English | عربی | Kurdî دواهەواڵ
ڕاستەوخۆ  
 
پێشمەرگە،سیمبولی ڕەمزی ئازادی و ڕەتكردنەوەی ژێر دەستییە
2019-03-23 [12:04 PM]

نوسینی : رێبوار حەمەلاو شوانی


ئەوەی لە نێو هزر و بیری پێشمەرگە، بەدێهێنانی ئازادی و شانازیی و ڕەتكردنەوەی زوڵم و ژێردەستی داگیركەرانە . بۆ ئەمرۆش جگە لە پاراستی خاك و نیشتیمانی، لە هەمانكاتیشدا بۆتە فریاد رەس و فریشتەی ئازایەتی و ئازادی بۆ گشت مرۆڤایەتی . قوربانیدانی رابردوو و ئێستامان و خۆراگری رابردوو و ئێستامان ، هەموو بەرەو یەك ئاراستە روون و دیاریكراوە ئەویش بەرەو بەدەسهێنانی ئامانجە گەورەكەمان و پارێزگاریكردنە لە دەسكەوتەكان .
كوردستان نموونەی ئاشتی و پێكەوەژیان و ئاسایشە، پێوستە ئەو لایەنە سیاسیانە كە تەنیا كاریان دروستكردنی ئاژاوە و رەشبینیە لە هەرێمی كوردستان بگەرێنەوە سەر رێبازی كوردایەتی و رێرەویی سەربەخۆیی كوردستان و بەرەو دەوڵەتبوون هەنگاو بنێن و هیوای لەمێژینەی گەلەكەمان بهێتەدی لە خزمەتی كوردستاندا بن و بەرژەوەندی حزبییان بەلاوە بنێن و پێش كوردستانی نەخەن، كورد لەوەتەی هەیە لە خەباتی بەردەوام و چەوساندنەوەی بێ حەسانەوەدا بووە، لە راستیدا هەرێمی كوردستان خۆی لە چوارچێوەیەكی یاسایی و سیاسی و ئابوری و كۆمەڵەیەتی نوێدا دەبینێتەوە و پەیوەندیەكی بەهێزی لەگەڵ نەتەوە یەكگرتووەكان و زۆربەی دەوڵەتانی جیهاندا بنیات ناوە و رۆژ لە دووای رۆژ پشتیوانی زیاتری بۆ پەیدا دەبێت.

پێشمەرگە ، لە ماوەی پێنج ساڵی رابردوو دوو پیلانی داگیركردنەوەی خاكی پیرۆزی كوردستانی بە خۆین و ئازایەتی و خۆراگری خۆی پۆچەڵ كردەوە . پێشمەرگە، ناوی كورد و كوردستانی گەیاندە سەرانسەری جیهان ، وەك ئەستێرەیەكی درەشاوە . پێشمەرگە، بۆ سیمبوڵی قارەمانیی و ناسنامەی نەتەوەیی . پێشمەرگە ، گشت مەرام و تابووری پێنجەمی لە ناو خۆ و دەرەوەی كوردستان تێك شكاند .. پێشمەرگە و سەرۆك بارزانی ، وڵاتانی ئیقلیمی دژی كوردی ناچار كرد تا بە واقعیی ئێستا مامەلە بكات و بۆ یەكەم جار ئاڵایی كوردستان لە پاڵ ئاڵایی وڵاتانی تر دانرا . پێشمەرگە، درندەترین دوژمنی مرۆڤایەتی بە تاج و تەختیانەوە و تێك و پێك شكاند و وانەیەكی گەورەی دا بە ناحەزان و داگیركەرانی كوردستان ..

پێشمەرگە و كەسایەتی پێشمەرگە و ئازایەتی پێشمەرگە كراوەو ئەو كاتەش پێشمەرگەیەك شەهید بووە،‮ ‬شیوەنی سیاوەش ئاسای بۆ كراوە ‮. ‬یەكەم ئەوەی بۆ گیان لە دەستدانی وشەی شەهید و هەندێ جاریش گیان بەختكردوو هەڵبژێردراوە‮ . ‬هەڵبژاردنی هەر كام لەم ناوانە هەڵگری مانایەكی رەمزییە و لە هەمانكاتدا جیاكردنەوەی مەرگی ئەو كەسەیە(پێشمەرگە‮) ‬لە مەرگی كەسانی ئاسایی،‮ ‬لە بەر ئەوەی خودی ئەم مرۆڤە لە باری مانایی‮ ‬و ئوستوورەییەوە لەوە دەرچووە وەك مرۆڤی ئاسایی‮ ‬چاوی لێبكرێت و ئەو بووە بە بەرزە مرۆڤ،‮ ‬ئەو بەرزە مرۆڤەی كە عەوداڵی ئازادییەو هەموو دژوارییەك قبووڵ دەكات بەوەی بە ئازادی بگات‮ . ‬ئەم تایبەتمەندی بەرزە مرۆڤ بوونەی پێشمەرگە لە هەموو جیهان رەنگی داوەتەوە ‮. ‬لە هەمانكاتدا پێشمەرگەی كردووە بە ئوستوورەیەكی مۆدێڕن پێشمەرگە كێیەو ئەركی چیە،‮ ‬ئەم وشە پیرۆزەو ئەو پرسیارە گەورەیە زۆری لەسەر باس كراوە ‮. ‬دۆست و دوژمن هەر‮ ‬یەك بە نۆبەی خۆی تەفسیرو تەحلیلی خۆی راگەیاندوە ‮. ‬دوژمن زیاتری باس كردوە چونكی پێشمەرگە وەك پارێزەری شەرەفو ئازادی بە ورەیەكی پۆڵایین،‮ ‬بە دڵێكی ئازادو بە تەواوی وجوودی خۆی كە بە باڵای كوردستانە،‮ ‬شەڕی مانو نەمانی لەگەڵ كردوە،‮ ‬مەرگی خۆ وەپێش لە نێوچوونی ئازادی‮ ‬و شەڕەف و كەرامەتی گەلەكەی خستووە ‮. ‬پێشمەرگە تەواوی قورسایی خەباتو تێكۆشانی پڕ‮ ‬لە شانازیی گەلەكەیان لەسەر شانو پیلی خۆیان هەڵگرتوە تاوەكو،‮ ‬كاروانی درێژی خەباتو پێش وەچوون بێپسانەوە،‮ ‬بەرقەرارو بەرمەدارو ئاڵای ئازادیو خۆڕاگری شەكاوە رابگرێت ‮. ‬ئەم ئاڵایە كە وەك هێماو رەمزی نەتەوەی كورد لە بەرزترین لوتكەكان دەدرەوشێت،‮ ‬تەنیاو تەنیا مەچكو ورەی پێشمەرگە پاراستوویەتی . پێشمەرگایەتی شەڕەفە،‮ ‬ئەخلاقە،‮ ‬فەلسەفەیە،‮ ‬بۆ هەر تاكێكی كورد و بەدیهێنەری خەون و ناسنامەكەی و بەرەو  بە دیهێنانی ئامانجە گەورەكەمان ..





ئەم هەواڵە 667جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad