English | عربی | Kurdî دواهەواڵ
ڕاستەوخۆ  
 
پارێزگاری نەینەوا: دەست لەکار دەكێشمەوە ئەگەر کەمتەرخەم بووبم لە ئەرکەکانم
2019-03-23 [05:56 AM]

​ZNA – هەولێر


نەوفل عاکوب پارێزگار نەینەوا ئاشكرایدەكات، ئەگەر دەركەوت من كەم تەرخەمم ئەوا دەست لەكار دەكێشمەوە، دەربارەی بەڕێوەبەری ناوچەی "جەزیرە"ی گەشتیاری  لە موسڵ رایگەیاند ، لە ئێستادا لە پارێزگای دهۆکە و دەنگۆی ئەوەش هەیە کە گەشتی تورکیای کردبێت. 

عاکوب لە گفتوگۆیەکدا کە سەنتەری هەواڵی نیشتیمانی عێراقی لەگەڵیدا ئەنجامداوە و  دەڵێت "بەڕێوەبەری جەزیرەی گەشتیاری پابەندی ئەو ڕێنماییانە نەبووە کە پێی گوتراوە سەبارەت بە بەرزبوونەوەی ئاستی ئاوی روباری دیجلە و فەرمانەکانی جێبەجێ نەکردووە".

ئاماژەی بەوەشکرد، ئەو کەسانە بانگهێشتی پارێزگا کراوە لەسەر ئەوەی گرانی خزمەتگوزارییەکانی ناوچەی گەشتیارییەکەی.

لە بەشێکی تری قسەكانیدا پارێزگاری نەینەوا ڕوونیکردەوە، بەڕێوەبەری جەزیرەی گەشتیاری گوتوویەتی لەگەڵ گروپی عەسائیبی ئەهلی حەقدایە، بەڵام ئەو قسانە پڕوپاگەندە بوون.

بە وتەی پارێزگاری نەینەوا، خاوەنی ئەو شوێنە گەشتیاریە کە کارەساتە مرۆییەکەی موسڵی لێ ڕوویداوە، لە ئێستادا لە شار دهۆکە و دەنگۆی ئەوەش هەیە لەوێوە چووبێتە تورکیا.

دەربارەی ڕوداوەکەش نەوفل عاکوب وتی "خاوەنی بەلەمەکە گەشتیارییەکە سێ هێندەی توانای خۆی گەشتیاری بارکردووە.

دەربارەی ئەگەری دەستلەکارکێشانەوەشی، پارێزگاری نەینەوا ڕاشیگەیاند "دەستلەکار کێشانەوە پێشکەش دەکەم ئەگەر کەمتەرخەم بووبم لە ئەرکەکانم، هەروەها ئەگەر دەستلەکار کێشانەوەکەم دەبێتە هۆی گۆڕینی بارودۆخی نەینەوا، ئەوا یەکەم کەسم دەستلەکارکێشانەوە پێشکەش دەکەم، بەڵام چاوچنۆکی و مەترسی دووبارە گەڕانەوەی چەکدارانی داعش هەیە بۆ پارێزگاکە".

رۆژی پێنجشه‌ممه‌، 21ی ئادار2019، به‌له‌مێكی په‌ڕاندنه‌وه‌ی گه‌شتیاران له‌ دوورگه‌یەكی گه‌شتیاری‌ لەسه‌ر رووباری دیجله‌ لەموسڵ نقوومبوو و به‌هۆیه‌وه‌ نزیكه‌ی 100 كه‌س گیانییان له‌ده‌ستداو  ژماره‌یه‌ك گه‌شتیاریش بێسه‌روشوێنن.

 





ئەم هەواڵە 10216جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad