئنانا قه‌یرانێ‌ هاته‌ دان هه‌ر ژ لایێ‌ نێچیرڤان بارزانی ڤه‌، ئه‌ڤرۆ ژی هاته‌ سه‌ر مژارا حه‌لبجه‌ و تۆماركرنا ترۆمبیلان، ئازراندنا برینێن دژوارن، ده‌سكه‌فته‌كێ‌ گرنگه‌ كو هه‌ردو پارێزگه‌هێن نوو ل هه‌رێمێ‌ و عیراقێ‌ زێده‌ببن و به‌غدا نه‌چاری دانپێدانێ‌ ب ڤێ‌ بریارێ‌ بكه‌ت، ئه‌م زۆلم و زۆری و سته‌ما لێ هاتیه‌ كرن، نیشانه‌ك و به‌لگه‌یه‌كێ‌ دێكۆمێنتی یه‌، كو مێژوو پێ‌ بهێته‌ نڤیسین، ئه‌گه‌ره‌كه‌ كو پتر گرنگی ب ڤان باژێران بهێته‌ دان چونكو ناڤوده‌نگێن وان ل سه‌رانسه‌ری جیهانێ‌ چوویه‌ ب برینێن جه‌رگبر، كو یا  چو هزر لێ‌ نه‌هاتیه‌ كرن ئه‌و ره‌نگ و شێوه‌یێ‌ توندیێ‌ لێ هاتیه‌ كرن، ئه‌ڤرۆ نێچیرڤان بارزانی ب زانین یا خوه‌ یا سیاسی و سه‌ربۆرا حوكمرانێ‌ شیا ب هه‌ڤده‌می هه‌موو ده‌سهه‌لاتان نه‌چار كرن كو به‌رسڤدانا ڤان بریاران بده‌ن و چپكه‌كێ‌ ژ به‌حره‌كی بۆ خه‌لكێ‌ وان قه‌ره‌بۆ بكه‌ن. ژلایه‌كێ‌ دی ڤه‌ ئه‌ڤ هه‌ردو باژاره‌ یێن جینۆساید بووین، هه‌ر ئێك ل ره‌خه‌كێ‌ هه‌رێمێ‌ ژبلی ئه‌وان هه‌وێن ئه‌نفالێن ره‌ش و شه‌هیدكرن و به‌رزه‌كرن و ده‌ربه‌ده‌ركرنا خه‌لكێ‌ كوردستانێ‌ دێ‌ وان سته‌م و جینۆسایدان كه‌ته‌ به‌لگه‌نامه‌ كو ئێدی پتر گه‌ره‌نتیا پاراستنا هه‌رێمێ‌ بكه‌ڤیته‌ ستویێ‌ جڤاكێ‌ نیڤده‌ولی و وه‌لاتێن مه‌زن، له‌ورا ئه‌ڤرۆ مه‌ هه‌میان دیت نێچیرڤان بارزانی یێ‌ بوویه‌ پارێزه‌ری گه‌لێ‌ كورد و بۆ هه‌میان دیاربوو كا كیژ حزبه‌ و كیژ كه‌سانن د خه‌ما ئێش و ئازارێن ڤی وه‌لاتی، كی یه‌ پارێزه‌رێ‌ وی و خودان و سه‌میانێ‌ وی، نه‌ك مینا  گه‌له‌ك حزب و لایه‌نێن دیتر كو تنێ‌ گوهێ‌ دینارێ‌ یێ‌ گرتی و چ  ل وه‌لاتی بیت بۆ وان نه‌خه‌مه‌! و هه‌موو شت فرۆتن، ئه‌م هه‌موو ب ئۆمێد كه‌ڤیتن كو دێ‌ ئه‌و خولێن بهێن یێن سه‌رۆكاتی و سه‌رۆكوه‌زیرانی یێن هه‌رێمێ‌ دێ‌ ئاینده‌كێ‌ گه‌ش ل پێشیا مه‌ گه‌نجان هه‌بن و دێ‌ ده‌لیڤه‌یێن چاكسازیێ‌ پتر هێنه‌ سه‌پاندن بۆ هندێ‌ كوردستانا مه‌ بهێزتر بكه‌ڤیت.





ئەم هەواڵە 5389جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad